យោង​​​តាម​​​អង្គការ​​​ពល​​​កម្ម​​​អន្តរ​​​ជាតិ ILOបាន​​​ឲ្យដឹង​​​ថា ការ​​​បញ្ចេញ​​​ឈ្មោះ​​​ និ​​​ង​​​ការ​​​ធ្វើ​​​ឲ្យ​​​​​​អាម៉ាស់​​​មុខ​ដល់​​​​​​រោង​​​ចក្រ​​​ដែល​​​មិន​​​ធានា​​​គុណ​​​ភាព​​​ជា​​​មូល​​​ដ្ឋាន​​​នៃ​​​លក្ខខណ្ឌ​​​ការ​​​ងារ​​​របស់​​​កម្មករ​​​ខ្លួន កំពុង​​​តែ​​​ធ្វើ​​​ឲ្យ​​​បទ​​​ដ្ឋាន​​​ក្នុង​​​វិស័យ​​​កាត់​​​ដេរ​​​ប្រសើរ​​​ឡើង​​​ ប៉ុន្តែអ្នក​​​ប្រព្រឹត្ត​​​ល្មើស​​​នៅ​​​តែ​​​មាន​​​។

រោង​​​ចក្រ​​​ចំនួន​​​ប្រាំ​​​បួន​​​ត្រូ​​​វបាន​​​រាប់​​​បញ្ចូល​​​ក្នុង​​​​​​ក្រុម​​​រោង​​​ចក្រ​​​ដែល​​​ ” គោរព​​​ច្បាប់​​​ទាប​​​បំផុត​​​” នៅ​​​ក្នុង​​​របា​​​យ​​​ការ​​​ណ៍​​​តម្លា​​​ភាព​​​ទី​​​២​​​នៃ​​​កម្មវិធី​​​រោង​​​​​​ចក្រ​​​ល្អ​​​ប្រសើ​​​រ​​​នៅកម្ពុជា​​​ (BFC) របស់​​​អង្គការ​​​ ILO រួម​​​​​​ទាំង​​​អង្គការ​​​ចំនួន​​​ប្រាំ​​​បី​​​ដែល​​​ត្រូវ​​​បាន​​​​​​ចុចឈ្មោះ​​​​​​កាល​​ពី​​​ដំបូង​​​​​​​​​នា​​​ខែ​​​មីនា​​​ផង​​​ដែរ​​​។

ប៉ុន្តែ យោង​​​តាម BFC ​​​បាន​​​ឲ្យ​​​ដឹង​​​ថា មួយ​​​ភាគ​​​បី​​​នៃ​​​រោង​​​ចក្រ​​​ចំនួន​​​៩២​​​ដែល​​​បំពាន​​​លើ​​​អ្វី​ដែល​គេ​​​​ហៅ​​​ថា ” បញ្ហា​​​ធ្ងន់​​​ធ្ងរ​​​” ដែល​​​ជា​​​លក្ខខណ្ឌ​​​ផ្លូវ​​​​​​ច្បាប់​​​ជា​​​មូល​​​ដ្ឋាន​​​​​​ចំនួន​​​២១​​​ បាន​​​ធ្វើការ​​​កែ​​​លម្អ​​​មួយ​​​ចំនួន​​​ហើយ បន្ទាប់​​​ពី​​​ដឹង​​​ថា ​​​ខ្លួន​​​​​​ត្រូវ​​​បាន​​​គេ​​​​​​បញ្ចេញ​​​ឈ្មោះ​​​ឲ្យ​​​​​​អាម៉ាស់​​​មុខ​​​នៅ​​​ក្នុង​​​របាយការណ៍​​​េនះ​​​។  BFC ​​​បាន​​​លើក​​​ឡើង​​​ថា រោង​​​ចក្រ​​​​​​សរុប​​​ចំនួន​​​៤៣​​​មិន​​​ត្រូវ​​​បាន​​​រក​​​ឃើញ​​​ថា​​​បំពាន​​​លើ​​​ ” បញ្ហា​​​ធ្ងន់​​​ធ្ងរ” ​​​ទេ​​​ រួម​​​ទាំង​​​រោង​​​ចក្រ​​​ចំនួន​​​១៩​​​ដែល​​​បាន​​​កែលម្អ​​​​​​​​អាកប្បកិរិយា​​​​​​របស់​​​ខ្លួន​​​​​​ដើម្បី​​​ឲ្យ​​​គេ​​​រាប់​​​បញ្ចូល​​​ក្នុង​​ក្រុម​​​​​​នេះ​​​ផង​​​ដែរ​​​។

មាន​​​តែ​​​រោង​​​ចក្រ​​​​​​មួ​​យ​​​ប៉ុណ្ណោះ​​​ គឺ​​​រោង​​​ចក្រ  HungTakGarment Co.Ltd. ដែល​​​បាន​​​ជាប់​​​ឈ្មោះ​​​ក្នុង​​​ក្រុម​​​រោង​​​ចក្រ​​​ដែល​​​គោរព​​​ច្បាប់​​​ទាប​​​បំផុត​​​ បន្ទាប់​​​ពី​​​ក្តី​​​បារម្ភ​​​ចំនួន​​​១៩​​​​​​ចំណុច​​​​​​ត្រូវ​​​បាន​​​កែ​​​លម្អ​​​ ក្នុង​​​នោះ​​​រួមមាន​​​ទាំង​​​ការ​​​មិន​​​គិត​​​បៀ​​​វត្សរ៍​​​សម្រាប់​​​ច្បាប់​​​ឈប់​​​សម្រាក​​​នៅ​​​​​​ពេល​​​មាន​​​ជំងឺ ការកាត់​​​ប្រាក​​់ខែ​​​ដោយ​​​ខុស​​​ច្បាប់​​​ និ​​​ងបញ្ហា​​​សុវត្ថិ​​​ភាព​​​មួយ​​​ចំនួន​​​ផង​​​​​​។

លោក​​​ ចេង សេរីរតនា បុគ្គលិក​​​ផ្នែក​​​​​​រដ្ឋបាល​​​​​​នៅ​​​រោង​​​ចក្រ​​​ Hung Tak បាន​​​ទទួល​​​ស្គាល់​​​ថា រោង​​​ចក្រ​​​នេះ​​​មិន​​​បាន​​​គោរព​​​តាម​​​បទ​​​ដ្ឋាន​​​ទាំង​​​អស់​​​បស់​​​អង្គការ​​​ ILO​​​នោះ​​​ទេ​​​ ​​​នៅ​​​មុន​​​ពេល​​​ធ្វើ​​​អធិការកិច្ច​​​លើក​​​ដំបូង​​​ ប៉ុន្តែ លោក​​​បាន​​​លើក​​​ឡើង​​​ថា ចាប់តាំង​​​ពីពេល​​​នោះមក​​​ រោង​​​ចក្រ​​​នេះបាន​​​​​​ព្យាយាម​​​ធ្វើការ​​​កែលម្អ​​​ហើយ​​​។លោ​​​ក​​លើក​​​ឡើង​​​បន្ត​​​ថា “ខ្ញុំ​​​បាន​​​​​​កែ​​​ប្រែ​​​​​​១៣​​​ ឬ​​​១៤​​​​​​បញ្ហា ហើយ​​​បាន​​​ស្នើ​​​ឲ្យ​​​ អង្គការ​​​ ILO​​​ មក​​​ធ្វើ​​​អធិការ​​​កិច្ច​​​ម្តង​​​ទៀត​​​។ ពួក​​​គេ​​​នៅ​​​តែ​​​និយាយ​​​ថា យើង​​​ខ្វ​​​ះ​​​ខាត​​​​​​ចំណុច​​​ទាំង​​​អស់​​​នេះ​​​ដដែល​”។

រោង​​​ចក្រ​​​ចំនួន​​​ប្រាំ​​​បី​​​ដែល​​​​​​​​​ស្ថិត​​​ក្នុង​​​ក្រុម​​​រោង​​​ចក្រ​​​គោរព​​​ច្បាប់​​​ទាប​​​បំផុត​​​ មាន​​​ដូច​​​ជា ​​​រោង​​​ចក្រ Best Tan Garment Ltd. រោង​​​ចក្រ Cambodian Hoi Fu Garments & Knitting Fty. Co. Ltd. រោង​​​ចក្រ Chang Tai International Corp. រោង​​​ចក្រ Ever-Glory (Cambodia) Garment Manufacturing Co. Ltd. រោង​​​ចក្រ Juan Shi Garment Co. Ltd. រោង​​​ចក្រ Lixing Knitting Factory Ltd. រោង​​​ចក្រPhong Wan Enterprise Co. Ltd. និង​​​រោង​​​ចក្រYubin Service Co. Ltd.។

លោកស្រី​​​ ជីល​​​ ថាក់​​​ឃើ ​​​ទីប្រឹក្សា​​​បច្ចេក​​​ទេស​​​ជាន​​​់ខ្ពស់​​​នៅ ​​​BFC បាន​​​មាន​​​ប្រសាសន៍​​​ថា ការ​​​កើន​​​ឡើង​​​តម្លាភាព​​​ក្រោយ​​​ពី​​​ការ​​​សិក្សា​​​ស្រាវជ្រាវ​​​មួយ​ធ្វើ​​​ឡើង​​​ដោយ​​​សាកលវិទ្យាល័យ​​​​​ស្ទែន​​​ហ្វដ​​​  (Stanford University) កាល​​​ពីឆ្នាំ​​​មុន​​​ដែល​​​បង្ហាញ​​​ថា កង្វះ​​​នៃ​​​ការ​​​ធ្វើ​​​សេចក្តី​​​រាយ​​​ការណ៍​​​ជា​​​សាធារណៈ​​​ បាន​​​រារាំង​​​កិច្ច​​​ប្រឹង​​​ប្រែង​​​របស់​​​ BFC  ក្នុង​​​​​​ការ​​​ធ្វើ​​​ឲ្យ​​​ជីវភាព​​​រស់​​​នៅ​របស់​​​​កម្មករ​​​ល្អ​​​ប្រសើ​​​រ​​​នោះ​​​ បាន​​​ជំរុញ​​​ឲ្យ​​​រោង​​​ចក្រ​​​នានា​​​ដែល​​​មិន​​​ព្រម​​​ផ្លាស់​​​ប្តូរ​​​អស់​​​រយៈ​​​ពេល​​​ជា​​​ច្រើន​​​ឆ្នាំ​​​ ធ្វើកំណែ​​ទម្រង់​​​។

លោកស្រី​​​មាន​​​ប្រសាសន៍​​​ថា ” យ៉ាង​​​ហោច​​​ណាស់​​​មាន​​​ករណី​​​​​​មួយ ដែល​​​តំណាងមួយ​​​រូប​​​របស់​​​​​​​​​​​ក្រុម​​​ហ៊ុន​​​​​​សម្លៀក​​​បំពាក់​​​មួយ​​​ ជិះ​​​យន្ត​​​ហោះ​​​មក​​​កាន់​​​ទី​​​នេះ ហើយ​​​ចាប់​​​ផ្តើម​​​ធ្វើ​​​ការ​​​ជាមួយ​​​រោង​​​ចក្រ​​​មួយ​​​ដែល​​​តែង​​​តែ​​​​​​ព្រងើយ​​​កន្តើយ​​​ដាក់​​​ពួក​​​យើង​​​”។ លោក​​​ស្រី​​​បាន​​​បន្ថែម​​​ថា ” នៅ​​​មាន​​​ការ​​​ងារ​​​ជាច្រើន​​​​​​ត្រូ​​​វ​​​ធ្វើ​​​” ជា​​​ពិសេស​​​ការ​​​ធ្វើ​​​ឲ្យ​​​លក្ខខណ្ឌ​​​​ការ​​​ងារ​​​​​ទូទៅ​​​ប្រសើរ​​​​​​ឡើង​​​ ដូច​​​ជា​​​រោង​​​ចក្រ​​​ដែល​​​មាន​​​​​​កម្រិត​​​សីតុណ្ហ​​​ភាព​​​​​​ក្តៅ​​​ពេក​​​ ឬ​​​គ្មាន​​​អនាម័យ​​​ជា​​​ដើម​​​។

លោក​​​ស្រី​​​មាន​​​ប្រសាសន៍​​​បន្ត​​​ថា “​​​ជា​​​ទូទៅ​​​ រឿង​​​ទាំង​​​អស់​​​នេះ​​​កើត​​​​​​ឡើង​​​ នៅ​​​ពេល​​​ឧស្សា​​​ហកម្ម​​​​​កំពុង​​​រីក​​​ចម្រើន​​​​​ ពីព្រោះ​​​អ្នក​​​គ្រប់​​​គ្រង​​​កំពុង​​​ព្យាយាម​​​ទទួល​​​ការ​​​បញ្ជា​​​ទិញ ហើយ​​​នោះ​​​​​​ជា​​​អ្វី​​​ដែល​​​យើង​​​បាន​​​មើល​​​ឃើញ​​​ក្នុង​​​រយៈ​​​ពេល​​​ពីរ​​​បីឆ្នាំ​​​ចុង​​​ក្រោយ​​​នេះ​​​”។ លោក​​​ កែន លូ អគ្គលេខាធិការ​​​សមាគម​​​រោង​​​ចក្រ​​​កាត់ដេរ​​​នៅកម្ពជា (GMAC) បាន​​​បដិសេធ​​​មិន​​​ធ្វើ​​​អត្ថាធិប្បាយ​​​អំ​​​ពី​​​ការ​​​អះអាង​​​របស់​​​ BFC ដែល​​​លើក​​​ឡើ​​​ងថា ​​​តម្លាភាព​​​ធ្វើ​​​ឲ្យ​​​​​​លក្ខខណ្ឌ​​​ការងារ​​​ប្រសើ​​​រឡើង​​​ទេ​​​។

ទោះ​​​ជា​​​យ៉ាង​​​ណា ​​​លោក​​​បាន​​​លើ​​​​​​ក​​​ឡើង​​​ពី​​​ក្តី​​​បារម្ភថា ការ​​​ចុះ​​​ផ្សាយ​​​​​​​​​​ជា​​​សាធារណៈ​​​អំពី​​​បញ្ហា​​​​​​​​​អវិជ្ជ​​​មាន​​​ក្នុង​​​ពេល​​​ថ្មី​​​ៗ​​​នេះ​​​ជុំ​​​វិញ​​​វិស័យ​​​កាត់​​​ដេរ​​​ដែល​​​​​រក​​​​​ចំណូល​​​ឲ្យ​​​កម្ពុជា​​ បាន​​​ប្រមាណ​​​៥ពាន់​​​លាន​​​ដុល្លារក្នុង​​​មួយ​​​ឆ្នាំ ​​ដែល​​​ផ្តល់​​​ការ​​​ងារ​​​​​​ដល់​​​ប្រជា​​​ពល​​​រដ្ឋ​​​ខ្មែរ​​​ប្រហែល​​​​​​​​​កន្លះ​​​លាន​​​នាក់​​​នោះ បាន​​​ធ្វើ​​​ឲ្យ​​​ចំនួន​​​បញ្ជា​​​ទិញ​​​ពី​​​ក្រុម​​​ហ៊ុន​​​សម្លៀក​​​បំពាក់​​​​​​​​​​​​ពិភពលោក​​​ធ្លាក់​​​ចុះ។ លោក​​​ កែន លូ ​​​មាន​​​ប្រសាសន៍​​​ថា ” ខ្ញុំ​​​ចង់​​​ឃើញ​​​​​​​​​ការ​​​យក​​​ចិត្ត​​​ទុក​​​ដាក់​​​បន្ថែម​​​ទៀត​​​ចំពោះ​​​បញ្ហា​​​នេះ​​​ពី​​​​​​សំណាក់ BFC ​​​ និង​​​ការ​​​ប្តេជ្ញា​​​ចិត្ត​​​បន្ថែម​​​ទៀត​​​ពី​​​អ្នក​​​បញ្ជា​​​ទិញ​​​ និង​​​រោង​​​ចក្រ​​​”។

របាយការណ៍​​​ចុង​​​ក្រោយ​​​បំផុត​​​របស់ ​​​BFC បាន​​​បន្ថែម​​​ឈ្មោះ​​​រោង​​​ចក្រ​​​ចំនួន​​​៩៣​​​ចូល​​​ក្នុង​​​​​​ទិន្នន័យ​​​​​មូលដ្ឋាន​​ស្តីពី​​​តម្លាភាព ធ្វើ​​​ឲ្យ​​​ចំនួន​​​រោង​​​ចក្រ​​​ស​​​រុប​​​ដែល​​​ត្រូវ​​​បាន​​​វាយ​​​តម្លៃ​​​រហូ​​​តមក​​​ទល់​​​ពេល​​​នេះ កើន​​​ឡើង​​​ដល់​​​១៥២​​​រោង​​​ចក្រ។ ទីបំផុត ​​​ទិន្នន័​​​យ​​​មូលដ្ឋាន​​​ដែល​​​ផ្សាយ​​​ជា​​​សាធារណៈ​​​​​​នូវ​​​ឈ្មោះ​​​រោង​​​ចក្រ​​​ដែល​​​គោរព​​​ច្បាប់​​​ទាប​​​បំផុត​​​ជា​​​លើក​​​ដំបូងចាប់​​​តាំង​​​ពី​​​ឆ្នាំ​​​២០០៥​​​មក​​​នោះ ​​​ នឹង​​​គ្រប​​​ដណ្តប់​​​រោង​​​ចក្រ​​​ជិត​​​៥០០​​​នៅទូទាំង​​​ប្រទេស​​​។

លោក​​​ សយ សីហា លេខា​សហភាពសម្ព័ន្ធ​​​សហជីព​​​​​​​កម្ពុជា ​​​(Cambodian Confederation Trade Union) បាន​​​មាន​​​ប្រសាសន៍ថា អង្គការ​​​ ILO មិន​​​បាន​​​ឃ្លាំ​​​មើល​​​ក្រុម​​​ហ៊ុនផ្គត់​​​ផ្គង់​​​ ឬក្រុមហ៊ុន​​​មៅ៉ការ​​​បន្ត​​​តូច​​​ៗ​​​ទេ​​​ ដូច្នេះ​​​ហើយ​​​ការ​​​ធ្វើ​​​របាយការណ៍​​​របស់​​​អង្គការ​​​នេះ​​​មិន​​​តំណាង​​​ឲ្យ​​​ឧស្សាហកម្ម​​​ទាំង​​​មូល​​​ឡើយ។ លោក​​​មាន​​​ប្រសាសន៍​​​បន្ត​​​ទៀត​​​ថា​​​” ជាញឹក​​​ញាប់ ​​​ពួក​​​គេ​​​ផ្តោត​​​លើ​​​ក្រុមហ៊ុន​​​ធំៗ​​​ ប៉ុន្តែ  សម្រាប់ក្រុមហ៊ុន​​​តូច​​​ៗ ដែល​​​ធ្វើ​​​ប្រតិបត្តិការ​​​ក្រៅច្បាប់​​​វិញ អង្គការ​​​ ILO មិន​​​បាន​​​ចូល​​​ទៅដល់​​​ទេ​​​។ BFC ក៏​​​បាន​​​​​​​​​បញ្ចូល​​​​​​កូដកម្ម​​​ចំនួន​​​២៦​​​ក្នុង​​​ទិន្នន័យ​​​មូល​​​ដ្ឋាន​​​នេះ​​​ដែរ​​​ ដែល​​​ធ្វើ​​​ឡើង​​​ដោយ​​​សហជីព​​​កម្ម​​​ករ​​​​​​ផ្សេង​​​ៗគ្នា​​​ ហើយ​​​សហជីព​​​ទាំង​​​អស់នោះ​​​សុទ្ធ​​​តែ​​​ត្រូវ​​​បាន​​​លើ​​​ក​​​ឡើង​​​ថា មិន​​​បាន​​​បំពេញ​​​កាតព្វកិច្ច​​​ច្បាប់។

សហជីព​​​ដែល​​​បាន​​​ធ្វើ​​​កូដ​​​កម្ម​​​​​​​​​​​​​​​​​​ដោយ​​​ខុស​​​ច្បាប់​​​រួម​​​មាន​​​សហ​​​ព័ន្ធ​​​សហ​​​ជីព​កម្មករ​ (Trade Union Federation for Workers) សហ​​​ជីព​​​សេរីកម្ម​​​ករ និងសម្ព័ន្ធ​​​សហ​​​ជីព​​​ប្រ​​​ជា​​​ធិបតេយ្យ​​​កម្មករ​​​កាត់​​​ដេរ​​​កម្ពុជា (​​​​​​​​​​​ស៊ីខៅឌូ​​​)។ លោក អាត់​​​ ធន់​​​ប្រធាន​​​របស់​​​ស៊ីខៅឌូ បានមាន​​​ប្រសាសន៍​​​ថា ចំនួន​​​លក្ខខណ្ឌ​​​ផ្លូវ​​​ច្បាប់​​​សម្រាប់​​​ការ​​​ធ្វើ​​​កូដកម្ម​​​ គឺ​​​វា​​​ខ្ពស់​​​ពេក​​​ ហើយ​​​សហជីពត្រូវ​​​​​​ចំណាយ​​​ពេល​​​រាប់​​ខែ​​​​​​ឯណោះ​​​ទម្រាំ​​​បំពេញ​​​អស់​​​។ លោក​​​មាន​​​ប្រសាសន៍​​​ទៀត​​​ថា ” ធ្វើ​​​កូដ​​​កម្ម​​​តាម​​​ច្បាប់​​​ការ​​​ងារ​​​វា​​​មិន​​​ងាយ​​​ស្រួយ​​​ទេ​​​ ពី​​​ព្រោះ​​​ក្រុមហ៊ុន​​​ធ្វើ​​​ឲ្យ​​​វា​​​ពិបាក”៕ សុខុម​​​​​​​​​

​​​​​​​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ILO និយាយ​​​ថា​​​ ការ​​​ធ្វើ​​​ឲ្យ​​​រោង​​​ចក្រ​​​កាត់​​​ដេរ​​​អាម៉ាស់​​​មុខ​​​នាំ​​​​​​ឲ្យ​​​បទដ្ឋាន​​​ការ​​​ងារ​​​ប្រសើរ​​​ឡើង​​​ appeared first on ខេមបូឌា ដេលី.

នាយក​ដ្ឋានកណ្ដាល​​សន្តិសុខ​នៃ​ក្រសួង​មហាផ្ទៃ បាន​ចាប់​ខ្លួន​ជន​ជាតិ​ចិន​៧៨​នាក់​កាលពី​ម្សិលមិញ ពីបទ​ពាក់​ព័ន្ធ​បទ​ល្មើស​​ជំរិត​ទារ​ប្រាក់​តាម​ប្រព័ន្ធ​អុីនធើណិត​ (VoIP) ​ក្នុង​ប្រតិបត្តិ​ការ​ឆ្មក់​បង្ក្រាប​ក្នុង​រាជ​ធានីភ្នំពេញ និង​ខេត្ត​ចំនួន​ពីរ​។

លោក ឆាយ ស៊ីណារិទ្ធ ប្រធាន​នាយក​ដ្ឋាន​កណ្ដាល​សន្តិ​សុខ បាន​មាន​ប្រសាសន៍​ថា បុរសនិង​ស្ត្រី​ទាំង​នេះ ត្រូវ​បាន​ចាប់​ខ្លួន​នៅ​ក្នុង​រាជ​ធានីភ្នំពេញ​ ខេត្ត​សៀម​រាប និង​ខេត្ត​តាកែវ បន្ទាប់ពី​ការ​ស៊ើប​អង្កេត​រយៈពេល​មួយ​សប្ដាហ៍​ ក្រោយពី​ទទួល​បានពាក្យបណ្ដឹង​ពី​ស្ថានទូត​ចិន។ លោក​មាន​ប្រសាសន៍​ថា ស្ថានទូត​ចិន​បាន​ប្ដឹង​មក​ក្រសួង​មហាផ្ទៃ​ជួស​មុខ​ឲ្យ​ជន​រង​គ្រោះ​នៅ​ក្នុង​ប្រទេស​ចិន ដែល​បាន​រាយការណ៍​ថា ពួកគេ​ត្រូវ​បាន​ជំរិត​ទារ​ប្រាក់​ដោយ​មនុស្ស​មួយ​ក្រុ​ម​ដែល​កំពុង​ធ្វើ​សកម្មភាព​ក្នុង​ប្រទេស​កម្ពុជា​។

លោក​បាន​លើក​ឡើង​បន្ត​ថា ” យើង​ទទួល​បាន​ពាក្យ​បណ្ដឹង​ពី​ជន​រង​គ្រោះនៅ​ក្នុង​ប្រទេស​ចិន ហើយ​យើង​បានស៊ើប​អង្កេត​រយៈពេល​មួយ​សប្ដាហ៍​រហូតឈាន​​ដល់​ការ​ចាប់​ខ្លួន​ពួកគេ។ ពួកគេ​ត្រូវ​បាន​ចោទ​ប្រកាន់ពី​បទ​ជំរិត​ទារ​ប្រាក់​ពីជន​រងគ្រោះនៅ​ក្នុង​ប្រទេស​ចិន​តាម​អុីនធើណិត​ចេញពី​ទីនេះ។ ពេល​នេះពួកគេ​ត្រូវ​បាន​ឃុំខ្លួន​នៅ​ក្នុង​នាយក​ដ្ឋាន​កណ្ដាល​សន្ដិសុខ ​មុនពេល​បញ្ជូន​ខ្លួន​ពួកគេ​ទៅ​តុលាការ​”។

ហើយទោះ​បីជា​នាយក​ដ្ឋាន​របស់​លោក​បាន​ចំណាយ​ពេល​ស៊ើប​អង្កេត​សំណុំរឿង​នេះ​រយៈេពល​មួយ​សប្ដាហ៍​ក្ដី​ ក៏លោក ឆាយ ស៊ីណារិទ្ធិ បាន​មាន​ប្រសាសន៍​ថា លោក​គ្មាន​ព័ត៌មាន​លម្អិត​ផ្សេង​ទៀត​ស្ដីពី​បទ​ល្មើស​នេះទេ​។ លោក​មាន​ប្រសាសន៍​ថា ” នេះគឺ​ជា​លើ​ក​ទី២​ហើយ ដែល​យើង​ចាប់​ខ្លួន​ក្រុម​ជំរិត​ទារ​ប្រាក់​តាម​​ប្រព័ន្ធ​ VoIP នៅ​ឆ្នាំ​នេះ” ប៉ុន្តែ​លោក​មិន​បាន​បក​ស្រាយ​ថា តើ​សំណុំ​រឿង​ទាំង​ពីរ​នេះ​មាន​ការ​ពាក់​ព័ន្ធ​គ្នា​ឬយ៉ាង​ណា​ទេ​។

នគរ​បាល​បាន​ចាប់​ខ្លួន​ជនជាតិ​ចិន​​ចំនួន១២​នាក់​តាម​ការ​ចោទ​ប្រកាន់​ដូច​គ្នា​នេះ​នៅ​ក្នុង​រាជធានីភ្នំពេញ​កាលពី​ខែកុម្ភៈ។ ជន​ជាតិ​ចិន​ដីគោក​ និង​ជនជាតិ​ចិន​តៃ​វ៉ាន់​រាប់​សិប​នាក់​ត្រូវ​បាន​ចាប់​ខ្លួន​នៅក្នុង​ប្រទេស​កម្ពុជា ហើយ​ត្រូវ​បាន​បញ្ជូន​ត្រឡប់​ទៅវិញ​ក្នុង​រយៈពេល​ពីរ​ឆ្នាំ​មក​នេះ ​ពាក់ព័ន្ធនឹង​បទ​ល្មើស​​ស្រដៀង​គ្នា​នេះ​ ដែល​ក្នុង​នោះ​​ឧក្រិដ្ឋជន​ទូរស័ព្ទ​ទៅ​ជន​រងគ្រោះ​នៅ​ក្នុង​ប្រទេស​ចិន​ប្រាប់​ឲ្យ​​ពួកគេ​ផ្ទេរ​ប្រាក់​ចូល​ក្នុង​គណនី​ធនាគារ​របស់​ខ្លួន​​។

លោក ឆាយ ស៊ីណារិទ្ធ បាន​មាន​ប្រសាសន៍​ថា មនុស្ស​ទាំង​៧៨​នាក់​ដែល​ត្រូវបាន​ចាប់​ខ្លួន​កាលពី​ម្សិលមិញ​នេះ រួម​មាន​៦នាក់​ចាប់​បាន​នៅ​ក្នុង​រាជធានី​ភ្នំពេញ ៤៤​នាក់​ចាប់​បាន​នៅ​ក្នុង​ខេត្ត​សៀម​រាប និង​២៨នាក់​ចាប់​បាន​នៅ​ខេត្ត​តាកែវ។ លោក​មាន​ប្រសាសន៍ទៀត​ថា ការ​ចាប់​ខ្លួន​ស្ទើរ​តែ​ទាំង​អស់​ក្នុង​ករណី​បែប​នេះ​ធ្លាប់​តែ​កើត​មាន​នៅ​ក្នុង​រាជ​ធានីភ្នំពេញ ប៉ុន្តែ​លោក​មាន​ប្រសាសន៍​ថា ​ដោយ​សារ​អុីនធើណិត​គ្រប​ដណ្ដប់​ទៅ​ដល់​តំបន់​ឆ្ងាយ​ៗ​នៅ​ក្នុង​ប្រទេស​​កម្ពុជា​ បានធ្វើឲ្យ​​ក្រុម​​ទាំង​​នេះ​បង្កើត​បណ្ដាញ​ និង​ធ្វើ​សកម្មភាព​ជំរិត​ទារ​ប្រាក់​កាន់​តែ​ងាយ​ស្រួល​នៅ​តាម​ខេត្ត​៕ សុខុម​​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ជនជាតិចិន​ជិត​១០០​នាក់​ត្រូវ​បាន​ចាប់​ខ្លួន​ពី​បទ​ឆបោក​តាម​អុីនធើណិត appeared first on ខេមបូឌា ដេលី.

កាល​​​ពី​​​ម្សិលមិញ ទាហាន​​​ មន្ត្រី​​​នគរបាល​​​ និង​​​មន្ត្រី​​​រាជ​​​ការ​​​រាប់​​​រយ​​​នាក់​​​បាន​​​ចូល​​​រួម​​​នៅ​​​ក្នុង​​​ការ​ហាត់​​​សម​ដង្ហែ​​សម្រាប់​ពិធី​រយៈ​​​ពេល​​​​​​បី​​​ថ្ងៃ​​​នៅ​​​សប្តាហ​​​៍​​​ក្រោយ​​​ដើម្បី​​​ដង្ហែ​​​ព្រះបរម​​​អដិ្ឋ​​​របស់​​​សម្តេច​​​ឪ ព្រះ​នរោត្តម​​​ សីហនុ​​​ ពីព្រះ​​​បរម​​​រាជ​​​វាំង​​​ទៅ​​​តម្កល់​នៅ​ចេតិយ​​​​​​មួយ​​​​​​នៅ​​​ក្នុង​​​បរិវេណ​​​ប្រាសាទ​​​ព្រះ​​​កែវ​​​មរកត។

នៅ​​​ថ្ងៃ​​​ទ​​​ី​​​១០ ខែ​​​កក្កដា ដែល​​​ជា​​​ថ្ងៃ​​​ដំបូង​​​នៃ​​​​ព្រះ​រាជ​​ពិធី​​​ដង្ហែ​​​ព្រះ​បរម​​អដ្ឋិ​​​នេះ ​​​មាន​​​ពិធី​រាប់​បាត​​​​ប្រគេន​​​​ព្រះ​​​សង្ឃ​នៅមុខ​ព្រះ​បរមរាជ​វំាង ​ហើយ​នៅ​​​ថ្ងៃ​​​ទី​​​១១ ខែ​​​កក្កដា​​​ នឹង​មាន​ប្រជាពល​រដ្ឋ​​​​ប្រហែល​​​២០.០០០នាក់​​​នៅ​​​ទី​​​ក្រុង​​​ភ្នំពេញ​​​​​ឈរ​​​តម្រង់​​​ជួរ​​​តាម​​​ផ្លូវ​​​មើល​​​ការ​​​ដង្ហែ​​​ព្រះ​បរម​​អដិ្ឋ។

លោក ឃួង ស្រេង អភិបាល​​​រង​​​រាជ​​​ធានី​​​ភ្នំពេញ​​​បាន​​​មាន​​​ប្រសាសន៍​​​ថា ” មនុស្ស​​​២០.០០០​​​នាក់​​​នឹង​​​ទទួល​​​ស្វាគមន៍​​​ព្រះ​​​បរម​អដ្ឋិ​​​របស់​​​ព្រះ​​​មហាក្សត្រ​​​ ដោយ​​​​​ឈរ​​​នៅ​តាម​​​ចិញ្ចើម​​​ផ្លូវ​​​។ យើង​​​គិត​​​ថា យើង​​​មិន​​​ចង់​​​រំខាន​​​ប្រជា​​​ពល​​​រដ្ឋ​​​នៅ​​​តាម​​​​​​ខេត្ត​​​ទេ ដូច្នេះ​​​លោក គង់ សំអុល​​​ [​​​រដ្ឋ​​​មន្ត្រី​​​ព្រះ​​​បរម​​​រាជ​​​រាំង​​​] បាន​​​អនុញ្ញាត​​​ឲ្យ​​​សាលា​​​រាជ​​​ធានី​​​ភ្នំពេញ​​​អញ្ជើញ​​​ប្រជា​​​ពល​​​រដ្ឋ​​​នៅ​ទី​ក្រុង​ភ្នំពេញ​​​ចូល​​​រួម​​​ពិធី​​​នេះ​​​”។ លោក​​​បាន​​​បន្ថែម​ថា ” សម្តេច គង់​​​ សំអុល បាន​​​​​​មាន​​​ប្រសាសន៍​​​ថា មិន​​​មាន​​​កន្លែង​​​គ្រប់​​​គ្រាន់​​​សម្រាប់​​ប្រជាពលរដ្ឋ​​​ជាច្រើន​​​ចូល​​​រួម​​​ដង្ហែ​​​តាម​​​ផ្លូវ​​​ទេ​​​ ដូច្នេះ​​​យើង​​​ត្រៀម​​​​​វីដេអូ​​​សម្រាប់​​​​​​ប្រជា​​​ពល​​​រដ្ឋ​​នៅ​​​តាម​​​​​​ខេត្ត​​​មើល​​តាម​​​ទូរទស្សន៍​​​”។

ពិធីដង្ហែ​​​ចម្ងាយ​​​១៣​​​គីឡូម៉ែត្រ​​​នេះ​​​​​​នឹង​​​ចាប់​​​ផ្តើម​​​ពី​​​ព្រះ​​​បរម​​​រាជ​​​វាំង​​​ បន្ទាប់​​​មក​​​ទៅ​​​តាម​​​​​​ផ្លូវ​​​លេខ​​​១៨៤​​​ តាម​​​មហាវិថី​​​ ព្រះ​​​នរោត្តម និង​​​មហា​​​វិថី ព្រះ​​​សុធារស​​​ មុន​​​ពេល​​ត្រឡប់​ទៅ​​​ព្រះ​​​បរម​​​រាជវាំង​​​វិញ​​​។

ឧត្តម​​​សេនីយ៍​​​​​​ត្រី​​​​​​​​​ ខេង ទីតូ អ្នក​​​នាំពាក្យ​​​កង​​​រាជ​​​អាវុធ​​​ហត្ថ​​​លើ​​​ផ្ទៃ​​​ប្រទេស​​​បាន​​​មាន​​​ប្រសាសន៍​​​ថា កង​​​កម្លាំង​​​ប្រដាប់​​​អាវុធ​​​រាប់​​​ពាន់​​​នាក់​​​នឹង​​​ត្រូវ​​​ដាក់​​​ពង្រាយ​​​ឲ្យ​​​ការ​​​ពារ​​​សន្តិ​​​សុខ​​​ អំឡុ​​​ងពេល​​​ដង្ហែ​​​នេះ។ លោក​​​បាន​​​មាន​​​ប្រសាសន៍​​​ថា ” យើង​​​នឹង​​​បិទ​​​ផ្លូវ​​​មួយ​​​ចំនួន​​​នៅ​​​ជិត​​​ផ្លូវ​​​ដង្ហែ​​​ព្រះ​​​បរម​អដិ្ឋ​​​របស់​​​ព្រះអង្គ ហើយ​​​លោក​​​បាន​​​បដិសេធ​​​មិន​​​ធ្វើ​​​អត្ថា​​​ធិប្បាយ​​​បន្ថែម​​​ទេ​​​។ នៅ​​​ថ្ងៃ​​​ទី​​​៣​​​នៃ​​​ពិធី​​​ដង្ហែ​​​នេះ​​​ គឺ​​​ថ្ងៃ​​​ទី​​​១២​​​​​​ ខែ​​​កក្កដា​​​ ព្រះ​​​បរម​​​អដ្ឋិ​​​ នឹង​​​ត្រូវ​តម្កល់​​​នៅ​​​ទី​​​នោះ​​​។ តាម​​​ទំនៀម​ទម្លាប់​​​ ព្រះ​​​បរម​​​អដ្ឋ​​​ិ​​​ព្រះ​​​មហា​​​ក្សត្រ​​​ខ្មែរ​​​ត្រូវ​​​បាន​​​បែង​​​ចែកយកទៅ​​​តម្កល់​​​​​​​​​នៅ​​​ក្នុង​​​ចេតិយ​​​នៅ​​​ភ្នំ​​​ឧដុង្គ នៅ​​​ព្រះ​​​បរម​​​រាជ​​​វាំង​​​ និង​​​នៅ​​​ក្នុង​​​ប្រាសាទ​​​ព្រះ​​​កែវ​​​មរកត​​​។

ប៉ុន្តែ សម្តេច​​​ឪ នរោត្តម សីហនុ បាន​​​ផ្តាំ​​​ឲ្យ​​​យក​​​អដ្ឋិធាតុ​​​របស់​​​ព្រះ​​​អង្គ​​​ទាំង​​​អស់​​​ទៅ​​​តម្កល់​​​នៅ​​​ក្នុង​​​ប្រាសាទ​​​ព្រះ​​​កែវ​​​មរកត​​​ជាមួយ​​​អដ្ឋិធាតុ​​​របស់​​​បុត្រី​​​​​​ព្រះ​​​អង្គ គឺ​​​អ្នក​​​អង្គ​​​ម្ចាស់​ គន្ធបុប្ផា ដែល​​​បាន​​​ចូល​​​ទិវង្គត​​​ដោយសារ​​​ជំងឺ​​​មហារីក​​​គ្រាប់​​​ឈាម​​​កាល​​​ពី​​ឆ្នាំ​​​១៩៥២ ក្នុង​​​ព្រះ​​​ជន្មាយុ​​​៤ព្រះ​វស្សា​​​៕ គឹម​​​ហឿន​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ព្រះ​បរម​រាជ​វាំង​ហាត់​សម​ដង្ហែ​ព្រះ​បរម​អដ្ឋិ​របស់​សម្តេចឪ appeared first on ខេមបូឌា ដេលី.

កម្មករ​​​ជួស​​​ជុល​​​ប្រាសាទ​​​តា​​​ព្រហ្ម​​​៦០​​​នាក់​​​ក្នុង​​​ខេត្ត​​​សៀម​​​រាប​​​បាន​​​ឈប់​​​ធ្វើ​​​ការ​​​កាល​​​ពី​​​ម្សិល​​​មិញ និង​​​បាន​​​ធ្វើ​​​ការ​​​​​​តវ៉ា​​​នៅមុខ​​​ប្រាសាទ​​​នេះ ​​​​​​រួម​​​​​​ជាមួយ​​​អតីត​​​កម្មករ​​​៣១​​​នាក់​​​ផ្សេង​​​ទៀត​​​ ដែល​​​បាន​​​បាត់​​​បង់​​​ការងារ​​​របស់​​​ខ្លួន​​​កាល​​​ពី​​​ឆ្នាំ​​​មុន​​​ ហើយ​​​កំពុង​​​ទាម​​​ទារ​​​ឲ្យ​​​អង្គការ​​​ Archeological Surveyof India (ASI) ដែល​​​ដឹក​​​នាំ​​​គម្រោង​​​ជួស​​​ជុល​​​ប្រាសាទ​​​ ទទួល​​​ពួក​​​គេ​​​ចូល​​​ធ្វើ​​​ការ​​​វិញ​​​។ អង្គការ​​​​​​ដែល​​​គ្រប់​​​គ្រង​​​ដោយ​​​រដ្ឋាភិបាល​​​ឥណ្ឌា​​​នេះ​​​ បាន​​​និង​​​កំពុង​​​ធ្វើ​​​ការ​​​ជួស​​​ជុល​​​នៅ​​​ប្រាសាទ​​​តាព្រហ្ម​​​​​​តាំង​​​ពី​​​ឆ្នាំ​​​២០០៤​​​មក ជា​​​មួយ​​​ការ​​​ងារ​​​លើ​​​គម្រោង​​​រយៈ​​​ពេល​​​១០​​​ឆ្នាំ​​​ ដែល​​​គ្រោង​​​នឹង​​​បញ្ចប់​​​នៅ​​​ចុង​​​ឆ្នាំ​​​នេះ​​​។

ដោយ​​​អះ​​​អាង​​​ពី​​​ការ​​​បណ្តេញ​​​​​​ចេញ​​​ពី​​​ការ​​​ងារ​​​ដោយ​​​មិន​​​​​​ត្រឹម​​​ត្រូវ​​​​​​​​​​​​​​​​​​ កម្មករ​​​៣១​​​នាក់​​​បាន​​​នាំ​​​យក​​​កង្វល់​​​របស់​​​ខ្លួន​​​ទៅ​​​ក្រុម​​​ប្រឹក្សា​​​អាជ្ញា​​​កណ្តាល​​​កាល​​​ពី​​​ខែ​​​កុម្ភៈ​​​ ឆ្នាំ​​​មុន​​​។ ក្រុម​​​ប្រឹក្សា​​​នេះ​​​បាន​​​​​​ផ្តល់​​​យោបល់​​​ឲ្យ​​​អង្គការ​​​ ASI ទទួល​​​យក​​​កម្មករ​​​៣១​​​នាក់​​​នោះ​​​ចូល​​​ធ្វើ​​​ការ​​​វិញ​​​។

អង្គការ​​​ ASI និង​​​ស្ថាន​​​ទូត​​​ឥណ្ឌា​​​បាន​​​ឲ្យដឹង​​​នៅ​​​ពេល​​​នោះ​​​ថា មាន​​​ការ​​​ងារ​​​ល្មម​​​សម្រាប់​​​កម្មករ​​​​​​តែ​៦០​​​នាក់​​​ប៉ុណ្ណោះ​​​ ដែល​​​អ្នក​​​ទាំង​​​អស​​​់​​​នោះ​​​គ្មាន​​​កិច្ច​​​សន្យា និង​​​ទទួល​​​ប្រាក់​​​ខែ​​​តាម​​​ថ្ងៃ​​​​​​​​​​​​ ប៉ុន្តែ​​​បាន​​​សន្យា​​​ថា នឹង​​​ផ្ដល់​​​​ប្រាក់​​​អតីត​​​ភាព​ការ​ងារ​​​​ឲ្យ​​​កម្មករ​​​ដែល​​​ត្រូវ​​​គេ​​​បញ្ឈប់​​​។

លោក អឹុង​​​ ខូយ ជា​​​កម្មករ​​​ម្នាក់​​​ក្នុ​​​ង​​​ចំណោម​​​កម្មករ​​​៣១​​​នាក់​​​ ដែល​​​បាន​​​បាត់​​​បង់​​​ការ​​​ងារ​​​របស់​​​ខ្លួន​​​កាល​​​ពី​​​ឆ្នាំ​​​មុន​​​ បាន​​​និយាយ​​​ថា ការ​​​តវ៉ា​​​កាល​​​ពី​​​ម្សិលមិញ បាន​​​ស្វះ​​​ស្វែង​​​ដើម្បី​​​បង្ខំ​​​ឲ្យ​​​អង្គការ​​​ ASI ទទួល​​​យក​​​កម្មករ​​​ទាំង​​​នោះ​​​ចូល​​​ធ្វើ​​​ការ​​​វិញ​​​។

លោក ខូយ​​​ ដែល​​​ក៏​​​ជា​​​អនុ​​​ប្រធាន​​​​​​សហជីព​​​កម្មករ​​​អភិរក្ស​​​អង្គរ​​​ដែរ​​​នោះ​​​ បាន​​​និយាយ​​​ថា “ប្រសិន​​​បើ​​​ស្ថាន​​​ទូត​​​ឥណ្ឌា​​​មិន​​​ជួយ​​​យើង​​​ក្នុង​​​បញ្ហា​​​នេះ​​​ទេ​​​នោះ​​​ យើង​​​នឹង​​​​នាំ​​​យក​​​​​​​ការ​​​តវ៉ា​​​ទាម​​​ទារ​​​នេះ​​​ទៅ​​​រដ្ឋាភិបាល​​​កម្ពុជា​​​ ហើយ​​​ប្រសិន​​​បើ​​​ពួក​​​គេ​​​យក​​​យើង​​​ចូល​​​ធ្វើ​​​ការ​​​វិញ​​​មែន​​​ យើង​​​នឹង​​​ស្នើ​​​ពួក​​​គេ​​​ឲ្យ​​​បើក​​​ប្រាក់​​​ឲ្យ​​​យើង​​​ច្រើន​​​ជាង​​​បី​​​ដុល្លារ​​​ក្នុង​​​មួយ​​​ថ្ងៃ​​​”។  លោក​​​បាន​​​និយាយ​​​ថា កម្មករ​​​សព្វ​​​ថ្ងៃ​​​ចំនួន​​​៦០នាក់​​​​​​បាន​​​ចូល​​​រួម​​​ក្នុង​​​កូដ​​​កម្ម​​​នេះ​​​ដើម្បី​​​ជំរុញ​​​ឲ្យ​​​មាន​​​កិច្ច​​​សន្យា​​​ដើម្បី​​​ធានា​​​ថា ពួកគេ​​​នឹង​​​ទទួល​​​បាន​​​សិទ្ធិ​​​របស់​​​ខ្លួន​​​ទាំង​​​អស់​​​ នៅ​​​ពេល​​​ណា​​​ការ​​​ងារ​​​នៅ​​​ប្រាសាទ​​​នេះ​​​បញ្ចប់​​​។

លោក​​​ អីុម សុខ​​​រិទ្ធី អ្នក​​​នាំ​​​ពាក្យ​​​អាជ្ញាធរ​​​អប្សរា​​​ ដែល​​​គ្រប់​​​គ្រង​​​ប្រាសាទ​​​អង្គរ​​​ បាន​​​មាន​​​ប្រសាសន៍​​​ថា មិន​​​មាន​​​ការ​​​ងារ​​​គ្រប់​​​គ្រាន់​​​ ដើម្បី​​​ទទួល​​​កម្មក​​​រទាំង​​​នោះ​​​ចូល​​​ធ្វើ​​​ការ​​​វិញ​​​ទេ​​​។ លោក​​​បាន​​​ឲ្យដឹង​​​ទៀត​​​ថា ” គម្រោង​​​ឥណ្ឌា​​​នេះ​​​ចង់​​​បើក​​​ប្រាក់​​​អតីត​ភាព​ការងារ​​​ឲ្យ​​​ពួក​​​គេ​​​ ប៉ុន្តែ ពួក​​​គេ​​​ [ កម្មករ​​​ ]​​​​​​​​​​​​​​​​​ មិន​​​ទទួល​​​យក​​​ ពី​​​ព្រោះ​​​​​​ពួក​​​គេ​​​ចង់​​​បាន​​​ការងារ​​​ធ្វើ​​​”។ លោក​​​បាន​​​បន្ថែម​​​ថា អាជ្ញាធរ​​​អប្សរា​​​​​​មិន​​​ពាក់​​​ព័ន្ធ​​​នឹង​​​ការ​​​បើក​​​ប្រាក់​​​ខែ​​​ឲ្យ​​​កម្មករ​​​ទេ​​​ ដោយ​​​ហេតុ​​​ថា ការ​​​ជួស​​​ជុល​​​ប្រាសាទ​​​តា​​​ព្រហ្ម​​​ជា​​​គម្រោង​​​ផ្តល់​​​មូល​​​និធិ​​​ដោយ​​​រដ្ឋាភិបាល​​​ឥណ្ឌា​​​។

លោក​​​បាន​​​មាន​​​ប្រសាសន៍​​​ថា ” ពួក​​​គេ​​​ចាត់​​​ចែង​​​វា​ដោយ​​​ខ្លួន​​​ឯង​​​ ហើយ​​​ពួក​​​គេ​​​ទទួល​​​ខុស​​​ត្រូវ​​​ចំពោះ​​​ការ​​​បើក​​​ប្រាក​​​់​​​ខែ​​​ និង​​​ការ​​​ដោះ​​​ស្រាយ​​​បញ្ហា​​​នេះ​​​”។ លោក​​​បាន​​​បន្ថែម​​​ថា អង្គការ​​​ ASI បាន​​​ព្រមាន​​​កម្មករ​​​នៅ​​​សេស​​​សល់​​​៦០​​​នាក់​​​ថា បើ​​​បន្ត​​​ធ្វើ​​​​​​កូដកម្ម​​​ ពួក​​​គេ​​​នឹង​​​បាត់​​​បង់​​​សិទ្ធិ​​​របស់​​​ខ្លួន​​​ក្នុង​​​ការ​​​ទទួល​​​ប្រាក់​អតីត​ភាព​ការ​ងារ​​​​។

មេ​​​ដឹក​​​នាំ​​​គម្រោង​​​របស់​​​អង្គការ ASI នៅ​​​ប្រាសាទ​​​នេះ​​​ លោក​​​ ឌី​​​អេស ស៊ូដ បាន​​​មាន​​​ប្រសាសន៍​​​ថា អាជ្ញាធរ​​​អប្សរា​​​មាន​​​សិទ្ធិ​​​សម្រេច​​​លើ​​​គម្រោង​​​នេះ​​​ និង​​​បាន​​​ពាក់​​​ព័ន្ធ​​​ក្នុង​​​សេច​​​ក្តី​​​សម្រេច​​​អំពី​​​ប្រាក់​​​សំណង​​​។ លោក​​​បាន​​​មាន​​​ប្រសាសន៍​​​ថា កម្មករ​​​ដែល​គេ​​​បណ្តេញ​​​ទាំង​​​នោះ​​​ត្រូវ​​​បាន​​​គេ​​​ជូន​​​ដំណឹង​​​រួច​​​ហើយ​​​ថា ប្រាក​​​់កម្រៃ​​​សំខាន់​​​ៗ​​​ទាំងអស់​​​នឹង​​​ត្រូវ​​​គេ​​​បើក​​​ឲ្យ​​​យោ​​​ង​​​តាម​​​ច្បាប់​​​កម្ពុជា​​​។

លោក​​​បាន​​​បន្ថែម​​​ថា ” ប៉ុន្តែ ពួក​​​គេ​​​បន្ត​​​ទាម​​​ទារ​​​​​​ចង់​​​ចូល​​​​​​ធ្វើ​​​ការ​​​វិញ​​​ ហើយ​​​យើង​​​មាន​​​​​​ចំនួន​​​ការងារ​​​តិច​​​តួច​​​​​​ ព្រោះ​​​គម្រោង​​​នេះ​​​ជិត​​​ដល់​​​ទី​​​បញ្ចប់​​​ហើយ​​​”។ លោក​​​បាន​​​បន្ថែម​​​ថា ប្រសិន​​​បើ​​​កម្មករ​​​បន្ត​​​ការ​​​ធ្វើ​​​កូដ​​​កម្ម​​​ អង្គការ​​​ ASI នឹ​​​ង​​​ត្រូវ​​​បង្ខំ​​ចិត្ត​​​ជួល​​​កម្មករ​​​ថ្មី​​​ជំនួស​​​​​​៕ មានិត​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post កម្មករ​​​តវ៉ា​​​នៅ​​​ប្រាសាទ​​​តា​​​ព្រហ្ម​​​ក្នុង​​​ខេត្ត​​​សៀម​​​រាប​​​ទាម​ទារ​ឲ្យ​អង្គការ​ ASI ទទួល​យក​ចូល​ធ្វើការ​វិញ​ appeared first on ខេមបូឌា ដេលី.

ពល​​​រដ្ឋ​​​ខ្មែរ​​​១៤​​​នាក់​​​ដែល​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ខែ​​​មុន​​នៅ​​​​​​ប្រទេស​​​ថៃ​​​ពី​​​បទ​​​រក្សា​​​ទុក​​​​​​ឯកសារ​​​ក្លែង​​​ក្លាយ​​​ ត្រូ​​​វ​​​បាន​​​ដោះ​​​លែង​​​កាល​​​ពី​​​ព្រឹក​​​ថ្ងៃ​​​សុក្រ​​​ ហើយ​​​ក្រុម​​​យោធា​​​ថៃ​​​បាន​​​ដឹក​​​ពួកគេ​​​ឆ្លង​​​ព្រំ​​​ដែន​​​ចូល​​​ខេត្ត​​​បន្ទាយ​​​មាន​​​ជ័យ។

យោង​​​តាម​​លោក គោស៊ុំ សារឿត អភិបាល​​​ខេត្ត​​​បន្ទាយ​​​មាន​​​ជ័យ​​​បាន​​​ឲ្យដឹង​​​ថា ពល​​​រដ្ឋ​​​ខ្មែរ​​​ ដែល​​​តាម​​​សេចក្តី​​​រាយការណ៍​​​ថា មាន​​​សុខ​​​ភាព​​​ល្អ​​​ ម្នាក់​​​ៗ​​​ទទួល​​​បាន​​​អំណោយ​​​ផ្ទាល់​​​ជា​​​ប្រាក់​​​២៥០​​​ដុល្លារ​​​ពី​​​លោក​​​នាយក​​​រដ្ឋ​​​មន្ត្រី​​​ ហ៊ុន សែន មុន​​​ពេល​​​ធ្វើ​​​ដំណើរ​​​ត្រឡប់​​​ទៅ​​​ខេត្ត​​​រៀង​​​ៗ​​​ខ្លួន​​​។ ​​​​​​​​​​​​

លោក សារឿត បាន​​​មាន​​​ប្រសាសន៍​​​ថា “ពល​​​ករ​​​ខ្មែរ​​​១៤​​​នាក់​​​នោះ​​​ត្រូវ​​​បាន​​​ដោះ​​​លែង​​​ និង​​​បាន​​​​​​មក​​​ដល់​​​ក្រុង​​​ប៉ោយ​​​ប៉ែត​​​ ខេត្ត​​​បន្ទាយ​​​មាន​​​ជ័យ​​​នៅ​​​ម៉ោង​​​ប្រហែល​​​៩​​​ព្រឹក។ ពួក​​​គេ​​​បាន​​​សម្តែង​​​សេចក្តី​​​រីក​​​រាយ​​​ ព្រោះ​​​ត្រូវ​​​បាន​​​គេ​​​ធ្វើ​​​មាតុភូម​​​ិ​​​និវត្ត​​​មក​​​ប្រទេស​​​កំណើត​​​របស់​​​ខ្លួន​​​វិញ​​​”។

អ្នក​​​ទាំង​​​១៤​​​ត្រូវ​​​បាន​​​ចាប់ខ្លួន​​​ ប្រហែល​​​ជា​​​បី​​​សប្តាហ៍​​​បន្ទាប់​​​ពី​​​របប​​​យោធា​​​កាន់​​​អំណាច​​​បាន​​​គ្រប់​​​គ្រង​​​ប្រទេ​​ស​​​ថៃ​​​ និង​​​បាន​​​បញ្ជា​​​ឲ្យ​​​ក្រុម​​​ហ៊ុន​​​ថៃ​​​បញ្ឈប់​​​ការ​​​ជួល​​​ពល​​​ករ​​​ចំណាក​​​ស្រុក​​​ខុស​​​ច្បាប់​​​។ ដោយ​​​ភាព​​​មិន​​​ប្រាកដ​​​ប្រជា​​​លើ​​​ការងារ​​​ និង​​​ការ​​​បារម្ភ​​​អំពី​​​អំពើ​​​ហិង្សា​​​ ហើយ​​​នឹង​​​ការ​​​ចាប់​​​ខ្លួន​​​ពី​​​សំណាក់​​​យោ​​​ធា​​​ថៃ​​​នោះ​​​ ពល​​​រដ្ឋ​​​ខ្មែរ​​​ប្រហែល​​​​​​២៥០.០០០នាក់​​​បាន​​​​​​​​​​​​ភៀស​​​ខ្លួន​​​ឆ្លង​​​ព្រំ​​​ដែន​​​មក​​​វិញ​​​កាល​​​ពី​​​ខែមុន។

ការ​​​ប្រកាស​​​ជូន​​​ដំណឹង​​​របស់​​​របប​​​យោធា​​​កាល​​​ពី​​​ថ្ងៃ​​​ពុធ​​​ដែល​​​ថា ពលករ​​​ត្រូវ​​​គេ​​​ចាប់ខ្លួន​​​ទាំ​​​ង​​​១៤​​​នាក់ មាន​​​ស្ត្រី​​​១០​​​នាក់ និង​​​បុរស​​​បួន​​​នាក់​​​ នឹង​​​ត្រូវ​​​ដោះ​​​​​​លែង​​​ពី​​​ពន្ធ​​​នាគារ​​​នោះ​​​ បាន​​​ធ្វើ​​​ឡើង​​​មួយ​​​ថ្ងៃ​​​បន្ទាប់​​​ពី​​​លោក វីរ៉ា ស៊ុមក្វាម​​​ឃីដ សកម្ម​​​ជន​​​អាវ​​​លឿង​​​ថៃ​​​ ត្រូវ​​​បាន​​​ព្រះ​​​រាជ​​​ទាន​​​លើក​​​លែង​​​ទោស​​​ដោយ​​​ព្រះ​​​មហា​​​ក្សត្រ​​​ ព្រះ​​​បាទ នរោត្តម​​​ សីហមុនី​​​ ហើយ​​​ត្រូវ​​​បាន​​​ដោះ លែង​​​ពី​​ពន្ធ​​​នាគារ​​​ព្រៃស​​​ក្នុង​​​ក្រុង​​​ភ្នំពេញ ជា​​​ទី​​​ដែល​​​លោក​​​ត្រូវ​​​បាន​​​ឃុំ​​​ខ្លួន​​​ចាប់​​​តាំង​​​ពីឆ្នាំ​​​២០១០​​​មក​​​។

ការ​​​កំណត់​​​ពេល​​​ដោះ​​​លែង​​​ទាំង​​​ពី​​​រ​​​នេះ​​​បាន​​​បង្ក​​​ឲ្យ​​​មាន​​​សេចក្តី​​​រាយការណ៍​​​ព័ត៌មាន​​​អំពី​​​ការ​​​ប្តូ​​​រ​​​អ្នក​​​ទោស​​​ ដែល​​​លោក​​​នាយក​​​រដ្ឋមន្ត្រី​​​ ហ៊ុន សែន បាន​​​បដិសេធ​​​​​​ទាំង​​​ស្រុង​​​​​​ក្នុង​​​សុន្ទរកថា​​​មួ​​​យ​​​កាល​​​ពី​​​ថ្ងៃ​​​ព្រហស្បតិ៍។

លោក គោស៊ុំ សារឿត បាន​​​មាន​​​ប្រសាសន៍​​​ថា វា​​​ជា​​​សំណើ​​​ផ្ទាល់​​​របស់​​​លោក​​​ ហ៊ុន សែន ចំពោះ​​​របប​​​យោធា​​​ថៃ​​​ឲ្យ​​​មាន​​​ការ​​​ដោះ​​​លែង​​​អ្នក​​​ទោស​​​១៤​​​នាក់​​​នេះ ដែល​​​បាន​​​នាំ​​​ឲ្យ​​​មាន​​​ការ​​​វិល​​​ត្រឡប់​​​មក​​​វិញ​​​របស់​​​អ្នក​​​ទាំង​​​នោះ​​​កាល​​​ពី​​​ថ្ងៃ​​​សុក្រ​​​ ​​​​​​​​​​​​​​​​​​​​​។ លោក​​​បាន​​​មាន​​​ប្រសាសន៍​​​ថា ” បើ​​​គ្មាន​​​អន្តរាគមន៍​​​របស់​​​រដ្ឋាភិបាល និង​​​សំណើ​​​ទៅ​​​ប្រទេស​​​ថៃ​​​ទេ​​​នោះ អ្នក​​​ទាំង​​​១៤​​​នឹង​​​មិន​​​ត្រូវ​​​បាន​​​ដោះ​​​លែង​​​ឡើយ​​​”។

ទោះ​​​ជា​​​យ៉ាង​​​នេះ​​​ក្តី លោក​​​អភិបាល​​​បាន​​​មាន​​​ប្រសាសន៍​​​ថា ” ការ​​​ដោះ​​​លែង​​​អ្នក​​​ទាំង​​​១៤​​​គឺ​​​មិន​​​មែន​​​ជា​​​ការ​​​ប្តូរ​​​អ្នក​​​ទោស​​​ជា​​​មួយ​​​លោក វីរ៉ា ” ដែល​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ឆ្នាំ​​២០១០​​​និង​​​ត្រូវ​​​ដាក់​​​ពន្ធនាគារ​​​រយៈ​​​ពេល​​​ប្រាំ​​​បី​​​ឆ្នាំ​​​ពី​​​បទ​​​ចោទ​​​ថា ឆ្លង​​​ដែន​​​ខុស​​​ច្បាប់​​​ និង​​​ធ្វើ​​​ចារកម្ម​​​នោះ​​​ទេ​​​។

ឧត្តម​​​សេនីយ៍​​​ ប្រា​​​យុទ្ធ​​​ ចាន់​​​អូចា មេ​​​ដឹក​​​នា​​​ំ​​​រដ្ឋាភិបាល​​​យោធា​​​ថៃ កាល​​​ពី​​​ម្សិលមិញ បាន​​​​​​សរ​​​សេរ​​​ទៅ​​​លោក​​​នាយក​​​រដ្ឋ​​​មន្ត្រី​​​ ហ៊ុន សែន សម្តែង​​​អំណរ​​​គុណ​​​របស់​​​លោក​​​ ចំពោះ​​​ការ​​​ដោះ​​​លែង​​​លោក វីរ៉ា ។ ឧត្តម​​​សេនីយ៍​​​រូ​​​ប​​​នេះ​​​ បាន​​​សរសេរ​​​​​ថា ” ខ្ញុំ​​​សូម​​​ថ្លែង​​​អំណរ​​​គុណ​​​ដ៏​​​ស្មោះ​​​​​​ស័្មគ្រ​​​របស់​​​ខ្ញុំ​​​ចំពោះ​​​ឯក​​​ឧត្តម​​​ព្រោះ​​​ការ​​​យោគ​​​យល់​​​របស់​​​ឯក​​​ឧត្តម​​​អំពី​​​​​​ស្ថាន​​​ការ​​​នយោបាយ​​​បច្ចុប្បន្ន​​​នៅ​​​ប្រទេស​​​ថៃ​​​ ក្នុង​​​នោះ​​​មាន​​​ទាំង​​​វិធាន​​​ការ​​​នានា​​​របស់​​​អាជ្ញាធរ​​​ថៃ​​​ក្នុ​​​ង​​​ការ​​​ចាត់​​​ចែង​​​​​​ឲ្យ​​​មាន​​​ការ​​​ចាក​​​ចេញ​​​នៃ​​​ពល​​​ករ​​​ខ្មែរ​​​ក្នុង​​​ពេល​​​ថ្មី​​​ៗ​​​នេះផង​​​​​​”។ “ សំខាន់​​​បំផុត​​​នោះ​​​ ខ្ញុំ​​​សូម​​​ឆ្លៀត​​​ឱកាស​​​នេះ​​​ដើម្បី​​​ស​​​ម្តែង​​​ការ​​​ដឹង​​​គុណ​​​ដ៏​​​ជ្រាល​​​ជ្រៅ​​​ចំពោះ​​​អំពើ​​​ដ៏​​​សប្បុរស និង​​​សេចក្តី​​​សន្តោស​​​​​​របស់​​​ព្រះ​​​ករុណា ព្រះបាទ​​​ នរោត្តម សីហមុនី ក្នុង​​​ការ​​​ព្រះរាជ​​​ប្រទាន​​​ការ​​​លើក​​​លែង​​​ទោស​​​ដល​​់​​​លោក វីរ៉ា​​​ ស៊ុម​​​ក្វាម​​​ឃីដ  ជា​​​ការ​​​ឆ្លើយ​​​តប​​​ទៅ​​​នឹង​​​សំណើ​​​​​​របស់​​​រដ្ឋាភិបាល​​​ថៃ​​​”។

រដ្ឋ​​​មន្ត្រី​​​ក្រសួង​​​ការបរទេស​​​ថៃ​​​ស្តីទី​​​ លោក Sihasak Phuangketkeow បាន​​​ធ្វើ​​​ទស្សន​​​កិច្ច​​​ទីក្រុង​​​ភ្នំពេញ​​​​​​រយៈ​​​ពេល​​​ពីរ​​​ថ្ងៃ​​​នៅ​​​សប្តាហ៍​​​​​​​​មុន​​​នេះ ​ ហើយ​​​កាល​​​ពី​​​ថ្ងៃ​​​ច័ន្ទ បាន​​​ស្នើ​​​សុំ​​​ការ​​​ដោះ​​​លែង​​​លោក វីរ៉ា តាម​​​​​​សំណើ​​​របស់​​​ឧត្តម​​​សេនីយ៍ ប្រាយុទ្ធ ។ លោក វីរ៉ា បាន​​​ធ្វើ​​​ដំណើរ​​​ទៅ​​​ប្រទេស​​​វិញ​​​ជាមួយ​​​​​​គណៈ​​​ប្រតិភូ​​​ថៃ​​​។

ថ្លែង​​​ទៅ​​​កាន់​​​អ្នក​​​យក​​​ព័ត៌​​​មាន​​​នៅ​​​ក្រសួ​​​ង​​​ការ​​​បរទេស​​​ក្នុង​​​ក្រុង​​​ភ្នំពេញ​​​កាល​​​ពី​​ព្រឹក​​​ថ្ងៃ​​​សុក្រ​​​ លោក កុយ​​​ គួង អ្នក​​​នាំ​​​ពាក្យ​​​​​​ក្រសួ​​​ង​​​កា​​​របរ​​​ទេស​​​បាន​​​មាន​​​ប្រសាសន៍​​​ថា ពល​​​ករ​​​ដែល​​​ក្រុម​​​យោ​​​ធា​​​ថៃ​​​ដោះ​​​លែង​​​ឲ្យ​​​មាន​​​សេរីភាព​​​ទាំង​​​នោះ​​​ គឺ​​​ជា​​​ជន​​​រង​​​គ្រោះ​​​របស់​​​ពួក​​​រត់​​​ពន្ធ​​​មនុស្ស​​​។

លោ​​​ក​​​បាន​​​មាន​​​ប្រសាសន៍​​​អំឡុ​​​ង​​​ទស្ស​​​ន​​​កិច្ច​​​របស់​​​គណៈ​​​ប្រតិភូ​​​ថៃ​​​នៅ​​​សប្តាហ៍​​​នេះ​​​ថា លោក​​​ ហោ ណាំហុង រដ្ឋ​​​មន្ត្រី​​​ក្រសួង​​​ការ​​​បរ​​​ទេស​​​បាន​​​ពន្យល់​​​សមភាគី​​​របស់​​​លោក​​​ថា អ្នក​​​ទាំង​​​១៤​​​​​​មិន​​​ដឹង​​​ថា ត្រូវ​​​បាន​​​គេ​​​លក់​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ទិដ្ឋាការ​​​ និង​​​ប័ណ្ណ​​​ការ​​​ងារ​​​ក្លែង​​​ក្លាយ​​​ឲ្យ​​​ទេ​​​។

លោក​​​ កុយ គួង បាន​​​ឲ្យដឹង​​​ទៀត​​​ថា ” ជា​​​លទ្ធផល​​​ ភាគី​​​ថៃ​​​បាន​​​ពិនិត្យ​​​ករណី​​​នេះ​​​ និង​​​បាន​​​រក​​​ឃើញ​​​ថា [ពល​​​រដ្ឋ​​​ខ្មែរ​​​១៤​​​នាក់​​​នេះ​​​]​​​ ជា​​​ជន​​​រងគ្រោះ​​​ប្រាកដ​​​មែន​​​ ដូច្នេះ​​​ហើយ​​​ភាគី​​​ថៃ​​​បាន​​​ដោះលែង​​​ពួក​​​គេ​​​ ហើយ​​​ពួក​​​គេ​​​បាន​​​មក​​​ដល់​​​ប្រទេស​​​កម្ពុជា​​​ទើប​​​តែ​​​ពីរ​​​បី​​​នាទី​​​មុន​​​នេះ​​​ប៉ុណ្ណោះ​​​”។

​​​យោង​​​តាម​​​លោក កុយ គួង បាន​​​ឲ្យដឹង​​​ថា ចាប់តាំង​​​ពី​​​ច្រក​​​ចេញ​​​ចូល​​​តែ​​​មួយ​​​ត្រូវ​​​បាន​​​បង្កើត​​​ឡើង​​​នៅ​​​ព្រំដែន​​​ខាង​​​ថៃ​​​ ដើម្បី​​​ពន្លឿន​​​ការ​​​វិល​​​ត្រឡប់​​​របស់​​​ពល​​​រដ្ឋ​​​ខ្មែរ​​​ទៅ​​​ធ្វើ​​​ការ​​​នៅ​​​ប្រទេស​​​ថៃ​​​នោះ​​​ មនុស្ស​​​ច្រើន​​​ជាង​​​១០.០០០​​​នាក់​​​បាន​​​ធ្វើ​​​ចំណាក​​​ស្រុក​​​ឆ្លង​​​ព្រំ​​​ដែន​​​ទៅ​​​វិញ។

លោក​​​ គោស៊ុំ សារឿត បាន​​​មាន​​​ប្រសាសន៍​​​ថា ប៉ុន្តែ រាល់​​​ថ្ងៃ​​​ពល​​​ករ​​​ខុស​​​ច​​​្បាប់​​​រាប់​​​រយ​​​នាក់​​​នៅ​​​តែ​​​ត្រូវ​​​របប​​​យោធា​​​ថៃ​​​​​​បញ្ជូន​​​ត្រឡប់​​​មក​​​ប្រទេស​​​កម្ពុជា​​​វិញ​​​តាម​​​ច្រក​​​ទ្វារ​​​ព្រំ​​​ដែន​​​អន្តរ​​​ជាតិ​​​ប៉ោយ​​​ប៉ែត​​​។

លោក​​​បាន​​​ឲ្យ​​​ដ​​​ឹង​​​ទៀត​​​ថា ជួន​​​កាល​​​ពលករ​​​​​​ “២០០ ឬ​​​៣០០នាក់​​​ក្នុង​​​មួយ​​​ថ្ងៃ​​​ ឬ​​​ដល់​​​ទៅ​​​១.០០០​​​នាក់” ត្រូវ​​​គេ​​​បញ្ជូន​​​​​​មក​​​វិញ។ លោក​​​បាន​​​ឲ្យ​​​ដឹង​​​ទៀត​​​ថា ពល​​​ករ​​​ខ្លះ​​​ក្នុង​​​ចំណោម​​​ពល​​​ករ​​​ទាំង​​​នោះ​​​បាន​​​ត្រឡប់​​​ទៅវិញ​​​ជា​​​លើក​​​ទី​​​២​​​ បន្ទាប់​​​ពី​​​ពួក​​​គេ​​​បាន​​​ធ្វើ​​​ដំណើរ​​​ជា​​​ថ្មី​​​ទៀត​​​ចូល​​​ប្រទេស​​​ថៃ​​​ដោ​យ​​​គ្មាន​​​ឯកសារ​​​ត្រឹម​​​ត្រូវ​​​។

លោក​​​បាន​​​ឲ្យ​​​ដឹង​​​ថា ” ពល​​​ករ​​​ចំណាកស្រុក​​​ខ្មែរ​​​ជា​​​ច្រើន​​​នាក់​​​បាន​​​ទៅ​​​តាម​​​ច្រក​​​របៀង​​​តូច​​​ៗ​​​ដោយ​​​ខុស​​​ច្បាប់​​​​​​ ដើម្បី​​​រក​​​ការងារ​​​ធ្វើ​​​ ហើយ​​​ត្រូវ​​​បាន​​​គេ​​​ចាប់​​​ និង​​​បញ្ជូន​​​មក​​​វិញ​​​”។

យោង​​​តាម​​​លោក​​​ ណេត សារី អគ្គ​​​កុង​​​ស៊ុល​​​នៅ​​​ស្ថានទូត​​​កម្ពុជា ក្នុង​​​ខេត្ត​​​ស្រះ​​​កែវ​​​ ដែលមាន​​​ព្រំ​​​ដែន​​​ជាប់​​​ខេត្ត​​​បន្ទាយ​​​មាន​​​ជ័យ​​​​​​បាន​​​ឲ្យដឹង​​​ថា នៅ​​​ថ្ងៃ​​​ព្រហស្បតិ៍​​​ដដែល​​​នោះ ទាហាន​​​ថៃ​​​បាន​​​ឃាត់​​​ខ្លួន​​​ និង​​​បាន​​​បញ្ជូន​​​ត្រឡប់​​​មក​​​វិញ​​​នូវ​​​ពល​​​រដ្ឋ​​​ខ្មែរ​​​យ៉ាង​​​ហោច​​​ណាស់​​​៤៣៣​​​នាក់​​​ ដែល​​​ធ្វើការ​​​ដោយ​​​ខុស​​​ច្បាប់​​​នៅ​​​ប្រទេស​​​ថៃ​​​។

លោក សារី បាន​​​ឲ្យដឹង​​​ទៀត​​​ថា ” ពិត​​​ណាស់​​​ មាន​​​ពល​​​រដ្ឋ​​​ខ្មែរ​​​ជាច្រើន​​​នាក់​​​ដែល​​​ប្រញាប់​​​ប្រញាល់​​​ត្រឡប់​​​ទៅ​​​ប្រទេស​​​ថៃ​​​វិញ ហើយ​​​ត្រូវ​​​បាន​​​គេ​​​ចាប់​​​ខ្លួន​​​។ ប៉ុន្តែ អ្នក​​​ទាំង​​​នោះ​​​គ្រាន​​​​​​​​​​​​​​​​​​​​​់​​​តែ​​​ត្រូវ​​​បាន​​​គេ​​​បញ្ជូន​​​មក​​​ប្រទេស​​​កម្ពុជា​​​វិញ​​​ប៉ុណ្ណោះ​​​”៕ មានិត​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ប្រទេស​​​ថៃ​​​ដោះលែង​​​​​​ពល​​​ករ​​​ចំណាក​​​ស្រុក​​​១៤​​​នាក់​​​​​​ appeared first on ខេមបូឌា ដេលី.

យោង​​​តាម​​​របាយការណ៍​​​មួយ​​​របស់​​​មជ្ឈមណ្ឌល​​​ជាតិ​​​ប្រយុទ្ធ​​​នឹង​​​ជំងឺគ្រុន​​​ចាញ់ បា៉ារ៉ាសីុតសាស្ត្រ និង​​​បាណក​​​សាស្ត្រ (NMC) បាន​​​ឲ្យដឹង​​​ថា ចំនួន​​​ករណី​​​ជំងឺ​​​គ្រុន​​​ឈាម​​​ ដែល​​​ត្រូវ​​​បាន​​​កត់ត្រា​​​ក្នុង​​​រយៈ​​​ពេល​​​២៥​​​សប្តាហ៍​​​​​​ដើម​​​ឆ្នាំ​​​នេះ បាន​​​ធ្លាក់​​​ចុះ​​​៨៣​​​ភាគ​​​រយ​​​បើ​​​ប្រៀបធៀប​​​ទៅ​​​នឹង​​​រយៈ​​​ពេល​​​ដូច​​​គ្នាកាល​​​ពីឆ្នាំមុន។​​​

ក្នុង​​​ចំណោមករណីជំងឺ​​​​​​​​នេះជាង​​​១.០០០ករណី​​​នៅ​​​​​​ឆ្នាំ​​​នេះ ​​​មាន​ករណី​ស្លាប់​​​​តែ​​​ប្រាំ​​​មួយ​ប៉ុណ្ណោះ​​​​​​។ អំឡុង​​ពេល​​​ដូច​​​គ្នា​​​​កាល​ពី​ឆ្នាំ​​​មុន​​​ មានករណីស្លាប់​​​​ចំនួន​២៥​​​​​​ក្នុង​​​ចំណោម​​​ករណី​ជំងឺ​នេះ​​ដែល​​​ត្រូវ​​​បាន​​​រាយការណ៍​​​ជាង​​​៦.០០០ករណី។

លោក ច ម៉េង​​​ជួ ប្រធាន​​​ NMC បាន​​​គូស​​​បញ្ជាក់​​​ក្នុង​​​របាយការណ៍​​​នេះ​​​ថា ទោះ​​​បី​​​ជាមាន​​​ករណី​​​ធ្លាក់​​​ចុះ​ខ្លាំង​បែប​នេ​ះក្តី​​​​ ក៏​​​ករណី​​​ជំងឺ​​នេះ​កើត​លើ​មនុស្ស​​​ពេញ​​​វ័យ​​​មាន​​​ការ​​​កើន​​​ឡើង​​​។ លោក​​​មាន​​​ប្រសាសន៍​​​ថា ” ៤,៨​​​ភាគ​​​រយ​​​នៃ​​​ករណី​​​ជំងឺ​​​គ្រុន​​​ឈាម​​​ទាំង​​​អស់​​​ ដែល​​​ត្រូវ​​​បាន​​​រាយការណ៍​​​នៅ​​​ក្នុង​​​រយៈ​​​ពេល​​​ពីរ​​​​​​ត្រី​​​មាស​​​ដំបូង​​​នេះ​​​ គឺ​​​ជា​​​មនុស្ស​​​ពេញ​​​វ័យ​​​ដែល​​​មាន​​​អាយុ​​​លើ​​​១៥​​​ឆ្នាំ​​​ ចំណែក​​​ឯ​​​​​​​​​ពីឆ្នាំ​​​២០០៧​​​ដល់​​​ឆ្នាំ​​​២០១៣​​​ មាន​​​ករណី​​​មនុស្ស​​​ពេញ​​​វ័យ​​​តែ​​​ពីរ​​​ ឬ​​​បី​​​ភាគ​​​រយ​​​ប៉ុណ្ណោះ”។

ការ​​​ផ្ទុះករណី​​​ជំងឺ​​​គ្រុន​​​ឈាម​​​គឺ​​​វិល​​​ជុំ​​​ ហើយ​​​វា​​​នឹង​​​កើត​​​ឡើង​​​រាល់​​​បី​​​ទៅ​​​ប្រាំ​​​ឆ្នាំ​​​ម្តង​​​។ កាល​​​ពី​​​ឆ្នាំ​​​២០១២ ​​​​​​មាន​​​ករណី​​​ជំងឺ​​​គ្រុន​​​ឈាម​​​ប្រហែល​​​១១.២០០ករណី​​​ ហើយ​​​ក្នុង​​​ឆ្នាំ​​​២០០៧​​ដែល​​ជា​ឆ្នាំ​ជំងឺ​​​នេះ​វាយ​​ប្រហារ​ធ្ងន់​ធ្ងរ​​​​ក្នុង​​​រយៈពេល​​​មួយទសវត្សរ៍​​​មកនេះ មានករណី​​​ប្រហែល​​​១៥.៧០០​​​ករណី​​​។ ក្នុង​​​រយៈពេល​​​ប្រាំ​​​ឆ្នាំ​​​កន្លង​​​មក​​​នេះ ​​​​​​មាន​​​ករណី​​​ជំងឺ​​​គ្រុន​​​ឈាម​​​តែ​​​០,៤៣​​​ភាគ​​​រយ​​​ប៉ុណ្ណោះ​​​ដែល​បណ្តាល​​​ឲ្យ​មនុស្សស្លាប់​​​៕សុខុម​​​

​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ២៥សប្តាហ៍ដើមឆ្នាំ​នេះ ករណី​​​ជំងឺ​​​គ្រុន​​​ឈាម​​​ធ្លាក់​​​ចុះ​​​៨៣​​​ភាគ​​​រយ​​​ធៀប​នឹង​ឆ្នាំ​មុន appeared first on ខេមបូឌា ដេលី.

ការ​សម្រេច​​​​របស់​​​ព្រះ​​​មហា​​​ក្សត្រ​​​ គឺ​​​ជា​​​​អ្វី​ដែលគេត្រូវ​ការ​ជា​​ចាំបាច់​​​​​សម្រាប់​​អនុម័ត​​​​​​​ច្បាប់​​តុលាការ​​​ដ៏​​​ចម្រូង​​​ចម្រាស​​​ចំនួន​​​បី​​​ បន្ទាប់​​​ពី​​​ក្រុមប្រឹក្សា​​​ធម្ម​​​នុ​​​ញ្ញ​​​កម្ពុជា (CCC) ដែល​​​គ្រប់​​​គ្រង​​​ដោយ​​​គណបក្ស​​​ប្រជាជន​​​កម្ពុជា ​​​ប្រកាស​​​​នៅ​សប្តាហ៍​នេះ​ថា ច្បាប់​ទាំង​នេះ​ស្រប​​​តាម​​​រដ្ឋ​​​ធម្ម​​​នុញ្ញ​​​​​​។

ទោះ​​​បី​​​ជា​​​មាន​​​ការ​​​រិះ​​​គន់​​​ពី​​​សំណាក់​​​អង្គការ​​​សិទ្ធិ​​​មនុស្ស​​​ និង​​​អង្គការ​​​តស៊ូ​​​មតិ​​​ខាង​ផ្លូវ​​​ច្បាប់​​​ជុំ​​​វិញ​​​មាត្រា​​​ដែល​​​ធ្វើ​​​ឲ្យ​​​ស្ថាប័ន​​​នីតិ​​​ប្រតិបត្តិ​​​គ្រប់​​​គ្រង​​​លើ​​​តុលាការ​​​ក្តី ក៏​​​លោក អ៊ុត​​​ ឆន អ្នក​​​នាំ​​​ពាក្យ​​​​​​ CCC បាន​​​មាន​​​ប្រសាសន៍​​​ថា ស្ថាប័ន​​​ដែល​​​មាន​​​សមាជិក​​​ប្រាំ​​​បួន​​​រូប​​​នេះ​​​បាន​​​អនុម័ត​​​ជា​​​ឯក​​​ច្ឆន្ទ​​​កាល​​​ពី​​​ថ្ងៃ​​​ពុធ​​​ នូ​​​វ​​​ច្បាប់​​​ស្តី​​​ពីការ​​​រៀប​​​ចំ​​​និង​​​ការ​​​ប្រព្រឹត្តទៅ​​​នៃ​​​ឧត្តម​​​ក្រុម​​​ប្រឹក្សា​​​នៃ​​​អង្គ​​​ចៅក្រម ច្បាប់​​​ស្តី​​​ពី​​​ការ​​​រៀប​​​ចំនិង​​​ការ​​​ប្រព្រឹត្ត​​​ទៅ​​​របស់​​​តុលាការ​​​ និង​​​ច្បាប់​​​ស្តី​​​ពី​​​លក្ខន្តិកៈ​អង្គ​​​ចៅ​​​ក្រម​​​។

លោក​​​បាន​​​មាន​​​ប្រសាសន៍​​​ទៀត​​​ថា ” យើង​​​បាន​​​បញ្ជូន​​​ [ ច្បាប់​​​ទាំង​​​នេះ]​​​​​​ ទៅ​​​រដ្ឋ​​​​​​សភា​​​កាល​​​ពី​​​ថ្ងៃ​​​ទី​​៣​​​ ខែកក្កដា សម្រាប់​ថ្វាយ​​​ព្រះ​​​មហាក្សត្រ​​​ឡាយ​​​ព្រះ​​​ហត្ថ​​​លេខា ប៉ុន្តែ ខ្ញុំ​​​មិន​​​ដឹង​​​ថា តើ​​​ច្បាប់​​​ទាំង​​​នេះ​​​ត្រូវ​​​បាន​​​​បញ្ជូន​ទៅ​​​ព្រះ​​​បរម​​​រាជ​​​វាំង​​​រួច​​​ហើយ​​​ ឬ​​​យ៉ាង​​​ណា​​​នោះ​​​ទេ​​​”។

លោក​​​បាន​​​បន្ត​​​ថា ” វា​​​ជា​​​រឿង​​​ធម្មតា​​​ទេ​​​ ដែល​​​អង្គការ​​​ក្រៅ​​​រដ្ឋាភិបាល​​​រិះ​​​គន់ ប៉ុន្តែ​​​ច្បាប់​​​ទាំង​​​នេះ​​​ត្រូវ​​​បាន​​​រៀប​រៀង​តាក់​តែង​តាំង​ពី​​​ឆ្នាំ​​​២០០៤មក​​​​ម្លេ៉ះ​​​ ដោយ​​​មាន​​​ការ​​​ពិគ្រោះ​​​​យោបល់​ពី​សំណាក់​​​អ្នក​​​ជំនាញ​​​ និង​​​មន្ត្រី​​​អន្តរ​​​ក្រសួង។ ខ្ញុំ​​​បាន​​​ពិនិត្យ​​​ផ្ទៀង​​​ផ្ទាត់​​​ច្បាប់​​​ទាំង​​​នេះ​​​រួច​​​រាល់​​​ហើយ​​​ ហើយឃើញ​​​ថា គ្មាន​​​ចំណុច​​​ណា​​​មិន​​​ឆ្លើយ​​​តប​​​ទៅ​​​នឹង​​​សេចក្តី​​​ត្រូវ​​​ការ​​​របស់​​​ប្រជា​​​ពល​​​រដ្ឋ​​ទេ​​​”។

ច្បាប់​​​ទាំង​​​បី​​​នេះ​​​បាន​​​ឆ្លង​​​កាត់​​​សភា​​​ និង​​​ព្រឹទ្ធ​​​សភា​​​ដោយ​​​គ្មាន​​​អ្នក​​​ប្រឆាំ​​​ងជំទាស់​​​នៅ​​​ក្នុង​​​សម័យ​​​ប្រជុំ​​​រយៈ​​​ពេល​​​ពីរ​​​ខែ​​​មក​​​នេះ​​​ ដោយ​សារ​តែ​តំណាង​​​រាស្ត្រ​​​ និង​សមាជិក​​​​ព្រឹទ្ធ​​​សភា​​​ម​​​ក​​​ពី​​​គណបក្ស​​​ប្រឆាំង​​​ធ្វើ​​​ពហិការ​​​មិន​​​ចូល​​​។

បណ្តា​អង្គ​ការ​​សិទ្ធិ​មនុស្ស និង​អង្គ​ការ​​អ្នក​ជំនាញ​ខាង​ច្បាប់​បាន​​​លើក​​​ឡើង​​​ថា ច្បាប់​​​ថ្មី​​​ទាំង​​​នេះ​​នឹង​ជួយ​​​ពង្រឹង​​​ការ​​​អនុវត្ត​​បច្ចុប្ប​​​ន្ន​​​ទៅ​​​វិញ​​​ទេ​​ និង​​​​ផ្តល់​​​សិទ្ធិ​អំណាច​​​បន្ថែម​​​ទៀត​​​ដល់​​​រដ្ឋ​​​មន្ត្រី​​​ក្រសួ​​​ងយុត្តិធម៌​​​ឲ្យគ្រប់​​​គ្រង​​លើ​ឧត្តម​​​ក្រុម​​​ប្រឹក្សា​​​នៃ​​​​​​អង្គ​​​ចៅ​​​ក្រម​​​។

កាល​​​ពី​​​ដើម​​​សប្តាហ​​​៍នេះ មជ្ឈមណ្ឌល​​​សិទ្ធិ​​​មនុស្ស​​​កម្ពុជា​​​ បាន​​​លើក​​​​​​ឡើង​​​ថា ការ​​​ប្រមូល​​​ផ្តុំ​​​អំណាច​​​ស្ថាប័ន​​​នីតិ​​​ប្រតិបត្តិ និង​​​ស្ថាប័ន​​​នីតិបញ្ញត្តិ​​​ គឺ​​​មិ​​​ន​​​ស្រប​​​តាម​​​រដ្ឋ​​​ធម្ម​​​នុញ្ញ​ទេ ហើយ​​​​​​លើក​​​ឡើង​​​ថា ច្បាប់​​​ទាំង​​​នេះ​​​មិន​​​អាច​​​ធានា​​​ឯករាជ​ភាព​របស់​តុលាការ​ដូច​​​ដែល​​គេ​​​ចង់​​​ឡើយ​​​​។

លោក ឌុច ពិសិដ្ឋ​​​ មន្ត្រី​​​សម្រប​​​សម្រួល​​​​​​ផ្នែក​​​ឃ្លាំ​​​មើល​​​​សវនាការមក​ពី​មជ្ឈមណ្ឌល​​​សិទ្ធិ​​​មនុស្ស​​​កម្ពុជា បាន​​​មាន​​​ប្រសាសន៍​​​កាល​​​ពី​​​ថ្ងៃ​​​សុក្រ​​​ថា ​​​​​​​​​​​​​​​​​​​​​​​​​​​ ការ​​​បែង​​​ចែក​​​អំណាច​​​គឺ​ស្ទើរ​តែគ្មាន​​​​​សោះ​​​។

លោក​​​បាន​​​មាន​​​ប្រសាសន៍​​​ថា ” ខ្ញុំ​​​គិត​​​ថា CCC ​បាន​ទទួល​យក​​​​ការ​​​វិភាគ​​​របស់​​​យើង​​​ ដែល​​​យើង​​​បាន​​​ដាក់​​​ទៅ​កាល​​​ពី​​​មួ​​​យ​​​សប្តាហ៍​​​មុន​​​ ពីព្រោះ​​​ពួក​​​គេ​​​បាន​​​ឆ្លើយ​​​តប​​តាម​រយៈ​​​​លិខិត​​​មួ​​​យ​​​ច្បាប់​​​សរសេរ​​​ថា ពួកគេ​​​ទទួល​​​យក​​​មតិ​​​យោបល់​​​របស់​​​យើង​​​ និង​​​ចែក​​​រំលែក​​​វា​​​ជា​​​មួយ​​​សមាជិក​​​ទាំង​​​អស់។​​​ ប៉ុន្តែ ដោយសារ​​​តែ​​​សមាជិក​​​ទាំង​​​នោះ​​​ភាគ​​​ច្រើន​​​មក​​​ពី​​​គណបក្ស​​​កាន់​​​អំណាច​​​ សេចក្តី​​​សម្រេច​​​នេះ​​​មិន​​​ឆ្លុះ​​​បញ្ចាំ​​​ង​​​ពី​​​ទស្សន​​​ៈរដ្ឋ​​​ធម្មនុញ្ញ​​​និង​​​បទ​​​ដ្ឋាន​​​អន្តរ​​​ជាតិ​​​ឡើយ”៕ សុខុម

 (រាយការណ៍​​​បន្ថែម​​​ដោយ​​​ LaurenCrothers)​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ក្រុម​​​ប្រឹក្សា​​​ធម្មនុញ្ញ​​​អនុម័ត​​​ច្បាប់​​​ស្តី​​​ពី​​​តុលាការ រួច​បញ្ជូន​​ថ្វាយ​​​​ព្រះ​​​មហា​​​ក្សត្រ​​​ appeared first on ខេមបូឌា ដេលី.

សម្រាប់​​​ប្រជា​​​ពល​​​រដ្ឋ​​​ខ្មែរ​​​​​​ ដែល​​​​មាន​ពិការ​​​ភាព ការ​​​​ដាក់​ចេញ​​​​គំនិត​​​ផ្តួច​​​ផ្តើម​​​​​​ធំៗ​​​​ពីរ​​​​​​ក្នុង​​​រយៈ​​​ពេល​​​ពីរ​​​ថ្ងៃ​​​មក​​​នេះ​​​ក្នុង​​​បំណង​​​ធ្វើ​​​ឲ្យការ​​​រស់​​​នៅ​​​របស់​​​ពួកគេ​​​ប្រសើរ​ឡើង​​នោះ​ បាន​​​នាំ​​​មក​​​នូវ​​​​​​សុទិដ្ឋិនិយម​​​មួយចំនួន​​​ចំពោះអនាគត។

នៅ​​​ឯ​​​កោះ​​​ពេជ្រ​​​កាល​​​ពី​​​ថ្ងៃ​​​ព្រហស្បតិ៍​​​ នៅ​​​ចំពោះ​​​មុខ​​​អ្នក​​​ចូល​​​រួ​​​ម​​​ជាង​​​២.០០០​​​នាក់ រួម​​​ទាំង​​​ជន​​​ពិការ​​​មួយ​​​ចំនួន​​​ផង​​​ លោក​​នាយក​រដ្ឋ​មន្ត្រី ហ៊ុន សែន​​​ បាន​​​លាត​​​ត្រដាង​​​ផែ​​​ន​​​ការ​​​យុទ្ធ​​​សាស្ត្រ​​​ថ្នាក់​​ជាតិ​​​ស្តី​​​ពី​​​​​​ជន​​​ពិការ​​​ (NDSP) ដែល​​​មាន​​​គោល​​​ដៅ​​​​​​ចំនួន​​​១០​​​​​​ដើម្បី​​​លើក​​​កម្ពស់​​សិទ្ធិ​​​របស់​​​ជន​​​ពិការ​​​។

គោល​​​ដៅ​​​ទាំង​​​នេះ​​​រួម​​​មាន ​​​ការ​​​កាត់​​​បន្ថយ​​​ភាព​​​ក្រីក្រ​​​ ការលុប​​​បំបាត់​​​ការ​​​រើស​​​អើង​​​ ការ​​​ទទួល​​​បាន​​​ការ​​​អប់​​​រំ​​​ល្អ​​​ប្រសើរ​​​ ការ​​​ចូល​​​រួម​​​ក្នុង​​​នយោបាយ​​​ និង​​​ការ​ទទួ​ល​​​បាន​សេវា​​​​ថែ​​​ទាំ​​​សុខ​​​ភាព​​​ស្មើ​​​គ្នា​​​។

ការ​​​ប្រកាស​​​ឲ្យ​​​ប្រើ​​​ប្រាស់​​​ NDSP នេះ​​​​​​ធ្វើ​​​ឡើង​​​បន្ទាប់​​​ពីការ​​​ចាប់​​​ផ្តើម​​​កម្ម​​​វិធី​​​មួយ​​​កាល​​​ពី​​​ថ្ងៃ​​​សុក្រ​​​ ដែល​​​ទទួល​​​បាន​​​មូល​​​និធិ​​​ពី​​​រដ្ឋាភិបាល​​​អូស្ត្រា​​​លី ​​​រួម​​​ជាមួ​​យ​​​នឹង​​អង្គកា​​​រ​​​សហ​​​ប្រជា​​​ជាតិ​​​ ដែល​​​នឹង​​​ធ្វើ​​​ឲ្យ​​​ថវិកា​​​ចំនួន​​​១៣,១លាន​​​ដុល្លារ​​​​​​ហូរ​​​ចូល​​​ក្នុង​​​វិស័យ​​​​​​ជ​​​ន​​​ពិការ​​​ក្នុង​​រយៈ​​​ពេល​​​ប្រាំ​​​ឆ្នាំ​​​​​​ក្រោយ​​​។

​​លោក​ស្រី  ក្លែរ វ៉ាន ឌើ វ៉ារ៉េន (Claire Vander Vaeren) ​​​អ្នក​​​សម្រប​​​សម្រួល​​​របស់​​​អង្គការសហ​​​ប្រជាជាតិ​​​ប្រចាំ​​​កម្ពុជា ​​​បានមានប្រសាសន៍​​​ថា វា​​​គឺ​​​ជា​​​កម្ម​​​វិធីមួយ​​​ក្នុង​​​ចំណោម​​​កម្មវិធី​ជន​ពិការ​​​​ធំៗ​​​បំផុត​​​នៅក្នុង​​​ពិភព​​​លោក​​​។

លោកស្រី​​​បាន​​​លើក​​​ឡើង​​​នៅ​​​ក្នុង​​​សុន្ទរកថានៅ​​​ឯ​​​ពិធី​​​​​​នេះ​​​ថា “​​​ ក្នុង​​​រយៈ​​​ពេល​​​ប្រាំ​ឆ្នា​​​ំ​​​ក្រោយ​​​ កម្មវិធី​​​នេះ​​​មាន​​​បំណង​​​ធ្វើ​​​ឲ្យ​​​ប្រាកដ​​​ថា ជន​​​ពិការ​​​បាន​​​បង្កើន​​​ឱកាស​​​សម្រាប់​​​ការ​​​ចូល​​​រួម​​​ក្នុង​​​សង្គម​​​ សេដ្ឋ​​​កិច្ច​​​ វប្បធម៌​​​ និង​​​នយោបាយ​​​ តាម​​​រយៈ​​​ការ​​​អនុវត្ត​​​ផែនការ​​​យុទ្ធ​​​សាស្ត្រ​​ថ្នាក់ជាតិ​​​ស្តី​​​ពីជន​​​ពិការ​នេះ​ឲ្យ​មាន​​ប្រសិទ្ធ​ភាព​​​​”។

យោង​​​តាម​​​គេ​​​ហទំព័រ​​​របស់​​​អង្គការ​​​សហ​​​ប្រជាជាតិ​​​បាន​​​ឲ្យដឹង​​​ថា កម្មវិធី​​​នេះ​​​បង្កើត​​​ឡើង​​​ក្នុង​​​គោល​​​បំណង​​​ផ្តើម​​​​កិច្ច​​​ប្រឹង​​​ប្រែង​​​ដែល​​​ទី​​​បំផុត​​​​​​នឹង​​​ឈាន​​​ទៅ​​​ដល់​​​ ” គុណភាព​​​ជីវិត​​​ប្រសើរ​​​ឡើង​​​សម្រាប់​​​ជន​​​ពិការ​​​នៅ​​​កម្ពុជា​​​”។ ប៉ុន្តែ​វា​ត្រូវ​​​បាន​​​ពណ៌នា​​​ថា “គោល​​​ដៅ​​​ប្រកប​​​ដោយ​​​មហិច្ឆតា ដែល​​​នឹង​​​មិន​​​សម្រេច​​​បាន​​ពេញ​លេញ​​​​ឡើយ​​​អំឡុង​​​រយៈ​​​ពេល​​​ដំណើរ​​​កម្ម​​​វិធី​​​ទាំង​​​មូល ដោយសារ​​​តែ​​​​​​ធន​​​ធាន​​​​​​​​​​​​​​​​​​​​​​​​មាន​​​កម្រិត​​​ពាក់​​​ព័ន្ធ​​​នឹង​​​ទំហំ​​​នៃ​​​បញ្ហា​​​នេះ​​​”។

កម្មវិធី​​​នេះ​​​នឹង​​​ផ្តោត​​​លើ​​​ចំណុច​​​ចំនួន​​​បួន​​​ គឺ​​​ការ​​​គាំទ្រ​​​  ការ​​​សម្រប​​​សម្រួល​របស់​រដ្ឋា​ភិបាល​ចំពោះ​ NDSP ការ​​​ពង្រឹង​​​​​​​សមត្ថ​ភាព​​របស់​អង្គ​ការ​ជន​ពិការ​ ការ​ធ្វើ​​​ឲ្យ​​​មណ្ឌល​​​ស្តារ​​​នីតិសម្បទា​​​ប្រសើរ​​​ឡើង​​​ និង​​​ធ្វើការ​​​ជាមួយ​​​មន្ត្រី​​​ខេត្ត​​​ និង​​​មន្ត្រី​​​ឃុំ​​​ដើម្បី​​​​លើក​កម្ពស់​ការ​រាប់​បញ្ចូល​ជន​ពិការ។

លោក​​​ ងិន សៅរ័ត្ន ​​​​​​​​​នាយក​​​ប្រតិបត្ត​​​ិ​​អង្គការ​​​ជន​​​ពិការ​​​កម្ពុជា ​​​បាន​​​កោត​​​សរសើរ​​​ចំពោះ​​​ការ​​​បង្កើន​​​កិច្ច​​​ខំប្រឹង​​​ប្រែង​​​​​​​​​ដើម្បី​​​ដោះ​​​ស្រាយ​​​សេចក្តី​​​ត្រូ​​​វការ​​​របស់​​​ជន​​​ពិការ ប៉ុន្តែ បានមានប្រសាសន៍​​​ថា ប្រសិនបើ​​​រដ្ឋាភិបាល​​​មិន​​​លៃ​​​ទុក​​​ថវិកា​​​យ៉ាង​​​ច្រើន​​​សម្រាប់​​​កម្មវិធី​​​នេះ​​​ទេ​​​ ​​​ផែនការ​​​ប្រាំ​​​ឆ្នាំ​​​របស់​​​ខ្លួន​​​​​​នឹង ” ​​​មាន​​​តែ​​​នៅ​​​លើ​​​ក្រដាស​​​ប៉ុណ្ណោះ​​​” ។

លោក​​​បាន​​​អំពាវ​​​នាវ​​​ឲ្យ​​​រដ្ឋាភិបាល​​​លៃ​​​ទុក​​​ពី​​​៣ទៅ​​​៥​​​ភាគ​​​រយ​​​នៃ​​​ថវិកា​​​ជាតិ​​​ប្រចាំ​​​ឆ្នាំ​​​របស់​​​ខ្លួន​​​សម្រាប់​​​បញ្ហា​​​ជន​​​ពិការ​​​​​​​​​​​​។ លោក​​​មាន​​​ប្រសាសន៍​​​ទៀត​​​ថា ” សម្រាប់​​​យើង​​​ [NDSP] គោល​​​ដៅ​​​ធំ​​​ធេង​​​ណាស់​​​ ប៉ុន្តែ អ្វី​​​ដែល​​​យើង​​​បារម្ភ​​​គឺ​​​ថា តើ​​​រដ្ឋាភិបាល​​​នឹង​​​ត្រូវ​​​អនុវត្ត​​​គោល​​​ដៅ​​​​​​ផែនការ​​​យុទ្ធ​​​សស្ត្រ​​​នេះ​​​ឲ្យ​​​បាន​​​ត្រឹម​​​ត្រូវ​​​ដោយ​​​របៀប​​​ណា ប្រសិន​​​បើ​​​គ្មាន​​​ថវិកា​​​ពី​​​ក្រសួង​​​មហាផ្ទៃ និង​​​ផ្អែក​​​លើ​​​ធន​​​ធាន​​​មនុស្ស​​​មាន​​​កម្រិត​​​នោះ​​​”។

គំនិត​​​ផ្តួច​​​ផ្តើម​​​ថ្មី​​​ៗ​​​ទាំង​​​នេះ​​​ធ្វើ​​​ឡើង​​​ ខណៈ​​​ពេល​​​ឱសាន​​​វាទ​​​ផុត​​​សម្រាប់ទី​​​ភ្នាក់​​​ងារ​​​រដ្ឋាភិបាល​​​ទាំង​​​អស់​​​ ដែល​​​ត្រូវ​​​ទទួល​​​យក​​​ជន​​​ពិការ​​​យ៉ាង​​​ហោច​​​ណាស់​​​២​​​ភាគ​​​រយ​​​​​​ចូល​​​ក្នុង​​​កម្លាំង​​​ការ​​​ងារ​​​របស់​​​ខ្លួន​​​ស្របតាម​​​ចំនួន​​​​​​២,០៦​​​ភាគ​​​រយ​​​នៃ​​​ប្រជាជន​​​សរុប ​​​ដែល​​​ក្រសួង​​​សង្គម​​​កិច្ច​​​រាប់​​​ថា ជា​​​ជន​​​ពិការ។

ឱសានវាទ​​​នៅ​​​ខែ​​​កក្កដា ឆ្នា​​​ំ​​​២០១៥​​​ ត្រូវ​​​បាន​​​កំណត់​​​នៅ​​​ក្នុង​​​អនុក្រឹត្យ​​​មួយ​​​ដែល​​​ជា​​​ផ្នែក​​​នៃ​​​ច្បាប់​​​ស្តី​​​ពី​​​ជន​​​ពិការ​​​ ដែល​​​ត្រូវ​​​បាន​​​អនុម័ត​​​កាល​​​ពីឆ្នាំ​​​២០០៩​​​ ប៉ុន្តែ លោក ងិន សៅរ័ត្ន បាន​​​មាន​​​ប្រសាសន៍​​​ថា ក្នុង​​​ចំណោម​​​កម្លាំង​​​ការ​​​សរុប​​​របស់​​​រដ្ឋ​​​មាន​​​តែ​​​១,២៦​​​ភាគ​​​រយ​​​ប៉ុណ្ណោះ​​​ ដែល​​​ជា​​​ជន​​​ពិការ​​​។

នៅ​​​ក្នុង​​​សុន្ទរកថា​​​របស់​​​លោក​​​ដើម្បី​​​ប្រកាស​​​ដាក់​​​ឲ្យ​​​អនុវត្ត​​​ NDSP កាល​​​ពី​​​ថ្ងៃ​​​ព្រហស្បតិ៍ លោក​​​ ហ៊ុន សែន បាន​​​ជំរុញ​​​ឲ្យ​​​ក្រសួង​​​ និង​​​ស្ថាប័ន​​​នានា​​​ប្រកាន់​​​ខ្ជាប់​​​នូវ​​​កូតាការងារ​​​​​​២ភាគ​​​រយ​​​សម្រាប់​​​ជន​​​ពិការ ប៉ុន្តែ បាន​​​ប្រកាស​​​ថា នឹង​​​លើក​​​លែង​​​ក្រសួង​​​អប់រំ​​​យុវជន​​​ និង​​​កីឡា​​​មួយ​​​ចេញ​​​រួម​​​ជាមួយ​​​ក្រសួង​​​ព្រះ​​​បរម​​​រាជ​​​វាំង​​​ ដែល​​​កន្លង​​​មក​​​​​​ត្រូវ​​​បាន​​​លើក​​លែង​​​រួច​​​មក​​​ហើយ ពី​​​ព្រោះ​​​ជន​​​ពិការ​​​នឹង​​​ជួប​​​ការ​​​លំបាក​​​ខ្លាំង​​​ពេល​​​បង្រៀន​​​។

លោក​​​មាន​​​ប្រសាសន៍​​​ទៀត​​​ថា “​​​ ក្នុង​​​ចំណោម​​​មន្ត្រី​​​រាជ​​​ការ​​​ស៊ីវិល​​​ចំនួន​​​១៩០.០០០នាក់​​​មាន​​​១១០.០០០នាក់​​​ជា​​​គ្រូ​​​បង្រៀន​​​”។ លោក​​​បាន​​​គូស​​​បញ្ជាក់​​​ថា ជន​​​ពិការ​​​ជាច្រើន​​​មិន​​​អាច​​​ឈរ​​​ច្រើន​​​ម៉ោង​​​បាន​​​ទេ ហេតុ​​​ដូច្នេះ​​​ហើយ​​​ពួក​​​គេ​​​មិន​​​ស័ក្តិ​​​សម​​​នឹង​​​បង្រៀន​​​ឡើយ​​​។ លោក​​​ ហ៊ុន សែន បាន​​​មាន​​​ប្រសាសន៍​​​ទៀ​​​ត​​​ថា ” ដូច្នេះ​​​ប្រសិនបើ​​​ [យើង​​​] ដាក់​​​បញ្ចូល​​​​​​២​​​ភាគ​​​រយ​​​ទៅ​​​ក្រសួង​​​អប់​​​រំ​​​ វា​​​អាច​​​បំផ្លាញ​​​ក្រសួង​​​អប់់​​​រំ​​​។ នេះ​​​គឺ​​​ជា​​​បញ្ហា​​​ដែល​​​យើង​​​ត្រូវ​​​គិត​​​”៕សុខុម​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ​រដ្ឋាភិបាល​ដាក់​ចេញ​គំនិត​​​ផ្តួច​​​ផ្តើម​​​ស្តីពី​​​ការ​​​លើក​​​កម្ពស់​​​ជន​ពិការ​​​ ខណៈ​​​ខ្លួន​មិន​​​បាន​​​ឈាន​​​ដល់​​​កូតា​​​ការងារ​​​សម្រាប់​​​ពួក​​​គេ​​​ appeared first on ខេមបូឌា ដេលី.

នគរបាល​​​នៅ​​​ខេត្ត​​​បន្ទាយ​​​មាន​​​ជ័យ​​​ក្នុង​​​សប្តាហ​​​៍​​​នេះ បាន​​​ចាប់​​​ខ្លួន​​​មនុស្ស​​​៣៨​​​នាក់​​​ពាក់​​​ព័ន្ធ​​​ជា​​​មួយ​​​នឹង​​​ការ​​​រឹប​​​អូស​​​គ្រឿង​​​ញៀន​​​តម្លៃ​​​៩​​​០.០០០​​​ដុល្លារ​​​ ក្នុង​​​នោះ​​​មាន​​​ទាំង​​​​​​​​​​​​គ្រាប់​​​ថ្នាំ​​​អំហ្វេតាមីន​​​ជាង​​​១២.០០០គ្រាប់​​​ និង​​​ថ្នាំ​​​ញៀន​​​​​​កេ​​​តា​​​មីន ជា​​​ច្រើន​​​ប្រអប់​​​។

កាល​​​ពី​​​ថ្ងៃ​​​សុក្រ ​​​មនុស្ស​​​បី​​​នាក់​​​ក្នុ​​​ង​​​ចំណោម​​​អ្នក​​​ត្រូវ​​​ចាប់​​​ខ្លួន​​​ទាំង​​​នោះ​​​មាន​​​ឈ្មោះ​​​លើ​​​គេ​​​ហ​​​ទំព័​​​រ​​​នគរ​​​បាល​​​ជាតិ​​​ថា ជា​​​អ្នក​​​ជួញ​​​ដូរ​​​គ្រឿង​​​ញៀន​​​ក្នុង​ក្រុម​​​គ្រឿង​​​ញៀន​​​មួយ​​​នៅ​​​ក្រុង​​​ប៉ោយ​​​បែ៉ត​​​ រីឯ​​​អ្នក​​​ផ្សេង​​​ទៀត​​​ក្នុង​​​ក្រុម​​​នេះ​​​ត្រូវ​​​គេ​​​សង្ស័យ​​​ថា ជា​​​អ្នក​​​ប្រើ​​​គ្រឿង​​​ញៀន​​​។

លោក​​​ ឆេន​​​ ឈួត ស្នង​​​ការ​​​រង​​​នគរ​​​បាល​​​ខេត្ត​​​បាន​​​មាន​​​ប្រសាសន៍​​​អំពី​​​ការ​​​ចាប់​​​គ្រឿង​​​ញៀន​​​ ដែល​​​បាន​​​ធ្វើ​​​ឡើង​​​កាល​​​ពី​​​ថ្ងៃ​​​ពុធ និ​​​ង​​​ថ្ងៃ​​​ព្រហស្បតិ៍​​​កន្លង​​​ទៅ​​​ថា  ” យើង​​​បាន​​​រឹប​​​អូស​​​គ្រាប់​​​ថ្នាំ​​​អំហ្វេ​​​តាមីន​​​ ១២.០០០គ្រាប់​​​ ថ្នាំ​​​ញៀន​​​កេ​​​តាមីន​​​២០​​​ប្រអប់​​​ និង​​​មេតំហ្វេតាមីន​​​ចំនួន​​​កន្លះ​​​គីឡូ​​​ក្រាម​​​”។

លោក​​​ ឈួត បាន​​​ឲ្យដឹង​​​ទៀត​​​ថា “​​​ ដំបូង​​​ យើង​​​បាន​​​ចាប់​​​ខ្លួន​​​បុរស​​​ម្នាក់​​​ ជា​​​អ្នក​​​ជួញ​​​គ្រឿង​​​ញៀន​​​ ដែល​​​ដឹក​​​គ្រឿង​​​ញៀន​​​ពី​​​រាជ​​​ធានី​​​ភ្នំពេញ​​​មក​​​ក្រុង​​​ប៉ោយ​​​ប៉ែត​​​ ហើយ​​​បន្ទាប់​​​មក​​​ទៀត​​​ចាប់​​​បាន​​​មនុស្ស​​​ពីរ​​​នាក់​​​ ខណៈ​​​ដែល​​​ពួក​​​គេ​​​រង់​​​ចាំ​​​ទទួល​​​គ្រឿង​​​ញៀន​​​នោះ​​​”។

នៅ​​​លើ​​​បញ្ជី​​​គេ​​​ហទំព័រ​​​នគរបាល​​​ អ្នក​​​ទាំង​​​បី​​​មាន​​​ឈ្មោះ ហ៊ួ អៀម​​​​​​ឡេង​​​ ​​​អាយុ​​​៣០​​​ឆ្នាំ​​​ សាន​​​ ស្រី​​​មុំ អាយុ​​​២៦​​​ឆ្នាំ​​​ និង​​​ មាស សំណាង អាយុ​​​៣៦​​​ឆ្នាំ​​​។ ​​​គេ​​​ហ​​​ទំព័រ​​​នេះ​​​បាន​​​ឲ្យ​​​ដឹង​​​ថា នគរបាល​​​បាន​​​ទទួល​​​ព័ត៌​​​មាន​​​មួយ​​​អំពី​​ឈ្មោះ អៀម​​​ឡេង ហើយ​​​បាន​​​តាម​​​ដាន​​​​​ការ​​​ធ្វើ​​​ដំណើរ​​​​​​របស់​​​ជន​​​នេះ​​​នៅ​​​តំបន់​​​ពាយព្យ​​​​​​រហូត​​​ដល់​​​ចាប់​​​ខ្លួន​​​ជន​​​នេះ​​​បាន​​​នៅ​​​ជិត​​​ច្រក​​​ទ្វារ​​​ព្រំ​​​ដែន​​​អន្តរ​​​ជាតិ​​​ប៉ោយ​​​ប៉ែត​​​។

លោក​​​ ឈួត បាន​​​មាន​​​ប្រសាសន៍​​​ថា ជន​​​ទាំង​​​បី​​​បាន​​​ត្រូវ​​​ឃុំ​​​ខ្លួន​​​នៅ​​​ពន្ធ​​​នាគារ​​​ខេត្ត​​​ ដើម្បី​​កសាង​​​សំណុំ​​​រឿង​​​បញ្ជូន​​​ទៅ​​​តុលាការ​​​។

លោក​​​ អ៊ុំ សុផល​​​ អធិការ​​​នគរ​​​បាល​​​ក្រុង​​​ប៉ោយ​​​ប៉ែត​​​បាន​​​មាន​​​ប្រសាសន៍​​​ថា មនុស្ស​​​៣៥​​​នាក់​​​ផ្សេង​​​ទៀត​​​ដែល​​​គេ​​​សង្ស័យ​​​ថា ជា​​​អ្នក​​​ប្រើ​​​គ្រឿង​​​ញៀន​​​កំពុង​​​ត្រូវ​​​ឃុំ​​​ខ្លួន​​​នៅ​​​អធិការ​​​ដ្ឋាន​​​នគរបាល​​​ក្រុ​​​ង​​​ប៉ោយ​​​ប៉ែត​​​ ដើម្បី​​​សួរ​​​ចម្លើយ​​​។

លោក គោស៊ុំ សារឿត អភិបាល​​​ខេត្ត​​​បន្ទាយ​​​មាន​​​ជ័យ​​​បាន​​​មាន​​​ប្រសាសន៍​​​ថា ការ​​​ចុះ​​​បង្ក្រាប​​​រយៈ​​​ពេល​​​ពីរ​​​ថ្ងៃ​​​នេះ​​​ ជា​​​ផ្នែក​​​មួ​​យ​​​នៃ​​​កិច្ច​​​ប្រឹង​​​ប្រែង​​​ធំ​​​ជាង​​​មុន​​​ដើម្បី​​​ប្រយុទ្ធ​​​ប្រឆាំង​​​បញ្ហា​​​គ្រឿង​​​ញឿន​​​ដែល​​​​​​​​​កើត​​​កាន់​​​តែ​​​ធំ​​​នៅ​​​ក្រុង​​​ប៉ោយ​​​ប៉ែត​​​។ លោក​​​បាន​​​ឲ្យដឹង​​​ទៀត​​​ថា ” យើង​​​សូម​​​សរសើរ​​​​​​ចំពោះ​​​​​​កិច្ច​​​ប្រឹង​​​ប្រែង​​​របស់​​​មន្ត្រី​​​នគរ​​​បាល​​​​​​ចំពោះ​​​ការ​​​បង្ក្រាប​​​ការ​​​ជួញ​​​ដូរ​​​គ្រឿង​​​ញៀន​​​ ពីព្រោះ​​​វា​​​ជា​​​បញ្ហា​​​ធ្ងន់​​​ធ្ងរ​​​មួយ​​​ក្នុង​​​សង្គម​​​ និង​​​ជា​​​បទ​​​ល្មើស​​​ព្រហ្ម​​​ទណ្ឌ​​​”។

កាល​​​ពី​​​ខែ​​​ឧសភា ក្រុម​​​មន្ត្រី​​​កង​​​រាជ​​​អាវុធ​​​ហត្ថ​​​បាន​​​ចាប់​​​ខ្លួន​​​មនុស្ស​​​ពី​​​រ​​​នាក់​​​ និង​​​រឹប​​​អូស​​​បាន​​​​​​គ្រាប់​​​ថ្នាំ​​​មេតំហ្វេ​​​តាមីន​​​ ១៧.៥២៣​​​គ្រាប់ និង​​​មេតំហ្វេ​​​តាមីន​​​ទឹក​​​កក​​​ ៣,៥១​​​ក្រាម​​​នៅ​​​ខេត្ត​​​បន្ទាយ​​​មាន​​​ជ័យ​​​។

មេតំហ្វេ​​​តាមីន​​​ នៅ​​​តែ​​​ជា​​​គ្រឿង​​​ញៀន​​​ ដែល​​​ត្រូវ​​​គេ​​​ចាប់​​​​​​បាន​​​ជា​​​ញឹក​​​ញាប់​​​បំផុត​​​នៅ​​​ប្រទេស​​​កម្ពុជា​​​ ដែល​​​កំពុង​​​ត្រូ​​​វ​​​គេ​​​ប្រើ​​​កាន់​​​តែ​​​ខ្លាំង​​​ឡើង​​​ជា​​​កន្លែង​​​ផលិត​​​ និង​​​ឆ្លង​​​កាត់​​​សម្រាប់​​​គ្រឿង​​​ញៀន​​​ណាកូទិក​​​ ជា​​​ពិសេស​​​ប្រភេទ​​​ថ្នាំ​​​លើក​​​កម្លាំង​​​ អំហ្វេ​​​តាមីន​​​។

យោង​​​តាម​​​​​​អាជ្ញាធរ​​​ជាតិ​​​ប្រយុទ្ធ​​​ប្រឆាំង​​​គ្រឿង​​​ញៀន​​​ NACD បាន​​​ឲ្យ​​​ដឹង​​​ថា នគរបាល​​​បាន​​​រឹប​​​អូស​​​គ្រាប់​​​ថ្នាំ​​​មេតំហ្វេ​​​តាមីន​​​ ១៧,៣​​​គីឡូ​​​​​ក្រាម​​​ កាល​​​ពី​​​ឆ្នាំ​​​២០១៣ កើន​​​ពី​​​១០,៦​​​គីឡូ​​​ក្រាម​​​នៅ​​​ឆ្នាំ​​​២០១២​​​។ កាល​​​ពី​​​ឆ្នាំ​​​មុន ម្សៅ​​​មេតំហ្វេតាមីន​​​ទម្ងន់​​​ជាង​​​៣២​​​គីឡូក្រាម​​​ក​​​៏​​​ត្រូវ​​​រឹប​​​អូស​​​បាន​​​ដែរ​​​​​​៕​​​មានិត​​​​​​​​​​​​​​​​​​​​​​​​​​​​​​​​​​​​​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post នគរបាល​​​ចាប់​​​មនុស្ស​​​៣៨​​​នាក់​​​ក្នុង​​​ប្រតិបត្តិការ​​​ចាប់​​​គ្រឿ​​​ង​​​ញៀន​​​នៅ​​​ប៉ោយ​​​ប៉ែត​​​ appeared first on ខេមបូឌា ដេលី.

ក្រុមហ៊ុន​ភ្នំពេញស៊ូហ្គើរ​ដ៏​ចម្រូង​ចម្រាស​របស់​លោក លី យ៉ុងផាត់ សមាជិក​ព្រឹទ្ធ​សភា​បាន​សង​បំណុល​ចុង​ក្រោយ​របស់​ខ្លួន​ទាំង​អស់​ដែល​បាន​ជំពាក់​ធនាគារ​អេអិន​ហ្សិត​រ៉ូយ៉ាល់ (ANZ Royal) ចំ​ពេល​មាន​សម្ពាធ​ពី​ធនាគារ​នេះ​ឲ្យ​ជួយ​ប្រជាជន​រាប់​រយ​គ្រួ​សារ​នៅ​ខេត្ត​កំពង់​ស្ពឺ​ ដែល​ចោទ​ក្រម​ហ៊ុន​ចម្ការ​អំពៅ​នេះ​ថា បាន​ប្លន់​យ​ក​ដី​របស់​ពួក​គាត់។

អង្គ​ការ​សិទ្ធិ​មនុស្ស​នានា​និយាយថា ការ​បញ្ចប់​ទំនាក់​ទំនង​ពាណិជ្ជកម្ម​នេះ​មិន​មែន​មាន​ន័យ​ថា ​ធនាគារ​នេះ​គ្មាន​ការ​ទទួល​ខុស​ត្រូវ​នោះទេ ហើយ​លើក​ឡើង​ថា ធនាគារ​នេះ​គួរ​តែ​ផ្តល់​សំណង​ដល់​គ្រួសារ​ទាំង​នេះ​ប្រសិន​បើ​ក្រុមហ៊ុន​ចម្ការ​អំពៅ​នេះ​មិន​ព្រម​ផ្តល់​សំណង។

លោក ស្ទីហ្វេន រាយស៍​ ប្រធាន​ផ្នែក​ប្រព័ន្ធ​ផ្សព្វ​ផ្សាយ​នៃ​ធនាគារ អេអិន​ហ្សិត នៅ​អូស្ត្រាលី ដែល​មាន​ភាគហ៊ុន​ធំ​នៅ​ធនាគារ​អេអិនហ្សិត រូ៉យ៉ាល់ បាន​មាន​ប្រសាសន៍ថា “ខ្ញុំ​អាច​បញ្ជាក់​បានថា ក្រុម​ហ៊ុន​ភ្នំពេញ​ស៊ូហ្គើរ​បាន​សង​កម្ចី​របស់​ខ្លួន​អស់​ហើយ ហើយ​ក្រុម​ហ៊ុន​នេះ​មិន​មែន​ជា​អតិថិជន​របស់​ធនាគារ អេអិនហ្សិត ទៀត​ទេ។​យើង​យល់​ថា ពួកគេ​អាច​ទទួល​បាន​កម្ចី​​មាន​ការ​ប្រាក់​ទាប ​នៅ​ពេល​ពួក​គេ​បាន​បំពេញ​តាម​តម្រូវ​ការ​ផ្លូវ​ច្បាប់​ទាំង​អស់​របស់​ធនាគារ​អេអិនហ្សិត”។

លោក សេង ញ៉ក់ ប្រធាន​ក្រុម​ហ៊ុន​ភ្នំពេញ​ស៊ូហ្គើរ​ បាន​បញ្ជាក់​ថា ក្រុម​ហ៊ុន​នេះ​បាន​សង​បំណុល​របស់​ខ្លួន​ដែល​បាន​ជំពាក់​ធនាគារ​អេអិនហ្សិត រ៉ូយ៉ាល់ អស់​ហើយ​ ប៉ុន្តែ​លោក​បាន​បដិសេធ​មិននិយាយ​ថា តើ​ការ​ទទួល​បាន​កម្ចី​នេះ​គឺ​ដោយ​សារ​តែ​​បាន​បំពេញ​តាម​បទដ្ឋាន​ផ្លូវ​ច្បាប់​ទាំង​ផ្នែក​​សង្គម​ និង​បរិស្ថាន​របស់​ធនាគារ​នេះឬយ៉ាង​ណានោះទេ។

លោក​បាន​សរសេរ​តាម​អុីម៉េល​ថា ” ក្រុម​ហ៊ុន​ភ្នំពេញ​ស៊ូហ្គើរ​កំពុង​បន្ត​ដោះ​ស្រាយ​ដោយ​ផ្ទាល់​ជាមួយ​សហគមន៍​មូល​ដ្ឋាន ហើយ​នឹង​បន្ត​ធ្វើ​ដូច្នេះ​តទៅទៀត​។ សូម្បីតែ​កាលពី​សប្ដាហ៍​មុន តំណាង​ម្នាក់​របស់​ក្រុម​ហ៊ុន​ភ្នំពេញ​ស៊ូហ្គើរ​បាន​ជួប​ជាមួយ​សហគមន៍​មូល​ដ្ឋាន”។ ប៉ុន្តែ​លោក​មិន​បញ្ជាក់​​បន្ថែម​ទៀត​ទេ។

ទំនាក់​ទំនង​របស់​ធនាគារ​​ជាមួយ​នឹង​ក្រុមហ៊ុន​ចម្ការ​អំពៅ​នេះ​ ត្រូវ​បាន​ផ្សព្វ​ផ្សាយ​ជា​សាធារណៈ​លើក​ដំបូង​កាលពី​ខែមករា ហើយ​នៅពេល​នោះ​អង្គការ​សិទ្ធិមនុស្ស​បាន​ចេញ​​របាយការណ៍​វាយ​តម្លៃ​អំពី​ផល​ប៉ះពាល់​របស់​គម្រោង​នេះ​ពី​ឆ្នាំ​២០១០​ដល់​ឆ្នាំ​២០១៣​ ដែល​បង្ហាញ​ថា ធនាគារ​អេអិន​ហ្សិត​ រ៉ូយ៉ាល់ បាន​ជួយ​​ផ្ដល់​ហិរញ្ញវត្ថុ​ដល់​ប្រតិបត្តិ​ការ​របស់​ក្រុម​ហ៊ុន​នេះ​។ ទាំង​ធនាគារ​ និង​ក្រុមហ៊ុន​ចម្ការ​អំពៅ​មិន​និយាយ​ថា តើ​ធនាគារ​អេអិន​ហ្សិត បាន​ផ្ដល់​ហិរញ្ញ​វត្ថុ​ប៉ុន្មាន​នោះ​ទេ ប៉ុន្តែ​គេ​ជឿ​ថា ការ​ផ្ដល់​កម្ចី​នេះ​មាន​ចំនួន​រហូត​ដល់​រាប់​លាន​ដុល្លារ​ឯណោះ។

នៅពេល​នោះ លោក​ ហ្គ្រែន ណាក់គី នាយក​ប្រតិបត្តិ​ធនាគារ​អេអិនហ្សិត​ រ៉ូយ៉ាល់ បាន​លើក​ឡើង​ថា ធនាគារ​កំពុង​ជំរុញ​ឲ្យ​ក្រុមហ៊ុន​ចម្ការ​អំពៅ​នេះ​ជួប​ជាមួយ​គ្រួសារ​ដែល​រង​ផល​ប៉ះពាល់។

លោក​បាន​លើក​ឡើង​នៅពេល​នោះ​ថា ” នៅពេល​គេ​បាន​រក​ឃើញ​ផល​ប៉ះពាល់​ដែល​មិន​ស្រប​តាម​គោល​នយោបាយ​របស់​ធនាគារ​អេអិន​ហ្សិត គោល​បំណង​របស់​យើង​គឺ​ធ្វើ​ជា​កម្លាំង​វិជ្ជមាន​ដើម្បី​ជំរុញ​ឲ្យ​មាន​ការ​ដោះ​ស្រាយ និង​ការ​ផ្លាស​់​ប្ដូរ​។ នៅ​ពេល​ណា​យើង​រក​ឃើញ​ថា អតិ​ថិជន​មិន​បំពេញ​តាម​បទ​ដ្ឋាន​បរិស្ថាន និង​សង្គម​របស់​យើង​ ហើ​យបើ​​គេ​មិន​ព្រម​អនុវត្ត​តាម​បទ​ដ្ឋាន​​ទាំង​នោះ​ទេ ធនាគារ​អេអិនហ្សិត​ មិន​ព្រម​ផ្ដល់​ហិរញ្ញវត្ថុ​ ឬផ្ដាច់​ទំនាក់​ទំនង​តែ​ម្តង។​ យើង​នឹង​បន្ត​ដោះ​ស្រាយ​​ករណី​ពិសេស​នេះ”។

លោក ណាក់គី បាន​បដិសេធ​មិន​ធ្វើ​អត្ថាធិប្បាយ​អំពីការ​សង​កម្ចី​របស់​ក្រុម​ហ៊ុន​ចម្ការ​អំពៅ​នេះ​ទេ​កាលពី​ម្សិលមិញ។

អង្គការ​សិទ្ធិមនុស្ស​លើក​ឡើង​ថា ការ​បញ្ចប់​កម្ចី​នេះ​មិន​គួរ​បញ្ចប់​ការ​ខំប្រឹង​ប្រែង​របស់​ធនាគារ​នេះ ដើម្បីជួយ​ប្រជាជន​ពី​៤០០​ទៅ​៥០០​គ្រួសារ​ដែល​កំពុង​រង់ចាំ​សំណង​សម​ស្រប​សម្រាប់​ដី​ដែល​ពួកគាត់​បាន​បាត់​បង់​ទៅលើ​ចម្ការ​អំពៅ​នេះ​ទេ។

លោក អ៊ាង វុទ្ធី នាយក​ប្រតិបត្តិ​អង្គការ​សមធម៌កម្ពុជា (Epuitable Cambodia)​ បាន​លើក​ឡើង​ថា “គោល​នយោបាយ​របស់​ធនាគារ​តម្រូវ​ឲ្យ​ពួកគេ​ធ្វើ​អ្វី​ដែល​ត្រឹម​ត្រូវ​។ ពួកគេ​ត្រូវ​ដោះ​ស្រាយ​បញ្ហា​នេះ​។ ប្រសិន​បើ​គេ​បាន​ធ្វើ​អ្វីមួយ​ខុស គេ​ត្រូវ​ដោះ​ស្រាយ​បញ្ហា​នោះ​។ ពួកគេ​មិន​អាច​គេចវេះ​​ពី​បញ្ហា​នោះ​បាន​ទេ។

លោក វុទ្ធី បាន​លើក​ឡើង​ថា ប្រសិន​បើ​ចម្ការ​អំពៅ​នេះ​មិន​ផ្ដល់​សំណង​ដល់​គ្រួសារ​ទាំង​នោះទេ ធនាគារ​អេអិន​ហ្សិត រ៉ូយ៉ាល់ គួរ​តែផ្ដល់​សំណង​នោះ​ដោយ​ខ្លួន​ឯង​។

លោក ដេវីដ ប្រែ៊ដ នាយក​គ្រប់​គ្រង​ក្រុម​ហ៊ុន Inclusive Development International បាន​បន្ថែម​ថា ” នេះ​គឺ​ជា​ផ្លូវ​ងាយ​ស្រួល​សម្រាប់​ធនាគារ​អេអិន​ហ្សិត​ រ៉ូយ៉ាល់​ ក្នុង​ការ​ព្យាយាម​បញ្ចប់​រឿង​នេះ ប៉ុន្តែ​រឿង​នេះ​នឹង​មិន​ចប់​ទេ​សម្រាប់​ប្រជា​ជន​រាប់​រយ​គ្រួសារ​ ដែល​បាន​ធ្លាក់​ខ្លួន​ក្រ​ដោយសារ​គម្រោង​ដែល​ផ្ដល់ហិរញ្ញវត្ថុ​ដោយ​ធនាគារ​អេអិន​ហ្សិត​ រ៉ូយ៉ាល់”។

“ក្នុង​នាម​ជា​អ្នក​ផ្ដល់​ហិរញ្ញវត្ថុ​ដ៏ធំមួយ​ដល់​គម្រោង​របស់​ក្រុម​ហ៊ុន​ភ្នំពេញ​ស៊ូហ្គើរ​ ដែលទទួល​បាន​កម្រៃ​ច្រើន​ពីគម្រោង​នេះ ធនាគារ​អេអិន​ហ្សិត​ រ៉ូយ៉ាល់​ មាន​ភារកិច្ច​គិត​គូរ​អំពី​ប្រជា​ជន​ដែល​បាន​បាត់​បង់​ដីធ្លី​ ហើយ​មិន​ត្រូវ​បំភ្លេច​ភារកិច្ច​​នេះ​ទេ នៅ​ពេល​ដែល​ខ្លួន​បាន​ទទួល​កម្ចី​របស់​ខ្លួន​មក​វិញ​ហើយ​”។

លោក ចាន់ សុឃឿន ដែល​កំពុង​រង់ចាំ​សំណង​សម្រាប់​ដី​ចម្ការ​បួន​ហិកតា ដែល​គាត់​បាន​បាត់​បង់​ទៅលើ​ចម្ការ​អំពៅ​នេះ​បាន​និយាយ​ថា ​បើ​ធនាគារ​អេអិន​ហ្សិត​ រ៉ូយ៉ាល់​ដក​ខ្លួន​ចេញ​គឺ​មាន​តែ​អតិថិជន​របស់​ក្រុម​ហ៊ុន​ស​ភ្នំពេញ​ស៊ូហ្គើរ​ទេ ដែល​ជា​អ្នក​ដាក់​សម្ពាធ​ឲ្យ​ក្រុម​ហ៊ុន​នេះ​ផ្ដល់​សំណង​ដល់​ប្រជាជន​ដែល​ត្រូវ​បាន​បណ្ដេញ​ចេញ​។

គាត់​បាន​និយាយ​ថា ” មាន​តែ​ធនាគារនេះ និង​អ្នក​ទិញ​ទេ អាច​ដាក់​សម្ពាធ​ឲ្យ​ក្រុម​ហ៊ុន​នេះ​រក​ដំណោះ​ស្រាយ​សម្រាប់​អ្នក​ភូមិ​ទាំង​នោះ​”។

កម្ពុជា​​នាំចេញ​ស្ករស​ដោយ​ឥត​បង់​ពន្ធ​ទៅ​សហភាព​អឺរ៉ុប ដែល​មាន​ទឹក​ប្រាក់​រហូត​ដល់​១៣​លាន​ដុល្លារ​កាលពី​ឆ្នាំមុន ក្រោម​គម្រោង​ពាណិជ្ជកម្ម​របស់​សហភាព​អឺរ៉ុប​សម្រាប់​ប្រទេស​កំពុង​អភិវឌ្ឍន៍។

សហភាព​អឺរ៉ុប​រហូត​មក​ទល់​ពេល​នេះ​បាន​ច្រាន​ចោល​ការ​អំពាវ​នាវ​ពី​ប្រជា​ពល​រដ្ឋ​ អង្គការសិទ្ធិ​មនុស្ស ព្រម​ទាំង​សមាជិក​សភាអឺរ៉ុប ឲ្យ​បញ្ចប់​ផល​ប្រយោជន៍​ពាណិជ្ជកម្ម ឬ​យ៉ាង​ហោច​ណាស់​ធ្វើការ​ស៊ើប​អង្កេត​លើ​ចម្ការ​អំពៅ​​នេះ។ ទោះបីជា​សហភាព​អឺរ៉ុប​​បាន​ចរចា​ជាមួយ​រដ្ឋាភិបាល​អស់​រយៈពេល​ជាច្រើន​ខែ​ ដើម្បី​រក​ដំណោះ​ស្រាយ​ដែល​អាច​នាំ​ឲ្យ​មាន​ការ​ផ្ដល់​សំណង​បាន​ច្រើន​សម្រាប់​ប្រជាជន​ទាំង​អស់​ដែល​បាន​បាត់​បង់ដី​ទៅលើ​ចម្ការ​អំពៅ​ទូទាំង​ប្រទេស​ក៏ដោយ ក៏​រដ្ឋាភិបាល​ និង​សហភាព​អឺរ៉ុប​មិនទាន់​បាន​ព្រម​ព្រៀង​គ្នា​ថា តើ​មាន​គ្រួសារ​ប៉ុន្មាន​គួរ​ទទួល​​បាន​សំណង​ដែរ​។

ក្នុង​ចំណោម​ប្រជា​ពល​រដ្ឋ​ជាង​១.៥០០គ្រួសារ​​ដែល​បាន​បាត់​បង់​ដី​តាំង​ពី​ឆ្នាំ​២០១០​ទៅ​លើ​ក្រុម​ហ៊ុន​ភ្នំពេញ​ស៊ូហ្គើរ និង​ចម្ការ​មួយ​នៅ​ក្បែរ​នោះ​របស់​ភរិយា​លោក លី យ៉ុងផាត់ នោះ មាន​ប្រជា​ពល​រដ្ឋរាប់​រយ​គ្រួសារ​មិន​ទាន់​បានទទួល​សំណង​ទាល់​តែ​សោះ​។ អ្នកដែល​ត្រូវ​បាន​ផ្តល់​សំណងបាន​ទទួល​យ៉ាង​ច្រើន​បំផុត​៥០០​ដុល្លារ​ ឬទទួល​បាន​ដី​ជំនួស​ដែល​មាន​ទំហំ​តូច​ជាង​ និង​មិន​សូវ​មាន​ជីជាតិ​ដូច​ដី​ដែលពួកគាត់​បាន​បាត់​បង់​។

យ៉ាង​ហោច​ណាស់​កម្មករ​ពីរ​នាក់​បាន​ស្លាប់​នៅ​ក្នុង​ចម្ការ​នោះ ចាប់តាំង​ពី​ខែធ្នូមក បន្ទាប់​ពី​ត្រូវ​បាន​ម៉ាស៊ីន​ប្រមូល​ផល​កិន​ គឺ​ទំនង​ជា​នៅពេល​ដែល​ពួកគេ​កំពុង​ដេក​លក់​នៅ​ក្នុង​ចម្ការ។ អង្គការ​សិទ្ធិមនុស្ស​មួយ​លើក​ឡើង​ថា ជន​រង​គ្រោះ​ទី៣​ប្រហែល​ជា​បាន​ស្លាប់​កាលពីខែកុម្ភៈ បន្ទាប់​ពី​ធ្លាក់​ពី​រថយន្ត​របស់​ក្រុម​ហ៊ុន​នេះ៕ គឹមហឿន​

(រាយការណ៍​បន្ថែ​ម​ដោយ អូន ភាព​)​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ក្រុម​ហ៊ុន​ភ្នំពេញ​ស៊ូហ្គើរ​របស់​សមាជិក​ព្រឹទ្ធ​សភា​ដក​ខ្លួន​ចេញ​ពី​ធនាគារ​អេអិន​ហ្សិត​រ៉ូយ៉ាល់ appeared first on ខេមបូឌា ដេលី.

នៅ​ក្នុងការ​ប៉ុនប៉ង​មួយ​ទៀត​ដើម្បី​ទប់​ស្កាត់​ការ​លួច​ព្រៃឈើ​ បឹង និង​ទន្លេ​​របស់​រដ្ឋ ក្រសួង​មហាផ្ទៃ​បានទុក​ពេល​ឲ្យ​ក្រុង​ និង​ខេត្ត​ទាំង​អស់​រហូត​ដល់​ថ្ងៃ​ទី២០ ខែកក្កដា ដើម្បី​ធ្វើ​របាយ​ការណ៍​លម្អិត​ស្ដីពី​ការ​កាប់​ឈើ​ និង​ការ​នេសាទ​ខុស​ច្បាប់​ទាំង​អស់​ ដែល​កើត​ឡើង​នៅ​ក្នុង​ដែន​សមត្ថកិច្ច​របស់​ខ្លួន​។

វិធាន​ការ​ថ្មី​នេះត្រូវ​អនុវត្ត​តាម​លិខិត​មួយ​ចុះ​ថ្ងៃទី៤ ខែកក្កដា ដែលចុះ​ហត្ថ​លេខា​ដោយ​លោក ស ខេង រដ្ឋ​មន្ត្រីក្រសួង​មហាផ្ទៃ បន្ទាប់ពី​មាន​លិខិត​មក​ពី​ទីស្ដីការ​គណៈ​រដ្ឋមន្ត្រី​កាល​ពីខែ​មេសា​ ស្នើ​ឲ្យ​អាជ្ញាធរ​គ្រប់​លំដាប់ថ្នាក់​ការ​ពារ​ជលផល​ និង​ព្រៃ​ការ​ពារ​នៅ​ទូទាំង​ប្រទេស។

លិខិត​របស់លោក ស ខេង ស្នើ​ឲ្យអាជ្ញាធរ​ក្រុង​ និង​ខេត្ត​ធ្វើ​របាយការណ៍​ជូន​រដ្ឋាភិបាល​អំពី​វិធានការ​របស់​ខ្លួន​ក្នុង​ការ​ការ​ពារ​ព្រៃ​ឈើ ជល​ផល និង​តំបន់​ការ​ពារ ​ត្រឹម​ថ្ងៃ​ទី២០ ខែ​កក្កដា។

លិខិត​នោះ​ស្នើ​សុំ​ឲ្យ​អាជ្ញាធរ​ទាំង​អស់​រៀប​រាប់​លម្អិត​ពី​វិធាន​ការ ​ដែល​ពួកគេ​បាន​អនុវត្ត​ក្នុង​ការ​ទប់​ស្កាត់​ការ​កាប់ឈើ និង​ការ​នេសាទ​ខុស​ច្បាប់ ដើម្បី​ប៉ាន់​ប្រមាណ​ថា តើ​វិធាន​ការ​នីមួយ​ៗ​អនុវត្ត​បាន​ប៉ុន្មាន​ និង​ដើម្បីពន្យល់​ប្រាប់​ពីបញ្ហា​ដែលពួកគេ​កំពុង​ជួប​ប្រទះ​នៅ​ក្នុង​ការ​ប្រឹង​ប្រែង​របស់​ពួកគេ​។ លិខិត​នោះ​ស្នើ​ឲ្យ​មន្ត្រី​ខេត្ត​ចុះបញ្ជី​ដេប៉ូ​ទិញ​ លក់ឈើ​ និង​​ផលិត​គ្រឿង​សង្ហារិម​ទាំង​អស់ ទាំង​មាន​ច្បាប់ និង​គ្មាន​ច្បាប់​។ ខេត្ត​ដែល​មាន​​ព្រំ​ប្រទល់​ជាប់​ប្រទេស​ដទៃ​ក៏​ត្រូវ​បាន​ស្នើ​សុំ​ឲ្យ​ធ្វើ​បញ្ជី​ឈ្មោះ​ច្រក​ទ្វារ​ព្រំដែន និង​ច្រក​របៀង​ទាំង​អស់​ដែល​គេ​ប្រើ​ប្រាស់​ដើម្បី​ដឹក​ឈើ​ចេញ​ពី​ប្រទេស​កម្ពុជា​ផង​ដែរ។

លិខិត​របស់​ក្រសួង​នេះ​មិន​បាន​បង្ហាញ​ប្រាប់​ពី​ពេល​វេលា​នៃ​ការ​អនុវត្ត​បទ​បញ្ជា​នេះទេ។ គេ​មិន​អាច​ទាក់​ទង​អ្នក​នាំាពាក្យ​ក្រសួង​នេះ​ដើម្បី​សុំ​ការ​អត្ថាធិប្បាយ​បាន​ឡើយ​។

លោក ឈឹម សាវុធ ប្រធាន​អង្គការ​ការ​ពារ​ធន​ធាន​ធម្មជាតិ​ បាន​មាន​ប្រសាសន៍​ថា បទ​បញ្ជា​ពីមុន​របស់​លោក​នាយក​រដ្ឋមន្ត្រី ហ៊ុន សែន ឲ្យ​បង្ក្រាប​ការ​កាប់​ឈើ​ និង​ការ​នេសាទ​ខុស​ច្បាប់ ​មិន​មាន​ប្រសិទ្ធ​ភាព​ក្នុង​ការ​ទប់​ស្កាត់​បញ្ហា​នេះ​បានទេ​។ លោក​បាន​មាន​​​ប្រសាសន៍​ថា ” យើង​បាន​ឃើញ​អនុក្រឹត្យ​ និង​សេចក្ដី​​ជូន​ដំណឹង​​ជា​ច្រើន​កាលពីមុន ឲ្យ​បញ្ឈប់​ការ​កាប់ និង​ការ​ដឹក​ឈើ​ខុស​ច្បាប់ ប៉ុន្តែ​នៅ​តែមាន​ការ​កាប់​ឈើ​ខុស​ច្បាប់​ជា​ច្រើន​ សូម្បី​តែ​នៅ​តំបន់​ការពារ​ និង​នៅ​ព្រៃ​សហគមន៍​”។

លោក ចាន់ សុវ៉េត អនុប្រធាន​ផ្នែក​ស៊ើប​អង្កេត​របស់​អង្គការ​សិទ្ធិមនុស្ស​អាដ​ហុក បាន​មាន​ប្រសាសន៍​ថា បទ​បញ្ជា​នេះ​អាច​មាន​​ប្រសិទ្ធ​ភាព​តែមួយ​រយៈ​ពេល​ខ្លី​ប៉ុណ្ណោះ ប៉ុន្តែ​លោក​បាន​បន្ថែមថា អំពើ​ពុក​រលួយ​ដ៏រាល​ដាល​ធ្វើ​ឲ្យ​មាន​ការ​លំបាក​ក្នុង​ការ​ស្វែង​រក​អ្នក​ប្រព្រឹត្ត​ខុស​ច្បាប់​ពិត​​ប្រាកដ​។

លោក​បាន​មាន​​ប្រសាសន៍​ថា ” បទ​បញ្ជា​នេះ​នឹង​មិនមាន​ប្រសិទ្ធភាព​ទេ ពីព្រោះ​រដ្ឋាភិបាល​មិន​អនុវត្ត​ច្បាប់​ព្រៃ​ឈើ​ឲ្យ​មាន​ប្រសិទ្ធភាព​ទេ។ រដ្ឋាភិបាល​យក​ផល​ប្រយោជន៍​បក្ខពួក​ធំ​ជាង​ផល​ប្រយោជន៍​សង្គម​ ដូច្នេះ ពួកគេ​នឹង​មិន​ចាប់​ខ្លួន​មន្ត្រីណាម្នាក់​ឡើយ​។ ប្រសិន​បើ​ពួកគេ​ធ្វើ​ការ​ចាប់​ខ្លួន​ ពួកគេ​នឹង​បាត់​បង់​ការ​ងារ​”។

អង្គការ​សិទ្ធិមនុស្ស​លើក​ឡើង​ថា ការ​កាប់​ឈើ​ខុស​ច្បាប់​ភាគច្រើន​មិន​មាន​ការ​ត្រួត​ពិនិត្យ​ទេ ហើយជា​រឿយៗ​ធ្វើ​ឡើង​ដោយ​មាន​ការ​យល់​ព្រម ឬជួយ​ជ្រោមជ្រែង​ពី​មន្ត្រី​មូល​ដ្ឋាន​ នគរ​បាល និងទាហាន​៕ គឹមហឿន​​​​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ក្រសួង​មហា​ផ្ទៃ​ចេញ​បទ​បញ្ជា​ឲ្យ​អាជ្ញាធរ​ខេត្ត​និង​ក្រុង​ធ្វើ​របាយ​ការណ៍​អំពី​ការ​កាប់​ឈើ​ និង​ការ​នេសាទ​ខុស​ច្បាប់​ appeared first on ខេមបូឌា ដេលី.

កាលពីថ្ងៃ​សៅរ៍ លោក កឹម សុខា អនុប្រធានគណបក្ស​សង្គ្រោះជាតិ​បាន​ប្រើ​ពិធី​រំឭក​ខួប​លើកទី​១៧ នៃ​ការ​វាយ​ប្រយុទ្ធគ្នា​កាលពី​ខែកក្កដា ឆ្នាំ​១៩៩៧ ក្នុង​រាជធានីភ្នំពេញ ដើម្បី​ធ្វើ​ការ​សន្យា​ថា​នឹង​បង្កើត​សារមន្ទីរ​មួយ​កត់​ត្រា​អំពើ​ ” ឧក្រិដ្ឋ” ដែល​ប្រព្រឹត្ត​ដោយ​ក្រុម​មេដឹក​​នាំ​នៃ​ប្រទេស​កម្ពុជា ចាប់​ពី​ឆ្នាំ​១៩៩៣​មក។

ថ្លែង​ទៅកាន់​អ្នក​គាំទ្រ​ប្រហែល​១០០​នាក់​នៅ​ពិធី​រំឭក​ការ​ប្រយុទ្ធគ្នា ដែល​នាំ​ឲ្យ​មាន​ការ​បណ្ដេញ​សម្តេច​ក្រុមព្រះ​ នរោត្តម រណឫទ្ធិ ដែល​កាល​នោះ​ជា​នាយក​រដ្ឋមន្ត្រី​ទី១ ដោយ​លោក​ ហ៊ុន សែន នាយក​រដ្ឋមន្ត្រីទី២ លោក កឹម សុខា បាន​និយាយ​ថា សារមន្ទីរ​នេះ​នឹង​ត្រូវ​បង្កើត​ឡើង​នៅ​លើ​ទឹកដី​បរទេស​ ដើម្បី​ហេតុផល​នយោបាយ​។

លោក​បាន​និយាយ​នៅទី​ស្នាក់​ការ​គណបក្ស​សង្គ្រោះជាតិ​ក្នុងក្រុង​ភ្នំពេញ​ថា ដើម្បី​កុំឲ្យ​ភ្លេច​អំពើ​ឧក្រិដ្ឋ​ទាំង​នោះ ខ្ញុំ​សូម​និយាយ​ឲ្យ​ច្បាស់​ថា យើង​នឹង​សាង​សង់​មជ្ឈមណ្ឌល​​មួយ​សម្រាប់​​កត់​ត្រា​ព្រឹត្តិការណ៍​ឧក្រិដ្ឋកម្ម​ទាំង​ឡាយ​នៅ​ប្រទេស​កម្ពុជា​ ចាប់​តាំង​ពី​ឆ្នាំ​១៩៩៣​មក”។

លោក​បាន​បន្ថែម​ថា “យើង​នឹង​ប្រមូល​ឯកសារ​ទាំង​អស់​ យើង​នឹង​មិន​រក្សា​ទុក​វា​នៅ​ប្រទេស​កម្ពុជា​ទេ គឺ​ទុក​នៅ​ប្រទេស​ក្រៅ​។ ខ្ញុំ​បាន​ទាក់​ទង​បង​ប្អូន​ខ្មែរ​ និង​មិត្ត​ភក្ដិ​បរទេស​របស់​យើង​រួច​ហើយ ដើម្បី​បង្កើត​មជ្ឈមណ្ឌល​នេះ​ឡើង​”។

ការ​ប្រយុទ្ធ​គ្នា​នៅ​ឆ្នាំ​១៩៩៧ កាល​ពី​ថ្ងៃទី៥និង​ទី៦ខែ​កក្កដា បាន​បណ្ដាល​ឲ្យ​មាន​មនុស្ស​ស្លាប់​ ការ​ធ្វើ​ទារុណ​កម្ម ឬ​ការ​ចាប់​ខ្លួន​មនុស្ស​ច្រើន​ជាង​២០០​នាក់​ ដែល​ស្មោះ​ត្រង់​នឹង​សម្តេច​ក្រុម​ព្រះ​ នរោត្តម រណឫទ្ធិ ដោយ​ក្រុម​មនុស្ស​​ស្មោះ​ត្រង់​នឹង​លោក ហ៊ុន សែន។ ដំបូង​ ព្រះ​អង្គ​ម្ចាស់​បាន​ស្វែង​រក​ការ​ជ្រក​កោន​នៅ​ប្រទេស​បារាំង មុន​ពេល​យាង​ត្រឡប់​មក​វិញ​ ហើយ​បង្កើត​រដ្ឋាភិបាល​ចម្រុះ​ថ្មីមួយ​ជាមួយ​គណបក្ស​ប្រជាជន​កម្ពុជា​របស់​លោក ហ៊ុន សែន នៅ​ខែវិច្ឆិកា ឆ្នាំ​១៩៩៨។

ដោយ​ត្រូវ​គេ​ផាត់​ចោល​ជា​ថ្មី បន្ទាប់ពី​ការ​បណ្ដេញ​ព្រះ​អង្គ​នៅ​ឆ្នាំ​២០០៦​ពី​តំណែង​ប្រធាន​គណបក្ស​ហ្វុ៊នស៊ិនប៉ិច ព្រះអង្គ​បាន​បង្កើត​គណបក្ស​សង្គម​រាស្រ្ត​រាជាធិបតេយ្យថ្មី​ កាលពី​ខែ​មីនា ក្នុង​ឆ្នាំនេះ ហើយ​តាំងពីពេល​នោះ​មក​បាន​ប្រើ​គណបក្ស​នេះ​ដើម្បី​វាយ​ប្រហារ​រិះ​គន់​គណបក្ស​សង្គ្រោះជាតិថា ជា​ការ​គំរាម​កំហែង​​ដល់​រាជានិយម។

​​​​ លោក​ កឹម សុខា ដែល​ជា​សមាជិក​សភា​គណបក្ស​សឺន​សាន អំឡុង​ការ​វាយ​ប្រយុទ្ធ​គ្នា​ក្នុង​ឆ្នាំ​១៩៩៧ និង​បាន​ដឹក​នាំ​ការ​រំលាយ​គណបក្ស​នេះ​ចូល​គណបក្ស​ហ្វុ៊ន​ស៊ិនប៉ិច​របស់សម្តេច​ក្រុម​ព្រះ នៅឆ្នាំ​១៩៩៨​នោះ បាន​វាយ​បក​វិញ​ចំពោះការ​រិះគន់​របស់​ព្រះ​អង្គម្ចាស់​ រណឫទ្ធិ​ កាលពី​ថ្ងៃសៅរ៍។

លោក​បាន​សួរ​បែប​វោហារសាស្ត្រ​ថា ” និយាយ​ឲ្យ​ចំចុះ​ សម្តេច​ក្រុម​ព្រះ នរោត្តម រណឫទ្ធិ បាន​ដឹក​នាំ​ទ័ព​ប្រឆាំង​គណបក្ស​ប្រជា​ជន​កម្ពុជា មែន​ឬមិន​មែន? ប្រសិន​បើ​មេ​ដឹក​នាំ​ម្នាក់​ដឹកនាំ​កូន​ចៅ​របស់​ខ្លួន​ ហើយ​គេ​សម្លាប់​កូនចៅ​របស់​ខ្លួន ហើយ​បន្ទាប់​​មក​ចង់​បង្កើត​គណបក្ស​គាំទ្រ​ពួក​អ្នក​សម្លាប់​កូន​ចៅ​របស​់​ខ្លួន​ទៀត តើ​មេ​ហ្នឹង​អន់​ដល់​ប៉ុណ្ណា​?” បន្ទាប់​មក​ទៀត លោក កឹម សុខា បាន​ចោទ​មន្ត្រី​ ហ្វុ៊នស៊ិនប៉ិច​មួយ​ចំនួន​ដោយ​មិន​ចំ​ឈ្មោះ ថា បាន​បំភ្លេច​ចោល​នូវ​ការ​សម្លាប់​កាលពី​ខែ​កក្កដា ឆ្នាំ​១៩៩៧។

អនុ​ប្រធាន​គណបក្ស​សង្គ្រោះ​ជាតិ​រូប​នេះ​បាន​និយាយ​ថា ” យើង​ធ្វើ​ពិធី​នៅ​ថ្ងៃ​នេះ ដើម្បី​បង្ហាញ​ដល់​ជន​ផ្ដាច់​ការ​ទាំង​អស់​ថា អំពើ​ឧក្រិដ្ឋ​ដែល​ពួកគេ​បាន​ប្រព្រឹត្ត​ មិន​ទាន់​​ត្រូវ​បាន​គេ​កប់​ចោល​ឡើយ​។ គណបក្ស​សង្គ្រោះ​ជាតិ​នឹង​នៅតែ​ជីក​កកាយ​វាឡើង​ ហើយ​គណបក្ស​ហ្វុ៊នស៊ិនប៉ិច មិន​អាច​កប់​អំពើ​ឧក្រិដ្ឋ​ទាំង​នេះ​បាន​ឡើយ​ ទោះ​ជា​ពួកគេ​ប្រឹង​ប្រែង​យ៉ាង​ណា​ក៏ដោយ​”។

លោក ឈាង វុន សមាជិក​សភា​ជាន់​ខ្ពស់​ម្នាក់​របស់​គណបក្ស​ប្រជា​ជន បាន​និយាយ​តាម​ទូរស័ព្ទ​ថា គណបក្ស​កាន់​អំណាច​មិន​បារម្ភ​នឹង​ផែន​ការ​បង្កើត​សារមន្ទីរ​របស់​លោក កឹម សុខា ទេ។ លោក​ ឈាង វុន បាន​បន្ថែម​ថា ” គណបក្ស​ប្រជាជន​មិន​បារម្ភ​នឹង​មជ្ឈមណ្ឌល​នេះ​ទេ។ រឿង​នេះ​ធ្វើ​ឲ្យ​ពួកគេ​បារម្ភ​វិញ​ទេ”៕ មានិត​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post លោក កឹម សុខា សន្យា​ថា​នឹងបង្កើត​សារមន្ទីរ​កត់​ត្រា​​អំពើ​ឧក្រិដ្ឋកម្ម​របស់​គណបក្ស​កាន់​អំណាច​ appeared first on ខេមបូឌា ដេលី.

អ្នកភូមិ និង​នគរ​បាល​បាន​និយាយ​កាលពី​ម្សិលមិញ​ថា ជម្លោះដីធ្លី​ដែល​កើត​ឡើង​យូរ​មក​ហើយ​​រវាង​អ្នក​ភូមិ​មួយ​ក្រុម​ និង​ភរិយា​របស់​រ​ដ្ឋមន្ត្រីមួយ​រូប​ បាន​ក្លាយ​ទៅ​ជា​ហិង្សា​នៅ​ចុង​សប្ដាហ៍​នេះ​ ខណៈ​ដែល​មនុស្ស​១០​នាក់​បាន​រង​របួស​ពេល​ព្យាយាម​រារាំង​ក្រុម​ហ៊ុន​KDC មិន​ឲ្យ​សង់​ឃ្លាំង​មួយ​លើ​ដី​មាន​ជម្លោះ​ក្នុង​ខេត្ត​កំពង់ឆ្នាំង។

អ្នកភូមិ​ឃុំតាជេស ស្រុក​កំពង់​ត្រឡាច បាន​និង​កំពុង​តតាំង​នឹង​ក្រុម​ហ៊ុន​KDC ដែល​គ្រប់​គ្រង​ដោយ​លោកស្រី ជា ខេង ភរិយា​របស់​លោក ស៊ុយ សែម រដ្ឋមន្ត្រីក្រសួង​រ៉ែ និង​ថាមពល​ ចាប់​តាំង​ពី​ឆ្នាំ​២០០៧​មក រឿង​ដី​ជាច្រើន​រយ​ហិកតា​កាន់​កាប់​ដោយ​លោកស្រី ជា ខេង។

យោងតាម​លោក រាជ សីមា តំណាង​អ្នកភូមិ​បាន​ឲ្យ​ដឹង​ថា អំពើ​ហិង្សា​នៅ​ចុង​សប្ដាហ៍​នេះ​បាន​ចាប់​ផ្ដើម​ឡើង​នៅព្រឹក​ថ្ងៃសៅរ៍ ពេល​ដែល​អ្នកភូមិ​ប្រហែល​៨០​នាក់​ប្រឈម​នឹង​កម្មករ​ក្រុម​ហ៊ុន​KDC២០០​នាក់​ ដែល​សង​់​ឃ្លាំង​ឈើ​មួយ​ សម្រាប់​​ក្រុម​ហ៊ុន​នេះ​រក្សា​ទុក​ឧបករណ៍​សំណង់។

លោក សីមា បាន​អះអាង​ថា ​បន្ទាប់ពី​អ្នកភូមិ​បាន​ចាប់​ផ្ដើម​តវ៉ា​ កម្មករ​ជា​ច្រើន​នាក់​បាន​វាយ​ប្រហារ​អ្នក​ភូមិ​ដោយ​បាញ់​ចំពាម​ប្រើ​គ្រាប់ដែក​ និង​ធ្នូព្រួញឈើ​​។ លោក​បាន​បន្ថែម​ថា ” កម្មករ​បាន​ចាប់​ផ្ដើម​វាយ​ប្រហារ​អ្នក​តវ៉ា​មុន​ ដោយ​ប្រើ​​ចំពាម និង​ធ្នូ បន្ទាប់​មក​អ្នកភូមិ​បាន​តបត​វិញ”។

លោក​បាន​និយាយ​ថា ការ​​ប្រយុទ្ធ​គ្នា​នេះ​បាន​កើត​ឡើង​​ប្រហែល​កន្លះម៉ោង​ បាន​ស្ងប់​ទៅវិញ​នៅ​ពេល​ថ្ងៃ​ត្រង់​ ពេល​ដែល​កម្មករ​សម្រាក​បាយ​ថ្ងៃ​ត្រង់​ ហើយ​បាន​ផ្ទុះ​ឡើង​ជា​ថ្មី​នៅពេល​រសៀល​។

ពៅ នឿន អាយុ​៥៦​ឆ្នាំ​ បាន​រង​របួស​ក្បាល​ពេល​កើត​មាន​អំពើ​ហិង្សា​នោះ ហើយ​អ្នក​ភូមិ​​ប្រាំ​បួន​នាក់​ផ្សេង​ទៀត​ក៏បាន​របួស​ស្រាល​ដែរ​។ អ្នកស្រី​បាន​និយាយ​ថា ” ខ្ញុំរបួស​ក្បាល​ខាង​ស្ដាំ​ ដោយសារ​ចំពាម​ពេលមាន​អំពើ​ហិង្សា ហើយ​បាន​ទៅ​គ្លីនិក​ឯក​ជន​ដេរ​ពីរ​ថ្នេរ​”។ នាយប៉ុស្តិ៍​នគរ​បាល​ឃុំ​ លោក ជួប ចាន់ធឿន បាន​ជំទាស់​នឹង​ការ​រៀបរាប់​របស់​ក្រុម​អ្នកភូមិ​ ហើយ​បាន​ដាក់​ការ​បន្ទោស​លើ​អ្នក​តវ៉ា​ ដែល​លោក​បាននិយាយ​ថា បាន​បង្ក​​ឲ្យ​មាន​អំពើ​ហិង្សា​នេះ​កើត​ឡើង​។ លោក​បាន​និយាយ​ថា ” អំពើ​ហិង្សា​នេះ​បាន​កើត​ឡើង​ ពីព្រោះ​អ្នក​ភូមិ​មក​រារាំង​កម្មករ​មិន​ឲ្យ​សង់​ផ្ទះ​ឈើ​មួយ​លើ​ដី​របស់ក្រុ​ម​ហ៊ុន​។ លោក​បាន​បន្ថែម​ថា ” អ្នក​ភូមិ​បាន​វាយ​កម្មករ​មុន ដោយ​ប្រើ​ចំពាម​ និង​ធ្នូ ហើយ​បាន​ដុត​ផ្ទះ​របស់​ក្រុមហ៊ុន​​ កម្មករ​បាន​ប្រើ​ចំពាម​តប​វិញ។ កម្មករ​មិន​បាន​​ប្រើ​ធ្នូ​ដូច​ដែល​អ្នក​ភូមិ​បាន​ចោទ​ឡើយ​”។

លោក ចាន់ធឿន បាន​និយាយ​ថា នៅម៉ោង​៣​រសៀល​អ្នកភូមិ​បាន​ដុត​សំណង់ឈើ​​ដែល​កម្មករ​បាន​សង់​លើដី​មាន​ជម្លោះ​នោះ។ លោក​បាន​និយាយ​ថា អាជ្ញាធរ​ធ្វើ​របាយការណ៍​ចោទ​អ្នក​ភូមិ​ទាំង​នោះ​ពីបទ​បំផ្លាញ​ទ្រព្យ​សម្បត្តិ​ និង​បង្ក​អំពើ​ហិង្សា​។ លោក ថាយ យី នាយក​គ្រប់​គ្រង​KDC បាន​បដិសេធ​មិន​ធ្វើអត្ថាធិប្បាយ​អំពី​ហេតុ​ការណ៍​នេះទេ​៕ មានិត​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post អំពើ​ហិង្សា​ផ្ទុះឡើង​ក្នុង​ជម្លោះ​ដីធ្លី​ជាមួយ​ភរិយា​រដ្ឋមន្ត្រី​​ក្រសួង​រ៉ែ​ និង​ថាមពល appeared first on ខេមបូឌា ដេលី.

កាលពី​ម្សិលមិញ អ្នកភូមិ​ជាង​៣០០​នាក់​ដែល​រស់​នៅ​ជុំវិញ​បឹង​សំរោង ក្នុង​ខណ្ឌ​ព្រែក​ព្នៅ ក្រុង​ភ្នំពេញ​ បាន​តវ៉ា​បីថ្ងៃ​ជាប់ៗ​គ្នាប្រឆាំង​ក្រុម​ហ៊ុន​ឯកជន​មួយ​ ដែលពួកគេ​និយាយ​ថា បាន​និង​កំពុង​បូម​ខ្សាច់​លុប​បឹង​ ដែល​ជា​ការ​គំរាម​កំហែង​ដល់​របរ​រក​ស៊ី​របស់​កសិករ​ និង​ប្រជា​នេសាទ​មូលដ្ឋាន​។

ការ​តវ៉ា​នេះ​បាន​ចាប់​ផ្ដើម​នៅ​ព្រឹក​ថ្ងៃ​សុក្រ ខណៈ​ដែល​អ្នក​ភូមិ​មក​ពី​សង្កាត់​សំរោង និង​សង្កាត់​ព្រែកព្នៅ បាន​អំពាវ​នាវ​ដល់​អាជ្ញាធរ​មូល​ដ្ឋាន​ឲ្យ​បញ្ឈប់​ក្រុម​ហ៊ុន​ ឡាយ​ ងី ខូ អិលធីឌី (Lay Ngy Co. Ltd.) កុំឲ្យ​បូម​ខ្សាច់​ដែល​ក្រុម​ហ៊ុន​បាននិង​កំពុង​បូម​ពី​ទន្លេ​សាប​ចូល​បឹង​ទំហំ​៣៣៦ហិកតា​ ដែល​ត្រូវ​បាន​គេ​ទុក​ជា​តំបន់​អភិរក្ស​កាល​ពី​ឆ្នាំ​២០០៨​។

ហា៊ង វុត្ថា ជា​អ្នកតវ៉ា​ម្នាក់​បាននិយាយ​ថា ” យើង​ជា​សហគមន៍​ធ្វើ​ស្រែ​ ហើយ​យើង​ព្រួយ​បារម្ភ​ណាស់​អំពីការ​បាត់​បង់​បឹង​សំរោង ពីព្រោះ​ក្រុម​ហ៊ុន​ ឡាយ ងី បាន​ព្យាយាម​បូម​ខ្សាច់​ពី​ទន្លេសាប​លុប​បឹង​នេះ”។

កាលពីខែ​កក្កដា ឆ្នាំ​មុន ប្រជា​ជន​ច្រើន​ជាង​១.៦០០​គ្រួសារ​បាន​ដាក់​ញត្តិ​ទៅ​សាលា​សង្កាត់​​បន្ទាប់ពី​ពួកគេ​កត់​សម្គាល់​ឃើញ​ថា មាន​គេ​បូម​ខ្សាច់​​ចូល​បឹង​នេះ​ ប៉ុន្តែ​លោក វុត្ថា បាន​និយាយ​ថា ញត្តិ​នោះ​មិន​ដែល​ត្រូវ​បាន​គេ​អើពើ​ទេ​។

ជា រិន ជាអ្នកភូមិ​អាយុ​៦០​ឆ្នាំ​ ដែល​បាន​ចូលរួមការ​តវ៉ា​កាលពី​ម្សិលមិញ បាន​និយាយ​ថា ប្រជា​ជន​ជាច្រើន​រយ​គ្រួសារ​ប្រឈមមុខ​នឹង​ការ​បាត់​បង់​ការ​ងារ​ និង​មុខ​របរ​រក​ស៊ី​របស់ខ្លួន​ ប្រសិន​បើ​គេ​អនុញ្ញាត​ឲ្យ​ក្រុម​ហ៊ុន​នេះ​បន្ត​សកម្មភាព​ទៀត​នោះ។

លោក​ រិន បាននិយាយ​ថា ” យើង​ធ្វើការ​តវ៉ា​ ពីព្រោះ​យើង​ពឹង​ផ្អែក​លើ​ទឹក​បាន​ពី​បឹង​នេះ ដើម្បី​ស្រោច​ស្រព​ស្រូវ​ពេល​រដូវ​ប្រាំង​។ ប្រសិន​បើ​បឹង​នេះត្រូវ​គេលុប​ វាល​ស្រែ​និង​ការ​នេសាទ​ក្នុង​តំបន់នេះ​នឹង​លែង​មាន​ទៀត​ហើយ​​”។

ចៅសង្កាត់​សំរោង លោក យ៉េន អុីម បាន​និយាយ​ថា លោក​បាន​រាយការណ៍អំពី​កង្វល់​របស់​អ្នកភូមិ​ទៅ​សាលា​រាជធានី​ បន្ទាប់ពី​មាន​ការ​តវ៉ា​ដំបូង​កាលពីថ្ងៃសុក្រ។ លោក​បាន​បន្ថែម​ថា ” យើង​ត្រូវ​រកឲ្យ​​ឃើញ​ការ​ពិត​ថា តើ​បឹងនេះ​ជា​តំបន់​អភិរក្ស​ ឬមិន​មែន​ ហើយយើង​បាន​បញ្ជូន​របាយការណ៍​មួយ​ទៅ​អាជ្ញាធរ​ថ្នាក់លើ​ហើយ​”។ លោក​បាន​បន្ថែម​ថា វាល​ស្រែ​ទំហំ​៤៥៤​ហិកតា​ និង​តំបន់​នេសាទ​ នឹង​លែង​មាន​ហើយ​​ បើ​បន្ត​លុប​បឹង​នេះ។

លោក​បាន​ឲ្យ​ដឹង​ទៀត​ថា ” យើង​គ្មាន​លទ្ធភាព​ឃាត់​ក្រុម​ហ៊ុន​នេះ​មិន​ឲ្យ​បូម​​ខ្សាច់​ចាក់​លុប​បឹង​ទេ ពីព្រោះ​សាលា​រាជធានី​ជាអ្នកទទួល​ខុស​ត្រូវចំពោះ​ការ​​អនុញ្ញាត​ឲ្យ​បូម​ខ្សាច់​​”។

លោក ឡុង ឌីម៉ង់ អ្នកនាំាពាក្យ​សាលា​រាជ​ធានី​បាន​មាន​ប្រសាសន៍​ថា លោក​មិន​មាន​ព័ត៌មាន​ថា តើ​សាលា​រាជ​ធានី​បាន​អនុញ្ញាត​ឲ្យ​ក្រុម​ហ៊ុន​នេះ​លុប​បឹង​ពិត​មែន​ឬយ៉ាង​ណា​ទេ ប៉ុន្តែ​លោក​បាន​បញ្ជាក់​ថា បឹង​នោះ​មួយ​ផ្នែក​ជា​តំបន់​អភិរក្ស​។ លោក ឌីម៉ង់ បាន​មាន​ប្រសាសន៍​ទៀត​ថា ” យើង​នឹង​ពិនិត្យ​មើល​បញ្ហា​នេះ​”។ តំណាង​ក្រុម​ហ៊ុន​ ឡាយ ងី មិន​អាច​ទាក់​ទង​សុំ​ការ​ពន្យល់​បាន​ឡើយ​៕ មានិត​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post អ្នកភូមិ​បន្ត​ការ​តវ៉ា​ តែ​ក្រុម​ហ៊ុន​នៅ​បន្ត​លុប​បឹងដដែល​ appeared first on ខេមបូឌា ដេលី.

យោងតាម​គេហទំព័រ​របស់​អគ្គ​ស្នង​ការ​នគរ​បាល​ជាតិ​បាន​ឲ្យ​ដឹង​ថា ការិយាល័យ​សហ​ព័ន្ធ​ស៊ើប​អង្កេត​ (FBI) របស់​សហរដ្ឋអាមេរិក បាន​យល់​ព្រម​តាម​សំណើ​របស់​កម្ពុជា ដែល​សុំ​ជំនួយ​បន្ថែម​ ខណៈ​​​ពេល​ខ្លួន​ព្យាយាម​ ” បង្ក្រាប​” អ្នក​ប្រឆាំង​​​រដ្ឋាភិបាល​​​​ដែល​រស់​នៅ​ក្នុង​សហរដ្ឋ​អាមេរិក។

គណៈប្រតិភូ​មួយ​ក្រុម​ដឹក​នាំ​ដោយ​លោក នេត សាវឿន អគ្គស្នង​ការ​នគរ​បាល​​ជាតិ​​ បាន​ធ្វើ​​​មាតុភូមិ​​​និវត្ត​​​កាលពី​ថ្ងៃសៅរ៍ ពី​ដំណើរ​ទស្សនកិច្ច​រយៈពេល​បីថ្ងៃ​ទៅកាន់​ទីស្នាក់​ការ​កណ្ដាល​របស់​ FBI នៅ​វា៉ស៊ីនតោន ហើយនៅទីនោះ​គណៈប្រតិភូ​នេះ​បាន​ជួប​ជាមួយ​លោក​ ជេម ខូមី (James Comey) ប្រធាន​របស់ ​FBI និង​​​បាន​ដើរ​មើល​ការិយាល័យ​ដ៏​ទំនើប​របស់​ទីភ្នាក់​ងារ​នេះ​។

របាយការណ៍​ដែល​ត្រូវ​បាន​បង្ហោះ​កាលពី​ម្សិលមិញ​នេះ មាន​ខ្លឹម​សារ​ដូច្នេះថា “នៅ​ក្នុង​ជំនួប​នេះ [នាយឧត្តម​សេនីយ៍ នេត សាវឿន]​ បាន​ស្នើ​សុំ​ឲ្យ​ FIB សហការ​នៅ​ក្នុង​ករណី​ជន​សង្ស័យ​អាណិកជន​ខ្មែរ​រស់​នៅ​អាមេរិក ដែល​បាន​បង្កើត​ចលនា​ប្រឆាំង​រដ្ឋាភិបាល ហើយ​បានមាន​ប្រសាសន៍​ថា កម្ពុជា​នឹង​ផ្ដល​់​រាល់​ឯកសារ​ពាក់​ព័ន្ធ​​​​ទាំង​​​អស់​​​ដើម្បី​ជួយ​ដល់​ការ​បង្ក្រាប​​​នេះ​​​។ សំណើ​នេះ​ត្រូវ​បាន​បញ្ជាការ​ជាន់​ខ្ពស់​របស់​ FBI ទទួល​យក”។

ដំណើរទស្សនកិច្ច​របស់​អគ្គស្នង​ការ​នគរ​បាល​ជាតិ​​ទៅ​កាន់​សហរដ្ឋអាមេរិក​នេះ ធ្វើ​​ឡើង​​​​​​​​​​​មិន​ដល់​មួយ​សប្ដាហ៍​​ផង​ទេ មុន​សវនាការ​ជំនុំជម្រះ​​លោក សួន សេរីរដ្ឋា មេដឹកនាំ​ចលនា​អំណាច​ពល​រដ្ឋខ្មែរ​ ដែល​និរទេស​ខ្លួន​ឯង និង​ដែល​ពេល​នេះកំពុង​រស់​នៅ​ក្នុង​សហ​រដ្ឋអាមេរិក ចាប់​ផ្ដើម​នៅ​ថ្ងៃ​ទី​៩ ខែកក្កដា នៅ​សាលា​ដំបូង​រាជ​ធានី​ភ្នំពេញ។

ការ​ចោទ​ប្រកាន់​ពីបទ​ញុះញង់​លើ​​​លោក សួន សេរីរដ្ឋា កាលពី​ខែ​សីហា នៅពេល​លោក​​ណែនាំ​​​ឲ្យ​​​មនុស្ស​​​បួន​នាក់​ចែក​​​ចាយ​​​​ខិត្តប័ណ្ណ​រាប់​​​រយ​​​​​​សន្លឹក​​​ដោយ​​​ខុស​​​ច្បាប់​​​​ ដោយ​​​ជំរុញ​ឲ្យប្រជាពល​រដ្ឋខ្មែរ​ផ្ដួល​រំលំ​រដ្ឋាភិបាល​។ លោក​ប្រឈម​នឹង​ការ​ចោទ​ប្រកាន់​មួយ​ទៀត​ពីបទ​ក្បត់​ជាតិ​នៅ​ក្នុង​ខេត្ត​បន្ទាយ​មាន​ជ័យ ដោយសារ​ការ​បោះ​ពុម្ព​អាវ​យឺត ដែលមានពាក្យ​ស្លោក​ជំរុញ​ឲ្យអ្នកបោះ​ឆ្នោត​កុំចូលរួម​ការ​បោះឆ្នោត​ជាតិ​កាលពី​ឆ្នាំមុន​។

យោងតាម​សេចក្ដី​ប្រកាស​ព័ត៌មាន​មួយ​បាន​ឲ្យ​ដឹង​ថា កាលពី​ម្សិលមិញ លោក សួន សេរីរដ្ឋា ដែល​ចលនា​របស់​លោក​ធ្វើ​ប្រតិបត្តិ​ការ​ចេញ​ពី​ទីក្រុង​ដាឡាស រដ្ឋតិច​សាស បាន​ដឹកនាំគណៈ​ប្រតិភូ​របស់​ខ្លួន​ទៅ​​កាន់​រដ្ឋធានី​វ៉ាស៊ីតោន​ឌីស៊ី សម្រាប់ជំនួប​ជា​បន្ត​បន្ទាប់​ជាមួយ​មន្ត្រី​សហរដ្ឋអាមេរិក រួម​ទាំង​សមាជិក​សភា សមាជិក​ព្រឹទ្ធ​សភា និង​ទី​ប្រឹក្សា​រដ្ឋាភិបាល​ផង​ដែរ ដោយ​ផ្តោត​លើ “​សេរីភាព​ សិទ្ធិ និង​សេរីភាព​នយោបាយ​របស់​កម្ពុជា​”។

ចលនា​អំណាច​ពល​រដ្ឋខ្មែរ​ តែង​តែ​អះអាង​ថា ចលនា​នេះ​គឺ​សន្តិភាព​ ហើយ​កាលពី​ខែ​មេសា បាន​ប្រកាស​ពី​បំណង​របស់​ខ្លួន​ដែល​​​ចង់ចុះ​ឈ្មោះ​ជា​គណបក្ស​នយោបាយ​ ប៉ុន្តែ​ត្រូវ​​​ក្រសួង​មហាផ្ទៃ​ច្រាន​ចោល​ភ្លាមៗ។

ចលនា​នេះ​ក៏បាន​និង​កំពុង​បញ្ចុះ​បញ្ចូល​គេឯង​ផង​ដែរ​នៅ​ក្នុង​សំណុំរឿង​របស់​ខ្លួ​ន​ក្នុង​សហរដ្ឋអាមេរិក​កាលពី​សប្ដាហ៍មុន ដោយ​បាន​ផ្ញើ​លិខិត​មួយ​ច្បាប់​ទៅ​តុលាការ​កំពូល​របស់​សហរដ្ឋអាមេរិក ចោទ​ប្រកាន់​គណបក្ស​ប្រជាជន​​កម្ពុជា​ថា កំពុង​តែ​ផ្សព្វផ្សាយ​លទ្ធិ​កុម្មុយនីស្ត​​​​សន្សឹម​​​ៗ​​​នៅ​ក្នុង​​​សហ​​​រដ្ឋ​​​អាមេរិក​។

លិខិត​ចុះថ្ងៃ​ទី១ ខែកក្កដា របស់​ចលនា​អំណាច​ពល​រដ្ឋខ្មែរ​នេះ​​មាន​ខ្លឹម​សារ​ដូច្នេះ​ថា “ខ្ញុំ​សូម​ស្នើ​ឲ្យ​តុលាការ​កំពូល​របស់​សហរដ្ឋអាមេរិក​ មេត្តា​​​ចាត់​វិធានការ​ស៊ើប​អង្កេតលើ​ទង្វើ​របស់​គណបក្ស​ប្រជាជន​កម្ពុជា ដែល​ពេល​នេះ​កំពុង​បង្កើន​ការ​ខំប្រឹង​ប្រែង​ និង​ឥទ្ធិពល​របស់​ខ្លួន​ឲ្យ​​​មាន​​​​កុម្មុយនីស្ត​នៅ​ក្នុង​សហរដ្ឋអាមេរិក​”៕ សុខុម​​​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post នគរបាល​និយាយ​ថា FBI នឹង​ជួយ​បង្ក្រាប​អ្នកប្រឆាំងរដ្ឋាភិបាល​​ដែល​រស់​នៅ​អាមេរិក​ appeared first on ខេមបូឌា ដេលី.

ស្រុក​កំពង់ត្រឡាច, ខេត្តកំពង់ឆ្នាំង-​កង​រាជ​អាវុធ​ហត្ថ​ និង​នគរ​បាល​ខេត្ត​ប្រហែល​១០០​នាក់​បាន​ចុះ​ទៅភូមិ​ឡពាង កាលពី​ព្រឹក​ម្សិលមិញ ដើម្បី​អនុវត្ត​ដីកា​តុលាការ​​បង្គាប់​ឲ្យ​ចាប់​ខ្លួន​អ្នកភូមិ​បីនាក់​ ដែល​ប្រឆាំង​នឹង​គម្រោង​អភិវឌ្ឍ​កសិកម្ម​។

ប្រជាជន​មូល​ដ្ឋាន​ជាង​៧០​នាក់​ដែល​បាន​ជាប់​ពាក់​ព័ន្ធ​នៅ​ក្នុង​ជម្លោះ​ដីធ្លី​ជាយូរ​មក​ហើយ​ជាមួយក្រុម​ហ៊ុន​របស់​លោក​ស្រី ជា ខេង ភរិយា​របស់លោក ស៊ុយ សែម រដ្ឋមន្ត្រី​ក្រសួង​រ៉ែ និង​ថាមពល បាន​ប៉ះទង្គិច​គ្នា​មួយ​ប្រាវ​ជាមួយ​កង​កម្លាំង​នៅ​ម៉ោង​ប្រហែល​១០​និង​៣០​នាទី​ព្រឹក ដោយនគរ​បាល​អះអាង​ថា បាន​រង​របួស​ស្រាល​បន្ទាប់ពី​ការ​ដក​ថយ​។

ក្រោយ​មក​នៅ​ពេល​រសៀល​ថ្ងៃ​ដដែល​នេះ អ្នក​ភូមិ​បាន​ប៉ះទង្គិច​គ្នា​ជាមួយ​កម្មករ​របស់​ក្រុម​ហ៊ុន KDC នៅពេល​ដែល​​គ្រឿង​ចក្រ​ចូល​ទៅ​ឈូស​ឆាយ​ដី​សម្រាប់​ធ្វើ​របង​បិទ​ដី​មាន​ជម្លោះ​នេះ។

ម្សិលមិញ​នេះ​គឺ​ជា​ថ្ងៃ​ផ្ទុះអំពើ​ហិង្សា​លើកទី២​នៅ​ភូមិ​ឡពាង បន្ទាប់ពី​មាន​ការ​ប៉ះទង្គិច​គ្នា​ម្តង​ស្រដៀង​គ្នា​នេះ​កាលពី​ថ្ងៃសៅរ៍ បន្ទាប់ពី​ក្រុម​ហ៊ុន​ KDC បាន​លះបង់​ការ​ប្រឹង​ប្រែង​ទាំង​អស់​ដើម្បី​រកដំណោះ​ស្រាយ​ដោយ​សន្តិវិធី​ជាមួយ​ប្រជា​ពល​រដ្ឋ​ដែល​ប្រឈម​ការ​បណ្ដេញ​ចេញ ហើយ​បាន​បញ្ជូន​កម្មករ​កាន់​កាំបិត​ផ្គាក់​គាំទ្រ​ដោយ​នគរ​បាល​មូល​ដ្ឋាន​ឲ្យទៅ​រាន​ដី​៥០០​ហិកតា ដែល​ក្រុម​ហ៊ុន​នេះ​អះអាង​កាន់​កាប់​។

ចាប់​តាំង​ពី​ឆ្នាំ​២០០៧​ពេលដែល​ប្រជា​ពល​រដ្ឋ​នៅ​ភូមិ​ឡពាង បាន​តវ៉ា​ជា​លើក​ដំបូង​ថា ដី​របស់​​ពួកគាត់​ត្រូវ​បាន​ក្រុម​ហ៊ុន​របស់​លោក​ស្រី ជា ខេង ចាប់​យក​ដោយ​ខុស​ច្បាប់​នោះ​មក​ អ្នកភូមិ​បាន​ចេញ​ចូលតុលាការ​ដើម្បី​ប្ដឹង​ឲ្យ​បញ្ឈប់​ការ​អភិវឌ្ឍនេះ​រហូត​ដល់​ពួកគេ​ទទួល​បាន​សំណង​សម​ស្រប។

លោក ជួប ចាន់ធឿន នាយ​ប៉ុស្តិ៍នគរ​បាល​ឃុំ​តាជេស បាន​មាន​ប្រសាសន៍​ថា នគរ​បាល​និង​កង​រាជ​អាវុធ​ហត្ថ​ត្រូវ​បាន​ព្រះ​រាជ​អាជ្ញា​តុលាការ​ខេត្ត​បញ្ជូន​ឲ្យ​ទៅ​ចាប់​ខ្លួន​អ្នក​ភូមិ​បីនាក់​ ប៉ុន្តែ​លោក​បាន​អះអាង​ថា មិន​បាន​ស្គាល់​ឈ្មោះ​ព្រះរាជ​អាជ្ញារូប​នេះ ឬ​អ្នក​ភូមិ​ដែល​អាជ្ញាធរ​ចង់​​ចាប់​ខ្លួន​នោះ​ទេ។

លោក​បាន​មាន​ប្រសាសន៍​ថា ” នៅពេល​កម្លាំង​ចម្រុះ​ព្យាយាម​ចូល​ទៅ​ក្នុង​ផ្ទះ​ដើម្បី​អនុវត្ត​ដីកា​ចាប់​ខ្លួន​អ្នកភូមិ​ទាំង​បី​នាក់ ពួកគេ​បាន​វាយ​ប្រហារ​ និង​ប៉ះទង្គិច​ជា​មួយ​កម្លាំង​ចម្រុះ ធ្វើ​ឲ្យ​កង​កម្លាំង​ប្រហែល​៣០​នាក់​រង​របួស​ស្រាល​ដោយ​សារ​គ្រាប់​ចំពាម​របស់​អ្នក​ភូមិ”។ លោក​បាន​បន្ថែម​ថា ” បន្ទាប់​មក​យើង​បាន​​សម្រេច​ដក​ចេញវិញ ពីព្រោះ​ចៅហ្វាយ​របស់​យើង​មិន​ចង់​ឲ្យ​យើង​មាន​ការ​ប្រឈម​មុខ​គ្នា​ដោយ​ហិង្សា​”។

លោក ស្ងួន ញឿន ជា​ប្ដី​​របស់​តំណាងរបស់​អ្នក​ភូមិ​ដែល​និយាយ​ឥត​សំចៃ គឺ​អ្នកស្រី អ៊ុំ សុភី បាន​និយាយ​ថា ប៉ុន្មាន​ម៉ោង​មុនពេល​ប៉ះទង្គិច​គ្នា​នោះ គឺ​នៅម៉ោង​ប្រហែល​៥​ព្រឹក នៅ​ពេល​គាត់​ភ្ញាក់​ឡើង​ឃើញ​នគរ​បាល​នៅជុំវិញ​ផ្ទះគាត់​។ គាត់​បាន​និយាយ​ថា ” នៅ​ពេល​ខ្ញុំ​ភ្ញាក់​ដឹង​ខ្លួន​ឡើង ខ្ញុំ​មាន​ការ​រន្ធត់​ណាស់ ដោយ​ឃើញ​កង​កម្លាំង​ប្រដាប់​ដោយ​ខែល និង​ដំបង​​ឆក់​នៅជុំវិញ​ផ្ទះ​របស​់​យើង”។ គាត់​បាន​បន្ថែម​ថា គាត់​គិត​ថា ប្រពន្ធ​របស់​គាត់​ស្ថិត​ក្នុង​ចំណោម​អ្នក​ភូមិ​បីនាក់ដែល​នគរ​បាល​ចង់​ចាប់​ខ្លួន​។

គាត់​បាន​និយាយ​ថា ” បន្ទាប់​មក យើង​បាន​ទទួល​ការ​ហៅទូរស័ព្ទ​ជាច្រើន​ដង​ពី​បុរស​ម្នាក់​ ដែល​អះអាង​ថា ជា​តំណាង​របស់​ក្រុម​ហ៊ុន KDC។ តំណាង​រូប​នោះ​បាន​គំរាម​ជាច្រើន​ដង​ថា នគរ​បាល​នឹង​ចាត់​វិធាន​ការ​ក្នុង​រយៈ​ពេល​មួយ​ម៉ោង​ទៀត ប្រសិន​បើ​យើង​នៅ​តែ​មិន​ព្រម​ទទួល​យក​សំណង​១០.០០០​ដុល្លារ​ពី​ក្រុម​ហ៊ុន​​ KDC”។

នៅម៉ោង​ប្រហែល​១០​និង​៣០​នាទីព្រឹក​ នគរ​បាល​ប៉ុន​ប៉ង​ចូល​បរិវេណ​ផ្ទះ​របស់​លោក ញឿន និង​អ្នកស្រី សុភី ប៉ុន្តែ​បាន​ដក​ថយ​វិញ​នៅពេល​អ្នកភូមិ​ប្រឆាំង​។ នៅពេញ​មួយ​ថ្ងៃ​នោះ អ្នក​ភូមិ​បាន​ប្រមូល​ផ្ដុំគ្នា​នៅ​ផ្ទះ​នោះ និង​បាន​យក​ដើម​ឈើ និង​មែក​ឈើ​បិទ​ផ្លូវ​ចូល​ទៅ​បរិវេណ​នោះ​។

អ្នកស្រី សុភី បាន​និយាយ​កាលពី​រសៀល​ម្សិលមិញ នៅ​ពេល​ពកូន​ស្រី​របស​់​គាត់​ថា ” ខ្ញុំ​មាន​កូន​បួន​នាក់​ដែល​ត្រូវ​ចិញ្ចឹម​ ដូច្នេះ​ខ្ញុំ​ត្រូវ​ការ​ដី​ខ្ញុំ​សម្រាប់​ពួកគេ​​។ ខ្ញុំ​នឹង​តស៊ូ​រហូត​ដល់​ដង្ហើម​ចុង​ក្រោយ​”។

ឈរ​នៅ​ជុំវិញ​ផ្ទះ​អ្នកស្រី សុភី អ្នកភូមិ​បង្ហាញ​​នូវ​អ្វីដែល​ពួកគាត់​អះអាង​ថា ជា​ស្នាម​រង​របួស​នៅ​ពេល​មានការ​ប៉ះទង្គិច​គ្នា​កាលពីចុង​សប្ដាហ៍​ជាមួយ​កម្មករ​ក្រុម​ហ៊ុន​ KDC។ អ្នកស្រី​ ពៅ ឌឿន អាយុ​៥៦​ឆ្នាំ​បាន​វែក​សក់​គាត់​បង្ហាញ​កន្លែង​ត្រូវ​គ្រាប់​ចំពាម​។ បុរស​ម្នាក់​ទៀត​បាន​លើក​បង្ហាញកំណាត់គ្រាប់​ដែក ​ដែល​គេ​កាត់​ចេញ​ពី​ដែក​ថ្នាំង​អំពៅ ហើយ​អ្នក​ភូមិ​និយាយ​​ថា ​កម្មករ​ក្រុម​ហ៊ុន​ KDC បាន​យក​កំណាត់​ដែក​ទាំង​នោះ​បាញ់​មក​លើ​ពួកគាត់ ដោយ​ប្រើ​ចំពាម​កៅស៊ូ។

ប៉ុន្តែ​នៅផ្នែក​ម្ខាងទៀត​នៃ​ប្រឡាយ​ដែល​ខណ្ឌ​ចែកដី​មានជម្លោះ ដែលកាន់​កាប់​ដោយ​ក្រុម​ហ៊ុន KDC និង​ផ្ទះ​របស់​អ្នកភូមិ​នោះ​ កម្មករ​ដែល​កាន់​កាំបិត​ផ្គាក់ ដំបង​ដែក ឬដំបង​ឈើ​ ដែល​ពួកគេ​និយាយ​ថា ប្រើ​សម្រាប់​រាន​ដី​នោះ​បាន​បដិសេធ​ថា មិន​បាន​ប្រើ​អំពើហិង្សា​ទេ។

ស៊ីន ឃីម ជាកម្មករ​អាយុ​២៨​ឆ្នាំ​របស់​ក្រុម​ហ៊ុន KDC មកពី​ភូមិ​សាវង់ ដែល​នៅ​ជាប់​គ្នា​នោះ បាន​និយាយ​ថា អ្នក​ភូមិ​ទេ​ដែល​មាន​ចំពាម​កៅស៊ូ ធ្នូ និង​កំាបិត​ផ្គាក់ ហើយ​បាន​ធ្វើ​ឲ្យ​កម្មករ​ជាច្រើន​រងរបួស​អំឡុង​ពេល​ប៉ះទង្គិច​គ្នា​កាលពី​ថ្ងៃសៅរ៍។

គាត់​បាន​និយាយ​ថា ” អ្នកភូមិ​ទាំង​នេះ​ឃោរឃៅ​ណាស់។ យើង​គ្រាន់​តែ​ជា​កម្មករ​របស់​ក្រុម​ហ៊ុន​មក​រាន​ដី​ និង​សាង​សង​់​របង​ប៉ុណ្ណោះ”។ គាត់​បាន​បន្ថែម​ថា អ្នកភូមិ​បាន​ដុត​ជម្រក​បណ្ដោះ​អាសន្ន​​សម្រាប់​ឲ្យ​កម្មករ​ស្នាក់នៅ​ចំនួន​ប្រាំ​មួយ​ខ្នង។

គាត់បាននិយាយ​ថា គម្រោង​អភិវឌ្ឍកសិកម្មរបស់ក្រុម​ហ៊ុន​ KDC នឹង​ផ្ដល់​ការ​ងារ​ដល់​ប្រជាជន​នៅ​ក្នុង​ភូមិ​ចំនួន​ប្រាំបីភូមិ​នៅ​តំបន់នោះ​ ប្រសិន​បើ​គម្រោង​នេះ​មិន​ត្រូវ​បាន​រារាំង​ដោយ​អ្នកភូមិ​ដែល​រឹង​រូស​មិន​ព្រម​ចាក​ចេញ​ពី​ដី​របស់​ខ្លួន​ទេ​នោះ។

ប៉ុន្តែ​អ្នកស្រី ឌឿន បាននិយាយ​ថា ការ​ជួលកម្មករ​មូលដ្ឋាន​ឲ្យ​រាន​ដីនេះ​ គឺ​ជា​ការ​ដាក់​ឲ្យ​អ្នកភូមិ​ប៉ះទង្គិច​គ្នា​ ហើយ​បាន​ចោទ​ក្រុម​ហ៊ុន KDC ថា មាន​ចេតនា​បង្ក​ឲ្យ​មាន​ការ​ប៉ះទង្គិច​គ្នា​ប៉ុន្មាន​ថ្ងៃថ្មីៗ​នេះ។

អ្នកស្រី​បាន​និយាយ​ថា “យើង​នឹង​មិនអនុញ្ញាត​ឲ្យ​នគរ​បាល​ចាប់​អ្នកស្រី​ សុភី និង​អ្នកភូមិ​ផ្សេង​ទៀត​ទេ ហើយ​យើង​នឹង​មិន​ប្រឈម​ជាមួយ​កម្មករ​ទាំង​នោះ​​ទេ ពីព្រោះ​ក្រុម​ហ៊ុន​នេះ​កំពុង​ប្រើ​ល្បិច​កល​អាក្រក់​ ដោយ​ការ​ជួល​អ្នកភូមិ​មូល​ដ្ឋាន​ដែល​មិន​ជាប់ពាក់​ព័ន្ធនឹង​ជម្លោះ​ដីធ្លីនេះ​ ឲ្យ​បង្ក​អំពើ​ហិង្សា​”៕ គឹមហឿន (រាយការណ៍បន្ថែម​ដោយ LaurenCrothers)​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post មាន​ភាព​តាន​តឹង​កាន់​តែ​ខ្លាំង​ឡើង​នៅ​ក្នុង​ជម្លោះ​ដី​ធ្លី​នៅ​ភូមិ​ឡ​ពាង appeared first on ខេមបូឌា ដេលី.

លោក វីលៀម ថូដ ឯកអគ្គរដ្ឋទូត​អាមេរិក និង​លោក ស៊ុន ចាន់ថុល រដ្ឋមន្ត្រី​ក្រសួង​ពាណិជ្ជកម្ម​បាន​សរសើរ​គ្នា​ទៅវិញទៅមក​ចំពោះ​ការ​លះបង់​របស់ខ្លួន​សម្រាប់​ការ​​អភិវឌ្ឍ​សេដ្ឋកិច្ច​កម្ពុជា​នៅ​ឯសន្និសីទ​កាសែត​មួយ​ក្នុង​រាជ​ធានីភ្នំពេញ កាលពី​ម្សិលមិញ បន្ទាប់ពីបាន​បំពេញ​បេសកកម្ម​ពាណិជ្ជកម្ម​រួម​កាលពី​ខែមុន​ទៅកាន់​សហរដ្ឋអាមេរិក។

លោក វីលៀម ថូដ និង​លោក ស៊ុន ចាន់ថុល ដែល​ត្រូវ​បាន​ដំឡើង​តួនាទី​របស់លោក​​បន្ទាប់​ពី​ការ​បោះ​ឆ្នោត​ជាតិ​ដ៏ចម្រូង​ចម្រាស​កាលពី​ឆ្នាំ​មុននោះ បាន​ទៅ​បំពេញ​ទស្សនកិច្ច​នៅ​រដ្ឋឡូស​អែ៊ន​ជើឡេស ឡងប៊ីច ស៊ីអាថល និង​វ៉ាស៊ីនតោន កាល​ពី​ថ្ងៃ​ទី​១៦ ដល់​ថ្ងៃ​ទី​២០ ខែមិថុនា ដើម្បី​បញ្ចុះ​បញ្ចូល​ក្រុម​ហ៊ុន​អាមេរិក​ឲ្យ​មក​វិនិយោគ​នៅ​ប្រទេស​កម្ពុជា​។

នៅ​ឯ​សន្និសីទ​កាសែត លោក ស៊ុន ចាន់ថុល បាន​រៀប​រាប់​ពី​ការប្រឹងប្រែង​​របស់លោក វីលៀម ថូដ ក្នុង​ការ​រៀប​ចំ​ជំនួប​មួយ​ចំនួន​ជាមួយ​ក្រុមហ៊ុននានា​ រួម​មាន​ក្រុម​ហ៊ុន​ឈេហ្វរ៉ុន ក្រុម​ហ៊ុនវ៉លម៉ាត ក្រុម​ហ៊ុន​កូកាកូឡា និង​ក្រុម​ហ៊ុន ​General Electric ដែល​លោក ស៊ុន ចាន់ថុល ធ្លាប់​​បម្រើការ​ជា​នាយក​ប្រតិបត្តិ​ មុន​ពេល​លោក​ត្រឡប់​មក​ប្រទេស​កម្ពុជា​​វិញ​កាល​ពី​ឆ្នាំ​១៩៩៤​។

ដោយ​សំដៅ​ដល់​ក្រុម​ប្រឹក្សា​អភិវឌ្ឍន៍​កម្ពុជា​ លោក​បាន​មាន​ប្រសាសន៍​ថា ” អំឡុង​ការ​ធ្វើ​បទ​បង្ហាញ​ ខ្ញុំ​បាន​លើក​ឡើង​ថា នៅ​ពេល​ខ្ញុំ​ត្រឡប់​មក​កម្ពុជា​វិញ​ ខ្ញុំ​ត្រូវ​ពិភាក្សា​ជាមួយ​​នាយក​រដ្ឋ​មន្ត្រី​របស់​យើង​ឲ្យ​តែង​តាំង​លោក វីលៀម​ ថូដ ជា​អ្នក​ជំនាញរបស់យើង​​ ឬជាមន្ត្រី​មួយ​រូប​នៅ​ក្រុម​ប្រឹក្សា​អភិវឌ្ឍន៍កម្ពុជា​”។

លោក​បាន​មាន​ប្រសាសន៍​ថា “គាត់​ធ្វើការ​បាន​យ៉ាង​ល្អ ដោយ​​ធ្វើ​បទ​បង្ហាញ​…​ទាក់​ទង​នឹង​ឱកាស​វិនិយោគ​នៅ​ក្នុង​ប្រទេស​កម្ពុជា ហើយ​ខ្ញុំ​ពិត​ជា​កោត​​សរសើរ​ឯក​អគ្គរដ្ឋទូត​រូប​នេះ។ លោក​​ធ្វើការបាន​​យ៉ាង​ល្អ​សម្រាប់​ពួកយើង​”។

លោក វីលៀម​ ថូដ បាន​និយាយ​យ៉ាង​ខ្លី​ ដោយ​កោត​​សរសើរ​ពីការ​ប្ដេជ្ញាចិត្តរបស់​លោក​ សុ៊ន ចាន់ថុល ក្នុង​ការ​ជួយ​គណបក្ស​ប្រជា​ជន​កម្ពុជា​លុប​បំបាត់​អំពើ​ពុក​រលួយ និង​សម្រេច​ឲ្យ​បាន​នូវ​គោល​ដៅ​អភិវឌ្ឍ​ន៍សេដ្ឋកិច្ច​របស់​លោក​នាយក​រដ្ឋមន្ត្រី​ ហ៊ុន សែន។

លោក វីលៀម ថូដ បាន​និយាយ​ទៅកាន់​សន្និសីទ​កាសែត​ថា ” និយាយពី​ទេស​រដ្ឋមន្ត្រី​ និង​រដ្ឋមន្ត្រី​ក្រសួង​ពាណិជ្ជកម្ម​របស់យើង​ គឺ​លោក ស៊ុន ចាន់ថុល នៅ​រាល់​ជំនួប​កំពូល​ដែល​យើង​បាន​រៀប​ចំ​ឡើង​ លោក​តែង​តែ​យក​អង្ករ​មួយ​បាវ​មក។ លោក​ប្រាប់​គ្រប់​គ្នា​ថា វា​ជា​អង្ករ​ដ៏ល្អ​បំផុត​ក្នុង​ពិភព​លោក​ ​វា​ឈ្នះ​​ការ​ប្រកួត​ប្រជែង​នៅ​ក្នុង​ទីក្រុង​ហុង​កុង ហើយ​វា​ជា​អង្ករ​ដ៏​ក្រអូប​នៅ​ក្នុង​ពិភព​លោក”​។

លោក វីលៀម ថូដ ក៏បាន​លើក​ឡើង​ផងដែរថា “ជាមួយ​កំណែ​ទម្រង់​ ​លោក​រដ្ឋមន្ត្រី ស៊ុន ចាន់ថុល និង​មន្ត្រី​រដ្ឋាភិបាល​ផ្សេងៗទៀត​កំពុង​ធ្វើ​” ​ បរិយាកាស​វិនិយោគ​នៅ​ក្នុង​ប្រទេស​កម្ពុជា​អាច​ទាក់ទាញ​ក្រុម​ហ៊ុន​អាមេរិក​មួយចំនួន​ឲ្យ​ចូល​មក​វិនិយោគ​។

លោក វីលៀម ថូដ បាន​មាន​ប្រសាសន៍​ថា ” អ្នក​មាន​សេដ្ឋកិច្ច​ប្រើប្រាស់​ប្រាក់​ដុល្លារ​នៅ​ទីនេះ។ លោក​អ្នក​អាច​ផ្ញើប្រាក់​ចំណូលរបស់អ្នកទៅ​ស្រុក​វិញ​ ប្រសិន​បើ​​លោក​អ្នក​ចំណេញប្រាក់​ លោក​អ្នក​អាច​យក​វា​តាម​ខ្លួន លោក​អ្នក​អាច​មាន​កម្មសិទ្ធិ១០០​ភាគ​រយ​ក្នុង​នាមជន​បរទេស។ មាន​ការ​អនុ​គ្រោះពន្ធ​នៅ​ក្នុង​ប្រទេស​កម្ពុជា បើ​និយាយ​ដោយ​​ត្រង់​ទៅ​វា​ប្រសើរ​ជាង​ប្រទេស​ផ្សេងៗ​នៅ​ក្នុង​តំបន់​”។

សហរដ្ឋអាមេរិក​នៅតែ​មិន​បាន​អប​អរ​សាទរ​ជា​ផ្លូវ​ការ​ចំពោះ​ជ័យជម្នះ​របស់​លោក​នាយក​រដ្ឋមន្ត្រី​ ហ៊ុន សែន នៅ​ក្នុង​ការ​បោះ​ឆ្នោត​កាល​ពី​ឆ្នាំ​មុន​ដដែល ហើយ​បាន​អំពាវ​នាវ​ឲ្យ​ស៊ើប​អង្កេត​ឲ្យ​បាន​ ” ពេញលេញ និង​ប្រកប​ដោយ​តម្លាភាព​” អំពី​ភាព​មិន​ប្រក្រតី​ដែលបាន​រាយការណ៍នោះ។

កាលពី​ខែមករា លោក បារា៉ក់ អូបាម៉ា ប្រធានាធិបតី​អាមេរិក​បាន​អនុម័ត​យល់​ព្រម​លើ​ច្បាប់​ដែល​មាន​មាត្រា​មួយ​ចែង​ពី​ការ​ព្យួរ​មូល​និធិ​​មួយ​ចំនួន​ដល់​រដ្ឋាភិបាល​កម្ពុជា លុះណា​តែ​មាន​ការ​ស៊ើប​អង្កេត​អំពី​ការ​បោះ​ឆ្នោត​​នេះ​ប្រកប​ដោយ​ឯករាជ្យ ឬ​គណបក្ស​សង្គ្រោះជាតិ​បញ្ចប់​ការ​ធ្វើ​ពហិការ​​រដ្ឋសភាសិន​​។

លោក​ ស៊ុន ចាន់ថុល បាន​មាន​ប្រសាសន៍​ថា ដំណើរ​ទស្សនកិច្ច​របស់​លោក​ជាមួយ​លោក វីលៀម ថូដ ដែល​រួម​មាន​ជំនួប​ជាមួយលោក វីលៀម បឺន អនុ​រដ្ឋមន្ត្រី​ការ​បរទេស​អាមេរិក បាន​បង្ហាញ​ថា នៅ​ក្នុង​ការ​អនុវត្ត នៅ​មាន​ការ​មិន​ចូល​ចិត្ត​គ្នា​បន្តិច​បន្តួច​រវាង​រដ្ឋាភិបាល​នៃ​ប្រទេស​ទាំង​ពីរ។

លោក​បាន​មាន​​​ប្រសាសន៍ថា ” ដូចលោក​អ្នក​មើល​ឃើញហើយថា ចាប់​តាំង​ពី​ការ​បោះ​ឆ្នោត​មក​ រដ្ឋាភិបាល​នៃ​ប្រទេស​ទាំង​ពីរ​បាន​ប្រឹង​ប្រែង​ធ្វើ​ការ​ជា​មួយ​គ្នាយ៉ាង​​ជិត​ស្និទ្ធ ដូច្នេះមិន​មាន​ការ​កាត់ផ្ដាច់​ទំនាក់​ទំនង​រវាង​ប្រទេស​កម្ពុជា​ និង​អាមេរិក​ទេ​ ដូច្នេះ​ទំនាក់​ទំនង​នៅ​តែ​មាន។

លោក វីលៀម ថូដ បាន​មាន​ប្រសាសន៍​ថា លោក​សង្ឃឹមថា​ នឹង​​មាន​ការ​​បញ្ចប់​ភាព​ទាល់​ច្រក​រវាង​គណបក្ស​ប្រជា​ជន​កម្ពុជា និង​គណបក្ស​សង្គ្រោះជាតិ។

លោក​បាន​មាន​ប្រសាសន៍​ថា ” និយាយ​តាម​ត្រង់​ ខ្ញុំគិត​ថា ក្រុមហ៊ុន​មួយ​ចំនួន​កំពុង​​រង់​ចាំ​ដំណោះ​ស្រាយ​នេះ ហើយនៅ​ពេល​ដែល​មាន​ដំណោះ​ស្រាយ​ ខ្ញុំជឿថា ទីផ្សារ​នឹង​ចាប់​ដំណើរ​ការ​។ ក្រុម​ហ៊ុន​ជាច្រើន​កំពុង​រង់ចាំ​ពេល​មាន​ដំណោះស្រាយ​ ហើយពួកគេ​រំពឹង​ថា នឹង​​មាន​ដំណោះស្រាយ​ ហើយ​នៅពេល​មាន​ដំណោះស្រាយ ក្រុមហ៊ុន​នានានឹង​មក​វិនិ​យោគ​​នៅ​ប្រទេស​កម្ពុជា​”៕ សារុន​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post រដ្ឋមន្ត្រីក្រសួង​ពាណិជ្ជកម្ម​ និង​ឯកអគ្គរដ្ឋ​ទូត​​អាមេរិក​សរសើរគ្នា​បន្ទាប់ពី​ដំណើរ​ទស្សនកិច្ច​ស្តីពីពាណិជ្ជកម្ម​ appeared first on ខេមបូឌា ដេលី.

ប្រជាជន​នៅ​តំបន់​បឹង​កក់​ រាជធានី​ភ្នំពេញ បាន​ដាក់​ពាក្យ​បណ្ដឹង​ទៅ​អង្គភាព​ប្រឆាំង​អំពើ​ពុក​រលួយ​ (ACU) កាលពី​​​ម្សិលមិញ ដោយ​ស្នើ​ឲ្យ​​​អង្គភាព​នេះ​ស៊ើប​អង្កេត​អតីត​មន្ត្រី​ និង​មន្ត្រី​រដ្ឋាភិបាល​បច្ចុប្បន្ន​១២​រូប និង​សមាជិក​ព្រឹទ្ធសភា​ លោក ឡាវ ម៉េងឃិន ជុំវិញ​ផែន​ការ​របស់​សមាជិក​ព្រឹទ្ធសភា​រូប​នេះ​លក់​ដី​ ដែល​អ្នក​ភូមិ​និយាយ​ថា ត្រូវ​បាន​លួច​ពី​អ្នកភូមិ​។

បណ្ដឹង​របស់​អ្នកភូមិ​ទាំង​នោះ ក៏​​​ស្នើ​ឲ្យ​ ACU ស៊ើប​អង្កេត​សំណង់​ទី​​​បញ្ជា​​​ការដ្ឋាន​​​កង​រាជ​​​អាវុធ​ហត្ថ​នៅ​កណ្ដាល​ដី​របស់​ខ្លួន​ គឺ​លើ​ដី​ដែល​ពួកគេ​និយាយ​ថា ត្រូវ​បាន​ទុក​ដោយ​ឡែក​សម្រាប់​គ្រួសារ​ប្រជាជន​តំបន់​បឹង​កក់​។

ក្នុង​សេចក្ដី​ប្រកាស​មួយ​នៅ​ផ្សារ​ហ៊ុន​សិង្ហបុរី​កាលពី​ចុង​ខែមុន​ ក្រុមហ៊ុន​ HLH Group ​បាន​ឲ្យ​ដឹង​ថា ​ក្រុម​ហ៊ុន​បុត្រ​​សម្ព័ន្ធ​​របស់​ខ្លួន​គឺ D’Lotus Development បាន​ព្រមព្រៀង​ទិញ​ដី​ទំហំ​១,៣៥​ហិកតា​​​ពី​​​ក្រុមហ៊ុន​ស៊ូកាគូអុីន របស់​​​លោក ឡាវ ម៉េងឃិន ដែល​ក្រុម​អង្គការ​សិទ្ធិ​​​មនុស្ស​ និង​អ្នក​ភូមិ​បឹង​កក់​ចោទ​​​ថា បាន​បណ្ដេញ​ដោយ​ខុស​ច្បាប់​នូវ​​​ប្រជាជន​ប្រហែល​៣.០០០​គ្រួសារ​ចេញពី​ផ្ទះ​សំបែង​របស់​ពួកគេ។

កាលពី​ឆ្នាំ​២០០៧ សាលា​រាជធានី​​​ភ្នំពេញ បាន​​​យល់ព្រម​​​ជួល​​​ដី​​​បឹង​​​កក់​ទំហំ​​​១៣៣​ហិកតា​​​រយៈ​ពេល​៩៩​ឆ្នាំ​ឲ្យ​ក្រុមហ៊ុន​ស៊ូកាគូអុិន ហើយ​ក្រុម​សិទ្ធិ​មនុស្ស​បាន​លើក​ឡើង​ថា លក្ខខណ្ឌ​​​នៃ​ការ​ជួល​មិន​អនុញ្ញាត​ឲ្យ​លក់​ទៅ​ឲ្យ​ភាគីទី៣​ទេ។

កាលពី​​​ឆ្នាំ​២០១១​ លោក​នាយក​រដ្ឋមន្ត្រី ហ៊ុន សែន បាន​ចុះ​ហត្ថលេខា​លើ​អនុក្រឹត្យ​មួយ​កាត់​ផ្ទៃដី​ទំហំ​១២,៤៤ហិកតា​ចេញពី​តំបន់​គម្រោង​នេះ ដើម្បី​ឲ្យ​ប្រជា​ជន​ប្រហែល​៦៥០​គ្រួសារ​អាច​រក្សា​ផ្ទះ​សំបែង​របស់​ខ្លួន​បាន​។

លោកស្រី ទេព វន្នី ជា​អ្នកភូមិ​ម្នាក់​ក្នុងចំណោម​អ្នកភូមិ​បឹង​កក់​ប្រហែល​៣០​នាក់​ ដែល​បាន​ទៅ​ ACU ដើម្បី​ដាក់​ពាក្យ​បណ្ដឹង បាន​និយាយ​ថា ” បើ​ [ស៊ូកាគុ] លក់​ដី​ដែល​រដ្ឋាភិបាល​បាន​ជួល​ឲ្យ​ដើម្បី​អភិវឌ្ឍ​ ក្រុម​ហ៊ុន​នេះ​គ្មាន​សិទ្ធិ​ទេ។ ហើយ​បើ​ពួកគេ​លក​់​ដី​នៅ​ក្នុង​ផ្ទៃ​ដី​១២,៤៤ហិកតា​…​វា​គ្មាន​សិទ្ធិ​ទេ ពីព្រោះ​វា​រំលោភ​អនុក្រឹត្យ​”។

ប្រជា​ជន​១២​នាក់​ដែល​មា​ន​ឈ្មោះ​ក្នុង​បណ្ដឹង​នោះ រួម​មាន​លោក ម៉េងឃិន អភិបាល​រាជ​ធានី​​​ភ្នំពេញ បា៉ សុជាតិវង្ស អតីត​អភិបាល​រាជធានី​ កែប ជុតិមា និង​មន្ត្រី​រាជ​ធានី​ ខណ្ឌ​ និង​សង្កាត់​ជាច្រើន​នាក់​ផ្សេង​ទៀត​។

លោក​ ឡុង ឌីម៉ង់ អ្នកនាំពាក្យ​សាលា​រាជ​ធានី​បាន​មាន​ប្រសាសន៍​ថា អ្នកភូមិ​មាន​សិទ្ធិ​ដាក់​ពាក្យ​បណ្ដឹង​របស់​ខ្លួន​ ប៉ុន្តែ​បាន​បញ្ជាក់​ថា កិច្ច​ព្រមព្រៀង​របស់​ក្រុម​ហ៊ុន​ស៊ូកាគុ ជាមួយ​ក្រុម​​ហ៊ុន D’Lotus​ គឺ​ស្រប​ច្បាប់​។

លោក​បាន​មាន​ប្រសាសន៍​ទៀត​​​ថា ” ក្រុមហ៊ុន​នេះ​មាន​សិទ្ធិ​ជ្រើស​រើស​ដៃគូ​ឯកជន​ណា​​​មួយ​​ដើម្បី​​​អភិវឌ្ឍ​ទីតាំង​នេះ​” ក៏ប៉ុន្តែ​លោក​បាន​បដិសេធ​មិន​លម្អិត​អំពី​របៀប​ដែល​ក្រុម​ហ៊ុន​អាច​លក់​ដី​ដែល​ខ្លួន​កំពុង​ជួល​នោះ​ទ។

លោក​បាន​មាន​ប្រសាសន៍​​​ថា លោក​មិន​ដឹង​ជាក់​លាក់​ថា ដី​មួយ​ផ្នែក​ណា​ដែល​ក្រុម​ហ៊ុន​ស៊ូកាគុ​លក់​នោះ​​​ទេ ប៉ុន្តែ​បាន​បញ្ជាក់​ថា វា​មិន​ស្ថិត​នៅ​ក្នុង​ដី​១២,៤៤ហិកតា​ ដែល​ទុក​សម្រាប់​គ្រួសារ​ប្រជា​ជន​​​នោះ​​​ឡើយ។

អ្នកនាំពាក្យ​រូប​នេះ ក៏បាន​ការ​ពារ​សេចក្ដី​សម្រេច​របស់​សាលា​រាជ​ធានី​ ដើម្បី​សាង​សង់​​បញ្ជា​​ការដ្ឋាន​​ថ្មី​​​មួយ​សម្រាប់​កង​រាជ​​​អាវុធហត្ថ​ខណ្ឌ​ដូនពេញ​​​នៅ​បឹង​កក់ និង​បាន​ឲ្យ​ដឹង​ទៀត​ថា សាលា​រាជធានី​មាន​ផែន​ការ​សង់​ទីស្នាក់ការ​​នគរ​បាល​​នៅ​ក្បែរ​នោះ​។ លោក​បាន​ឲ្យ​ដឹង​ទៀត​ថា ” យើង​នឹង​សង់​កន្លែង​​ឲ្យកម្លាំង​ចម្រុះ​​ កន្លែង​នគរ​បាល​នៅ​ជាប់​នឹង​បញ្ជាការ​ដ្ឋាន​កង​រាជ​អាវុធហត្ថ”។

កន្លែង​នោះ​កំពុង​ត្រូវ​សង់​នៅ​ចម្ងាយ​ប៉ុន្មាន​ម៉ែត្រ​ពី​​​ផ្ទះ​របស់​លោកស្រី វន្នី និង​សកម្ម​ជន​មួយ​ចំនួន​ក្នុង​ចំណោម​សកម្ម​ជន​ដ៏​​​លេច​ធ្លោ​បំផុត​ប្រឆាំង​នឹង​ការ​បណ្ដេញ​ចេញ​នៅ​ប្រទេស​កម្ពុជា ដែល​បាន​រង​ការ​វាយ​ប្រហារ​ពី​សំណាក់​នគរ​បាល​ អំឡុង​ការ​តវ៉ា​ដោយ​សន្តិវិធី​ ត្រូវ​គេ​ចាប់​ខ្លួន​ និង​កាត់​ទោស​ព្រោះ​ភាព​សកម្ម​របស់​ខ្លួន​។

លោក ឌីម៉ង់ បាន​បដិសេធ​ថា ទីតាំង​​​ថ្មី​របស់​​នគរ​បាល​ និង​កង​រាជ​អាវុធហត្ថ​មិន​មែន​ជា​ការ​បំភិត​បំភ័យ​ក្រុម​សកម្មជន​នោះ​​​ទេ ហើយ​បាន​និយាយ​ថា ទីតាំង​នោះ​ត្រូវ​បាន​ជ្រើស​រើស​យ៉ាង​ដិត​ដល់​ ដើម្បី​ផ្ដល់​សន្តិសុខ​ដល់​ប្រជាជន​តំបន់​នោះ​។

ការ​ចាក់​គ្រឹះ​អគារ​នោះ​ បាន​ចាប់​ផ្ដើម​រួច​ហើយ។ ក្នុង​ពាក្យ​បណ្ដឹង​របស់​ខ្លួន​ ក្រុម​អ្នកភូមិ​បាន​ស្នើ​ឲ្យ​ផ្អាក​ការ​សាង​សង់​រហូត​ដល់​ការ​ចរចា​បញ្ចប់​រវាង​សាលា​រាជធានី​ និង​អ្នកភូមិ​ប្រហែល​៤០​គ្រួសារ​ ដែល​នៅ​តែ​សង្ឃឹម​​​ថា នឹង​ទទួល​បាន​ប័ណ្ណ​កម្មសិទ្ធិ​ដីធ្លី​ក្នុង​តំបន់​​​នោះ​៕ មានិត​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post ប្រជាជន​បឹង​កក​់​ស្នើ​ឲ្យ​​​អង្គភាព​ប្រឆាំង​អំពើ​ពុក​រលួយ​ស៊ើបអង្កេត​ការ​លក់​ដី​បឹង​កក​់​ appeared first on ខេមបូឌា ដេលី.

កាលពីម្សិលមិញ​ នគរ​បាល​ខេត្ត​សៀមរាប ​បាន​ចាប់​ខ្លួន​បុរស​ម្នាក់​ និង​ប្អូន​ស្រី​​​​របស់​​​ខ្លួន​​​តាម​ការ​ចោទ​ប្រកាន់ពីបទធ្វើ​​​សញ្ចរកម្ម​​​លើ​​​សិស្ស​​​​​​ជំទង់របស់​​​ខ្លួនដែល​​ចូល​​​រៀន​​​នៅសាលា​​​​​​​​​​​​នេះ​​​​​​ឲ្យ​​​បម្រើ​​​​ផ្លូវ​​​ភេទ​​​ភ្ញៀវ​ទេសចរ​បរទេស​។

លោកស្រី ដួង ថាវរី នាយការិយាល័យ​នគរ​បាល​ប្រឆាំង​ការ​ជួញដូរ​មនុស្ស និង​ការ​ពារ​អនីតិជន​ខេត្ត​សៀម​រាប បាន​មាន​ប្រសាសន៍​ថា ឡុង វេហា អាយុ​៣២​ឆ្នាំ​ត្រូវ​បាន​ចាប់​ខ្លួន​នៅ​សាលា​រៀន​របស់​ខ្លួន​​ឈ្មោះ​ថា Underprivileged Children School ​នៅ​ក្នុង​ស្រុក​សូទ្រ​​​​និគម ដែល​បាន​ឲ្យ​​​សិស្ស​​របស់​​​​​​ខ្លួន​​​​រួម​ភេទ​ជាមួយ​ភ្ញៀវ​ទេសចរ​ ដែល​​​បាន​​​​ក្លែង​ប្រាក់​ដែល​ពួកគេ​បង់​ទៅជា​ប្រាក់​បរិច្ចាគ​សម្រាប់​សមាគម​ ដែលឧបត្ថម្ភគាំទ្រ​សាលា​រៀន​នេះ។

លោកស្រី​មាន​ប្រសាសន៍​ថា នគរ​បាល​ក៏បាន​ចាប់​ខ្លួន​ប្អូនស្រី​​​​របស់ ឡុង វេហា ដែល​លោកស្រី​មិន​ចាំ​ឈ្មោះ​ផង​ដែរ ហើយ​បាន​ឃាត់​ខ្លួន​កូន​សិស្ស​ប្រាំបួន​នាក់​ ដែល​មាន​អាយុ​ពី​១៧ឆ្នាំ​ទៅ​១៩​ឆ្នាំ ដែល​ស្នាក់​នៅផ្ទះ​ជួល​របស់​ឈ្មោះ ឡុង វេហា នៅ​ក្នុង​សៀមរាប និង​ជា​អ្នក​ដែល​ត្រូវ​ឈ្មោះ ឡុង វេហា ធ្វើ​​​សញ្ចរកម្ម​​​​​​​ពួកគេ​ឲ្យ​រួម​ភេទ​ជាមួយ​ភ្ញៀវ។

លោកស្រី​មាន​ប្រសាសន៍ទៀត​​ថា “យើ​មិន​ទាន់​បាន​សាក​សួរ​ពួកគេ​នៅឡើយ​ទេ​នៅ​រសៀល​នេះ ប៉ុន្តែ​យើង​បាន​បញ្ជូន​ជន​នេះ​ និង​ប្អូនស្រី​របស់​គេ​ រួម​ជាមួយ​សាក្សី​ទាំង​ប្រាំបួន​នាក់​ទៅ​​​កាន់​​​​ស្នង​ការ​ដ្ឋាន​នគរ​បាលខេត្ត​ហើយ​​​។ យើង​បាន​ស៊ើប​អង្កេត​រក​ឃើញ​ថា ជន​សង្ស័យ​ផ្ដល់​ក្មេង​ជំទង់​ពីរ​នាក់​ក្នុង​មួយ​លើក​​ៗ​ឲ្យ​រួម​ភេទ​ជាមួយ​ជន​បរទេស​ដែល​បាន​​ឧបត្ថម្ភ​​​ដល់​​​​សមាគម​របស់​ខ្លួន​។ យើង​ជឿ​ថា ជន​សង្ស័យ​បានជួញដូរ​​​​ផ្លូវ​​​ភេទ​​​​”។

លោកស្រី​បាន​បន្ត​ថា នគរ​បាល​បាន​ស៊ើប​អង្កេត​ករណី​នេះ​អស់រយៈ​ពេល​ជាង​មួយ​ខែ​ ហើយ​បាន​តាម​ដាន​សកម្មភាព​របស់​ ឡុង វេហា។ លោកស្រី​បាន​បន្ត​ថា លោកស្រី​មិន​ទាន់​ដឹង​ថាតើ ឡុង វេហា បាន​បើ​ក​ដំណើរ​ការ​របរ​នេះ​យូរ​ប៉ុណ្ណា​ និង​មាន​ជន​រងគ្រោះ​ប៉ុន្មាន​នាក់​​​ហើយ​​​ទេ។

លោកស្រី​មាន​ប្រសាសន៍​ថា បន្ទាប់ពីការ​សាក​សួរ​ក្មេង​ជំទង់ទាំង​ប្រាំបួន​នាក់ ដែល​ត្រូវ​បាន​រក​ឃើញ​នៅ​ផ្ទះជួល​ខាង​លើ​នេះ​ ត្រូវ​បាន​បញ្ជូន​ទៅ​មន្ទីរ​សង្គម​កិច្ច​ខេត្ត​ ដែល​ត្រៀម​រៀបចំ​បញ្ជូន​ពួកគេ​ទៅ​ផ្ទះ​របស់​ពួកគេ​​​វិញ។

លោក​ ហេង សំណាង អធិការរង​ស្រុក​សូទ្រ​​​និគម បាន​មាន​ប្រសាសន៍​ថា សាលា​រៀន​នេះ​មាន​សិស្ស​ចំនួន​៨៩​នាក់​ ដែល​មាន​អាយុ​ចន្លោះ​ពី​១២​ឆ្នាំ​ទៅ​២០​ឆ្នាំ។ លោក​មាន​ប្រសាសន៍​ថា លោក​បាន​ចូលរួម​ក្នុង​ប្រតិបត្តិការ​របស់​នគរ​បាល​កាលពី​ម្សិលមិញ​ដែរ ប៉ុន្តែ​បាន​បដិសេធ​មិន​ឆ្លើយ​បំភ្លឺ​ជុំវិញ​ការ​ចោទ​ប្រកាន់​ពីបទ​សញ្ចរកម្ម​នេះទេ​។

លោក ធា សុផាត ប្រធាន​មន្ទីរ​សង្គម​កិច្ច​ខេត្ត​សៀមរាប ដែល​បាន​ចូល​រួម​ក្នុង​ប្រតិបត្តិការ​នេះ​ដែរ​នោះ បានមាន​ប្រសាសន៍​ថា សាលា​រៀន​នេះ​​បាន​បើក​ដំណើរ​ការ​ដោយ​គ្មាន​លិខិត​ស្នាម​ត្រឹម​ត្រូវ​អស់​រយៈ​ពេល​ប្រាំមួយ​ទៅ​ប្រាំពីរ​ឆ្នាំ​មក​ហើយ។ លោក​បាន​មាន​ប្រសាសន៍​ថា ព័ត៌មាន​សម្ងាត់​នេះបែក​ធ្លាយ​ចេញពី​ស្ត្រី​ជន​ជាតិ​ដាណឺម៉ាក​ម្នាក់ ដែល​បាន​ស្ម័គ្រ​ចិត្ត​ធ្វើ​ការ​នៅ​សាលា​នេះ​ ហើយ​បាន​ប្ដឹង​ទៅ​ក្រសួង​ការ​បរទេស​ ហើយ​ក្រសួង​ការ​បរទេស​បាន​ទាក់​ទង​មក​ក្រសួង​សង្គម​​កិច្ច ហើយ​ក្រសួង​សង្គម​កិច្ច​បាន​ជូន​ដំណឹង​ទៅ​ក្រសួង​មហាផ្ទៃ។ លោក​មាន​ប្រសាសន៍​ទៀត​ថា ” យើង​បាន​រក​ឃើញ​ថា ម្ចាស់​សាលា​ជួញដូរ​កុមារ​ ពីព្រោះ​គាត់​បាន​ផ្ដល់​ក្មេង​ជំទង់​ឲ្យ​រួម​ភេទ​ជាមួយ​ជន​បរទេស​”។

ករណី​ជន​ល្មើស​ផ្លូវ​ភេទ​ដែល​ធ្វើការ​នៅ​ឯ​ ឬ​បើក​អង្គការ​មនុស្ស​ធម៌​ទុច្ចរិត​ និង​​មណ្ឌល​កុមារ​កំព្រា​គ្មាន​អ្វី​ថ្មីទេ។ កាលពី​សប្ដាហ៍​មុន សាសនទូត​​​​អាមេរិក​ ដានីញែល ចនសុន (Daniel Johnson) ត្រូវ​បាន​តុលាការ​កាត់​ទោស​ឲ្យ​ជាប់​ពន្ធនាគារ​​​​មួយ​​​ឆ្នាំ​​​​​​ពី​​​បទ​​​បៀត​បៀន​កេរ្តិ៍​​​​ភេទ​ក្មេង​ប្រុស​ប្រាំ​នាក់​នៅ​មណ្ឌល​កុមារ​កំព្រា​​​​របស់​​​គាត់​​​ដែ​ល​មិន​បាន​ចុះ​បញ្ជី។

ទោះ​ជាយ៉ាង​ណា លោក អំ សំអាត ប្រធាន​​បច្ចេកទេស​​​ផ្នែក​​​​ស៊ើប​អង្កេត​នៅ​អង្គការ​សិទ្ធិ​មនុស្ស​ក្នុង​ស្រុក​លីកាដូ បានមាន​ប្រសាសន៍​ថា នេះ​ជាលើក​ទី១​ហើយ​ដែល​លោក​បាន​ឮថា សាលា​រៀន​​​​ធ្វើ​​​សញ្ចរកម្ម​​​លើ​​​កូន​​​​​​សិស្ស​​របស់​ខ្លួន​ឲ្យរួម​ភេទ​ជាមួយ​ជន​បរទេស​ ហើយ​មាន​ប្រសាសន៍​ថា អាជ្ញាធរ​គួរ​តែ​​ធ្វើការ​ឲ្យ​បាន​ល្អ​ដើម្បី​ធ្វើ​និយ័តកម្ម​លើ​ពួកគេ។

លោកបាន​​​​​​​​មាន​​​ប្រសាសន៍​ទៀត​ថា “នេះគឺ​ជា​ករណីថ្មី​ ករណី​​​​ជួញដូរ​កុមារនៅ​សាលា​រៀន។ ខ្ញុំសូម​អំពាវ​នាវ​ឲ្យ​អាជ្ញាធរ ជាពិសេស​ក្រសួង​អប់រំ មេត្តា​​​ពិនិត្យ​​​​មើល​​​សិន មុន​​​​នឹង​​​​អនុញ្ញាត​ឲ្យ​​​សាលា​​បង្រៀន​ដោយ​ឥត​គិត​ថ្លៃ​​​បើក​​​”។

យោង​តាម​គេហទំព័រ​របស់​សាលា​រៀន Underprivileged Children School ដែល​​​ប្រមូល​​​ប្រាក់​​​​បរិច្ចាគ​​​​​ភាគ​​​ច្រើន​​​​តាម​អុីនធើណិត និង​​​​មាន​​​បង្ហោះ​​​​រូប​ថត​​ក្មេងៗ​​សិក្សា​ និង​លេង​​​​នេះ​​​បាន​​​ឲ្យ​​​ដឹង​​​ថា ​​​សាលា​​​នេះ​​​មាន​​​​​​​​នាយក​​​ពីរ​​​នាក់ គឺ​​​ “ឡុង​​​ សីហា​​​” និង​​​ “រ៉ូបឺត អាយវូ” (Robert Iwu)។

នៅ​ក្នុង​​​ប្រូហ្វាល់​​​លើ​គេហទំព័រ​​​​នេះ ឡុង វេហា សរសេរ​ថា ” ខ្ញុ​ំ​កើត​នៅ​​​​ឯជន​​​បទ​​​ក្នុង​​​ប្រទេស​កម្ពុជា។ ខ្ញុំ​ធំ​​​ដឹង​ក្ដី​នៅ​ក្នុង​គ្រួសារ​ក្រីក្រ​ ហើយ​​​​បន្ទាប់​​​ពី​ស្នាក់​នៅ​​​​សិក្សា​​​​​​រៀន​​​សូត្រ​​​នៅ​​​វត្ត​អារាម​អស់រយៈ​ពេល​ប្រាំមួយឆ្នាំ​​​ ​​​ខ្ញុំ​​​បាន​​​​ចេញ​​​បង្រៀន​​​នៅ​​ក្នុងខេត្ត​​​សៀម​​​រាប​​​។ ពេល​​​នេះ​​​ ខ្ញុំ​​​​​​អាច​​​ជួយ​​​កុមារ​​​​​​បាន​​​ និង​​​បង្រៀន​​​ពួក​​​គេ​​​ឲ្យ​​​ចេះ​​​​​ភា​​​សា​​​អង់គ្លេស និង​​​សីល​​​ធម៌​​”៕ សុខុម​​​​​​​​​​​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post នគរ​បាល​ចោទសាលា​បង្រៀន​អង់​គ្លេស​មួយ​នៅ​សៀម​រាប​ថា ធ្វើ​​សញ្ចរកម្ម​​​​លើ​​​សិស្ស​​​​ខ្លួន​​​ឯង appeared first on ខេមបូឌា ដេលី.

បើទោះ​ជា​មាន​ភាព​តាន​តឹង​នា​ពេល​ថ្មីៗ​ជុំវិញ​ការ​វិល​​​ត្រឡប់​មក​វិញ​ដ៏​គំហុក​នៃ​ពលករ​ខ្មែរ​ ដែល​ភៀស​ខ្លួន​ចេញពី​ការ​​បង្ក្រាប​ដោយ​របប​យោធា​ថៃ​លើ​ពលករ​ខុស​ច្បាប់​ក្ដី ក៏​​​ក្រុម​មន្ត្រី​រដ្ឋាភិបាល​បាន​និយាយ​ថា ស្ថានការណ៍​រវាង​ប្រទេស​ទាំង​ពីរ​ល្អ​ជា​ធម្មតា​កាលពី​ម្សិលមិញ អំឡុង​​​ពិធី​អប​អរ​ខួប​ទី៦​នៃ​ការ​​​ចុះ​​​បញ្ជី​​​ប្រាសាទ​ព្រះវិហារ​ជា​​​សម្បត្តិ​​​បេតិកភណ្ឌ​ពិភព​លោក។

លោក​ ទៀ បាញ់ រដ្ឋមន្ត្រី​ក្រសួង​​​ការ​ពារ​ជាតិ​បាន​មាន​ប្រសាសន៍​ថា ជម្លោះ​ព្រំដែន​ជុំវិញ​បរិវេណ​ប្រាសាទ​ ដែល​​​បាន​ឈាន​ទៅ​ដល់​ការ​ប្រយុទ្ធ​​​គ្នា​ចុង​ក្រោយ​កាលពី​ឆ្នាំ​២០១១​នោះ លែង​ជា​កង្វល់​ដល់​​​ប្រជាជន​ដែល​រស់​នៅ​ក្នុង​តំបន់​នោះ​ទៀត​ហើយ។ លោក​បាន​មាន​ប្រសាសន៍​ថា ” នេះ​មិន​មែន​ជា​បញ្ហា​ដែល​ប្រទេស​ណាមួយ​ចង់​បាន​នោះ​​​ទេ។ ឥឡូ​នេះ ស្ថាន​ការណ៍​គឺ​ស្រួល​ជាង​មុន​”។

ថ្លែង​ទៅកាន់​ទាហាន​ នគរ​បាល​ មន្ត្រី​​​រដ្ឋាភិបាល​ និង​និស្សិត​ប្រហែល​១.០០០​នាក់​ ដែល​មក​ជួប​ជុំ​​​គ្នា​ក្នុង​ឱកាស​នេះ លោក​ ជុច ភឿន ប្រធាន​អាជ្ញាធរ​​​ជាតិ​ប្រាសាទ​​​ព្រះវិហារ​ ក៏​​​បាន​គូស​បញ្ជាក់​អំពី​​​សារៈសំខាន់​នៃ​ទំនាក់​ទំនង​ល្អ​ជាមួយ​ប្រទេស​ថៃ​ដែរ​។ លោក​បាន​មាន​ប្រសាសន៍​ថា “មិន​​​មាន​បញ្ហា​រវាង​អាជ្ញាធរ​របស់​យើង​ និង​អាជ្ញាធរ​ថៃ​ទេ ហើយ​កង​ទ័ព​ក៏​​​មាន​ទំនាក់​ទំនង​ធម្មតា​ជាមួយ​គ្នា​ដែរ​”។

ក្នុង​សាលក្រម​ដែល​ចេញ​កាលពី​ខែ​​​វិច្ឆិកា​​​ឆ្នាំ​​​នោះ តុលាការ​អន្តរជាតិ​ក្រុង​​​ឡាអេ​​​បាន​សម្រេច​ថា ទឹកដី​ជុំវិញ​ប្រាសាទ​ព្រះវិហារ​ជា​របស់​ប្រទេស​កម្ពុជា​ ប៉ុន្តែ​បាន​បដិសេធ​សំណើ​របស់​ប្រទេស​កម្ពុជា សុំ​ឲ្យ​កំណត់​បន្ទាត់​ព្រំដែន​នៅ​​​ជិត​ប្រាសាទ​នេះ​៕ មានិត​​​​​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

The post រដ្ឋមន្ត្រី​ក្រសួង​​​ការពារ​​​ជាតិ​សរសើរ​ភាព​ស្ងប់​ស្ងាត់​ជាមួយ​ប្រទេស​ថៃ​ appeared first on ខេមបូឌា ដេលី.